រថយន្តស្ទូច កំពុងឈប់ស្ទូចសម្ភារៈសំណង់ ដួលរលំសង្កត់ រថយន្ត រ៉ឺម៉កកង់បី និងបង្គោលភ្លើង
16-March-2020 | ដោយ ពលមនសិការ
ព្រះសីហនុ៖ នៅថ្ងៃចន្ទ ៨រោច ខែផល្គុន ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែមីនា ឆ្នាំ២០២០ វេលាម៉ោង ៩នឹង៣០នាទី នៅចំណុចមុខផ្ទះពេទ្យយេន ស្ថិតនៅភូមិ១ សង្កាត់លេខ២ ក្រុង/ខេត្តព្រះសីហនុ មានករណីគ្រោះថ្នាក់មួយកើតឡើង បង្កដោយរថយន្តស្ទូច ០១គ្រឿងម៉ាក KATO ពណ៌ លឿង គ្មានផ្លាកលេខ ជាកម្មសិទ្ធរបស់ឈ្មោះ តាយ ស្នាក់នៅភូមិ៣ សង្កាត់លេខ១ក្រុង/ខេត្តព្រះសីហនុ ដែលកំពុងឈប់ស្ទូចសម្ភារៈសំណង់ បានដួលរលំសង្កត់ រថយន្ត រ៉ឺម៉កកង់បី និងបង្គោលភ្លើង។
សមត្ថកិច្ចបានឲ្យដឹងថារថយន្តស្ទូចម៉ាក HOWO ពណ៌ស ពាក់ផ្លាកលេខ ភ្នំពេញ3F-1339 ម្ចាស់ឈ្មោះ ជា រ៉ាវី ភេទប្រុស អាយុ ៣២ឆ្នាំ ស្នាក់នៅកំពង់ស្ពឺ, រថយន្តម៉ាក LEXUS RX300 ពណ៌ ទឹកមាស ពាក់ផ្លាកលេខ ភ្នំពេញ2N-1475 ម្ចាស់ឈ្មោះ CHEN EI HAO ភេទប្រុស អាយុ ៥៥ឆ្នាំ ជនជាតិចិន ស្នាក់នៅ កន្លែងកើតហេតុ, ម៉ូតូកង់បីម៉ាក BAJAJ ពណ៌ស ពាក់ផ្លាកលេខ ភ្នំពេញ1HA-1873 ម្ចាស់ឈ្មោះ ទឹម ភា ភេទប្រុស អាយុ៤១ឆ្នាំ មុខរបររត់Pass app ស្នាក់នៅ ខេត្តព្រៃវែង, បង្គោលភ្លើងអគ្គិសនីខេត្តព្រះសីហនុ ចំនួន០១ដើម។
សមត្ថកិច្ចបានបន្តថាក្រោយកើតហេតុ វត្ថុតាង រថយន្ត ០៣គ្រឿង និងម៉ូតូកង់បី០១គ្រឿង យកមករក្សានៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ ៕
ចំនួនអ្នកទស្សនា
- ថ្ងៃនេះ11551
- ម្សិលមិញ15191
- សប្តាហ៍នេះ54701
- ខែនេះ76581
- ឆ្នាំនេះ76581
- សរុប20519037