កម្មករប្រមូលសំរាមម្នាក់តោងរថយន្តដឹកសំរាមរបូតដៃធ្លាក់ត្រូវរថយន្តកិនស្លាប់
29-April-2020 | ដោយ ពលមនសិការ
កណ្ដាល៖ កម្មករប្រមូលសំរាមក្រុមហ៊ុនបរិស្ថានភូមិយើងស្អាតម្នាក់ បន្ទាប់ពីប្រមូលសំរាមដាក់លើរថយន្តរួច រត់តោងលើរថយន្តខណៈរថយន្តកំពុងបើក ស្រាប់របូតដៃធ្លាក់ ត្រូវរថយន្តកិនស្លាប់គួរឲ្យអាសូរ នៅវេលាម៉ោង១១និង០២នាទី ថ្ងៃទី២៨ ខែមេសា ឆ្នាំ២០២០ នៅលើផ្លូវជាតិលេខ៥ ចន្លោះគីឡូម៉ែត្រលេខ២៦-២៧ ស្ថិតក្នុងភូមិពញាឮ ឃុំពញាឮ ស្រុកពញាឮ ខេត្តកណ្តាល។
មន្ត្រីនគរបាលចរាចរណ៍ស្រុកពញាឭបានឲ្យដឹងថា ជនរងគ្រោះឈ្មោះ កែម បញ្ញា ភេទប្រុស អាយុ១៧ឆ្នាំ មានទីលំនៅភូមិស្រះពោធិ៍ ឃុំផ្សារដែក ស្រុកពញាឮ ខេត្តកណ្តាល ។ ចំណែករថយន្តដឹកសំរាមរបស់ក្រុមហ៊ុនបរិស្ថានភូមិយើងស្អាត ម៉ាកHYUNDAI ពណ៌បៃតង គ្មានគ្មានស្លាកលេខ បើកបរដោយឈ្មោះ អ៊ុ សុវណ្ណបញ្ញា ភេទប្រុស អាយុ១៩ឆ្នាំ មានទីលំនៅភូមិព្រែកក្តាម២ ឃុំកោះចិន ស្រុកពញាឮ ខេត្តកណ្តាល (ឃាត់ខ្លួន)។
ប្រភពដដែលបន្តថា នៅថ្ងៃខែឆ្នាំកើតហេតុខាងលើ ជនរងគ្រោះបានជិះរថយន្តដឹកសំរាម ដើរប្រមូលសំរាមដាក់លើរថយន្ត លុះពេលបើកបរមកដល់ចំណុចកើតហេតុខាងលើ ជនរងគ្រោះដើរប្រមូលសំរាមដាក់លើរថយន្ត រួចរត់តោងរថយន្ត ក៏រអិលដៃធ្លាក់មកក្រោម ត្រូវបានរថយន្តកិនចំកង់ក្រោយផ្នែកខាងស្តាំ ចំក្បាលជនរងគ្រោះ បណ្តាលឲ្យស្លាប់នៅនឹងកន្លែងកើតហេតុតែម្តង។
ក្រោយពីមានហេតុការណ៍កើតឡើង នគរបាលចរាចរណ៍បានចុះដល់កន្លែងកើតហេតុ រួចពិនិត្យ វាស់វែង និងកសាងឯកសារដកហូតមធ្យោបាយពាក់ព័ន្ធយកទៅអធិការដ្ឋាននគរបាលស្រុក ចាត់ការតាមច្បាប់។ ចំពោះសាកសព ត្រូវបានកម្លាំងជំនាញប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ5521
- ម្សិលមិញ12561
- សប្តាហ៍នេះ33471
- ខែនេះ55351
- ឆ្នាំនេះ55351
- សរុប20497807