យុវជនម្នាក់ក្រោកទៅទិញឥវ៉ាន់ឲ្យម្តាយលក់ត្រូវបានរថយន្តធុនធំបុកស្លាប់
15-June-2020 | ដោយ ពលមនសិការ
បន្ទាយមានជ័យ៖ យុវជនម្នាក់បានបាត់បង់ជីវិតភ្លាមៗមួយរំពេចក្នុងហេតុការណ៍គ្រោះថ្នាក់ចរាចរណ៍រវាងរថយន្តបុកម៉ូតូ ។ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៣និង៤៤នាទីទាបភ្លឺ ថ្ងៃទី១៥ខែមិថុនាឆ្នាំ២០២០ នៅលើកំណាត់ផ្លូវជាតិលេខ ៥៦A ចំណុចទល់មុខក្លោងទ្វារវត្តពោធិតាបែន ស្ថិតក្នុងភូមិគោករការ ឃុំតាបែន ស្រុកស្វាយចេក ខេត្តបន្ទាយមានជ័យ។
ប្រភពព័ត៌មានពីនគរបាលមូលដ្ឋាន បានឲ្យដឹងថា៖ជនរងគ្រោះឈ្មោះ អឿន ឡាយហាំង ភេទប្រុស អាយុ២២ឆ្នាំរស់នៅភូមិអូរវែងត្បូងឃុំ តាបែនស្រុកស្វាយចេក ខេត្តបន្ទាយមានជ័យ បើកបរម៉ូតូម៉ាកអៀរ៉ក ពណ៍ខ្មៅ គ្មានស្លាកលេខ។ ចំណែករថយន្តបើករត់គេចខ្លួនបាត់ ។
ប្រភពដដែលបានបញ្ជាក់ថា៖នៅមុនពេលកើតហេតុ ជនរងគ្រោះបានក្រោកពីដំណេកជិៈម៉ូតូទៅទិញ ឥវា់ន់ឲ្យម្តាយលក់ លុះពេលជិៈចេញពីភូមិឡើងមកថ្នល់ជាតិ ដោយធ្វើដំណើរ ពីជើងទៅត្បូងមកដល់ចំណុចកើតហេតុ ទល់មុខក្លោងទ្វារវត្តពោធិតាបែន ក៏ត្រូវរថយន្តធុនធំ ធ្វើដំណើរច្រាសទិសគ្នា ពីត្បូងទៅជើងបុកបណ្តាលឲ្យជនរងគ្រោះស្លាប់ភ្លាមៗនៅនឹងកន្លែង ម៉ូតូជនរងគ្រោះខូចខាតធ្ងន់ ចំណែកអ្នកបកបររថយន្តក្រោយពីកើតហេតុ បានបើករត់គេចខ្លួនបាត់ស្រមោលឈឹង ។សពជនរងគ្រោះត្រូវបាន ប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី បន្ទាប់នគរបាលជំនាញ ធ្វើការវាស់វែងនិងត្រួតពិនិត្យរួច។ម៉ូតូយកមករក្សាទុកនៅប៉ុស្តិ៍រដ្ឋបាលឃុំតាបែនរងចាំប្រគល់ជូនក្រុមគ្រួសារជនរងគ្រោះវិញ ៕
ចំនួនអ្នកទស្សនា
- ថ្ងៃនេះ1331
- ម្សិលមិញ2601
- សប្តាហ៍នេះ8571
- ខែនេះ61471
- ឆ្នាំនេះ316411
- សរុប19543857