សាលារៀន វ៉េស្ទឡាញន៍ រៀបចំពិធីប្រគល់វិញ្ញាបនប័ត្របញ្ចប់កម្រិតសិក្សា
27-September-2015 | ដោយ ខ្លុយខ្មែរ
ភ្នំពេញ៖ សាលារៀនវ៉េស្ទឡាញន៍ បានរៀបចំពិធី អបអរសាទរប្រគល់វិញ្ញាបនប័ត្របញ្ចប់កម្រិតសិក្សា ថ្នាក់មត្តេយ្យភាសាខ្មែរ និងភាសាអង់គ្លេស កម្រិត៣ នៅមជ្ឈមណ្ឌលសហប្រតិបត្តិការកម្ពុជា-កូរ៉េ(CKCC) នាព្រឹកថ្ងៃទី ២៧ ខែកញ្ញា ឆ្នាំ២០១៥។
ពិធីនេះដែរ មានការអញ្ជើញចូលរួមជាអធិបតីដោយ លោក ប៉ិច បូឡែន ប្រធាននាយកប្រតិបត្តិ នៃក្រុមហ៊ុន វ៉េស្ទឡាញន៍ អេឌ្យូខេសិន គ្រុប ខូ អិលធីឌី ព្រមទាំងមានការចូលរូមពីសំណាក់ លោកគ្រូ អ្នកគ្រូ មាតាបិតា អាណាព្យាបាលសិស្ស និងភ្ញៀវកិត្តិយសជាច្រើនរូបទៀតផងដែរ។
សិស្សានុសិស្សដែលបានទទួលវិញ្ញាបនប័ត្រ ប្រមាណជាង ២០០នាក់ ដែលមកពីសាលារៀនវេសឡាញចំនូន ៣សាខា រួមមាន សាខាទូលទំពូង សាខាទួលស្វាយព្រៃ និងសាខាផ្សារតូច។
ក្នុងឱកាសនោះដែរ លោក ប៉ិច បូឡែន បានសំណូមពរឲ្យមាតាបិតា និងអាណាព្យាបាលទាំងអស់ ធ្វើយ៉ាងណាឲ្យមានលេខទូរស័ព្ទគ្រូបង្រៀន អ្នកសម្របសម្រួលកម្មវិធី នាយករងឬនាយិការងទទួលបន្ទុកកម្មវិធី និង នាយកឬនាយិកាសាខា ដើម្បីងាយស្រួលក្នុងការសហការតាមដានការសិក្សារបស់សិស្សានុសិស្ស និងផ្តល់ជាយោបល់ ឬសំណូមពរផ្សេងៗ។
លោកបានមានប្រសាសន៍បន្តថា ក្រុមហ៊ុន វ៉េស្ទឡាញន៍ អេឌ្យូខេសិន គ្រុប ខូ អិលធីឌី កំពុងរៀបចំគម្រោងបម្រើសេវាអប់រំជាលក្ខណៈអន្តរជាតិ ដែលអាចនឹងចេញជាផ្លូវការនៅឆ្នាំក្រោយនេះ។
ជាចុងក្រោយលោកប្រធាននាយកប្រតិបត្តិ ក៏បានថ្លែងអំណរគុណ ចំពោះវត្តមានរបស់មាតាបិតា អាណាព្យាបាល និងសិស្សានុសិស្សទាំងអស់ និងជូនពរឲ្យមាន សេចក្តីសុខ សុភមង្គលគ្រប់ក្រុមគ្រួសារ ជាពិសេសជូនពរឲ្យសិស្សានុសិស្សទាំងអស់ឲ្យមានសុខភាពល្អគ្រប់ៗគ្នា៕
ចំនួនអ្នកទស្សនា
- ថ្ងៃនេះ1351
- ម្សិលមិញ2921
- សប្តាហ៍នេះ11161
- ខែនេះ4281
- ឆ្នាំនេះ340541
- សរុប19567987