នាយឧត្ដមសេនីយ៍ សន្តិបណ្ឌិត នេត សាវឿន បំពាក់មេដាយជូននាយនគរបាលជាន់ខ្ពស់ នៃនគរបាលសហព័ន្ធអូស្ត្រាលី
23-March-2020 | ដោយ ពលមនសិការ
ភ្នំពេញ៖ នៅព្រឹកថ្ងៃចន្ទ ទី២៣ ខែមីនា ឆ្នាំ២០២០នេះ ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានអញ្ជើញជាអធិបតីភាពបំពាក់មេដាយ ជូនលោកស្រី NAOMI BINSTEAD នាយនគរបាលជាន់ខ្ពស់ នៃនគរបាលសហព័ន្ធអូស្ត្រាលី ប្រចាំព្រះរាជាណាចក្រកម្ពុជា ដែលមានស្នាដៃក្នុងកិច្ចសហប្រតិ្តការវរាងនគរបាល នៃប្រទេសទាំងពីរ។
ពិធីបំពាក់មេដាយប្រារព្ធធ្វើឡើងនៅអគ្គស្នងការដ្ឋាននគរបាលជាតិ និងមានការចូលរួមពី ឯកឧត្តម PABLO KANG ឯកអគ្គរដ្ឋទូតអូស្ត្រាលីប្រចាំនៅកម្ពុជាដែរ។
ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ មានប្រសាសន៍ក្នុងពិធីបំពាក់មេដៃនោះថា៖ លោកស្រី NAOMI កន្លងមកធ្លាប់មានស្នាដៃក្នុងការជួយបណ្តុះបណ្តាលដល់នគរបាលកម្ពុជាលើកិច្ចការមួយចំនួនដូចជា៖
១-ជួយបណ្តុះបណ្តាលវិធីសាស្ត្រដល់សាលានគរបាលនៅកម្ពុជា
២-ជួយសម្របសម្រួលជាជំនួយផ្នែកសម្ភារ មធ្យោបាយបច្ចេកទេស ដល់នគរបាលកម្ពុជា ជាពិសេសជួយពង្រឹងសមត្ថិភាពដល់នគរបាលបុស្តិ៍រដ្ឋបាលតាមរយៈគម្រោងនគរបាលសហគម (CPI) អោយដំណើរការបានល្អ និងជួយជាសម្ភារៈផ្សេងៗមួយចំនួនទៀត។
៣-ជួយសហការសម្របសម្រួលក្នុងការផ្លាស់ប្តូរព័ត៌មាន ដើម្បីបង្ក្រាបបទល្មើសពាក់ព័ន្ធនិងគ្រឿងញៀន បទល្មើសបច្ចេកវិទ្យា និងបទល្មើសពាក់ព័ន្ធទៅនិងការប្រយុទ្ធប្រឆាំងការជួញដូរលើកុមារ ហើយក៏បានផ្លាស់ប្តូរបទពិសោធន៍លើការងារជំនាញការលាងលុយកខ្វក់ផងដែរ។
៤-ជួយសម្របសម្រួលរវាងនគរបាលអូស្ត្រាលី និងកម្ពុជា ក្នុងដំណើរទស្សនកិច្ចផងដែរ។
ឯកឧត្ដម នាយឧត្ដមសេនីយ៍ សន្តិបណ្ឌិត អគ្គស្នងការនគរបាលជាតិ បានបន្ថែមអោយដឹងថា ស្នាដៃរបស់លោកស្រី NAOMI គឺបានពង្រឹងចំណងមិត្តភាពរវាងនគរបាលកម្ពុជា និងនគរបាលអូស្ត្រាលី ហើយជោគជ័យរបស់នគរបាលកម្ពុជាក៏ជាចំណែកចូលរួមយ៉ាងសំខាន់របស់លោកស្រី NAOMI។
ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងឯកឧត្តម PABLO KANG ឯកអគ្គរដ្ឋទូតអូស្ត្រាលីប្រចាំនៅកម្ពុជា ក្នុងពិធីបំពាក់មេដៃក៏បានឯកភាពក្នុងការពង្រឹងចំណងមិត្តភាពប្រទេសទាំង២ នគរបាលទាំង២ អោយកាន់តែរឹងមាំលើបញ្ហាប្រយុទ្ធប្រឆាំងភេរវកម្ម ឧក្រិដ្ឋឆ្លងដែន និងការបង្ការប្រឆាំងជំងឺឆ្លង COVID-19 ដើម្បីសន្តិភាព សុខមាលភាព តំបន់និងលើពិភពលោក ដែលទាមទារអោយកម្លាំងប្រទេសទាំង២សហការគ្នា។
ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន ក្នុងនាមនគរបាលកម្ពុជាសូមធ្វើការរៀនសូត្រនូវបទពិសោធន៍ល្អៗពីនគរបាលអូស្ត្រាលី លើសពីនេះឯកឧត្តម ក៏បានសំណូមពរអោយបន្តកិច្ចសហការទៅលើវិស័យនគរបាលថែមទៀតរវាង អូស្ត្រាលី និងកម្ពុជា។
គួរបញ្ជាក់ថា លោកស្រី NAOMI BINSTEAD នាយនគរបាលជាន់ខ្ពស់ នៃនគរបាលសហព័ន្ធអូស្ត្រាលីប្រចាំព្រះរាជាណាចក្រកម្ពុជា ត្រូវបានរាជរដ្ឋាភិបាលកម្ពុជា សម្រេចបំពាក់មេដាយសហមេត្រីថ្នាក់ អស្សឬទ្ធិ ខណៈដែលលោកស្រីមានស្នាដៃល្អក្នុងកិច្ចសហប្រត្តិបត្តការរវាងនគរបាល នៃប្រទេសទាំង២ និងបានជួយឧបត្ថម្ភសម្ភារៈបច្ចេកទេសជំនាញដល់វគ្គបណ្តុះបណ្តាលលើជំនាញនគរបាលទាំងក្នុង និងក្រៅប្រទេសកន្លងមក ៕
ចំនួនអ្នកទស្សនា
- ថ្ងៃនេះ9381
- ម្សិលមិញ15191
- សប្តាហ៍នេះ52531
- ខែនេះ74411
- ឆ្នាំនេះ74411
- សរុប20516867