ឯកឧត្តម ស៊ុន ចាន់ថុល ជួបពិភាក្សាការងារជាមួយគណៈប្រតិភូនៃ Carlyle Group
13-November-2015 | ដោយ មួយឡា
ភ្នំពេញ៖ នៅទីស្តីការក្រសួងពាណិជ្ជកម្ម នាថ្ងៃទី១២ ខែវិច្ឆិកា ឆ្នាំ២០១៥ ឯកឧត្តមទេសរដ្ឋមន្ត្រី ស៊ុន ចាន់ថុល បានជួបពិភាក្សាការងារជាមួយលោក Volkert Doeksen អនុប្រធានក្រុមហ៊ុន Carlyle ទទួលបន្ទុកលើផ្នែកដំណោះស្រាយវិនិយោគ Investment Solutions និង លោក Vikram M. Lokur ប្រធានក្រុមហ៊ុន Carlyle Group។
លោក Doeksen បានសម្តែងការកោតសរសើររបស់ខ្លួនចំពោះឯកឧត្តមទេសរដ្ឋមន្ត្រី ដែលបានអនុញ្ញាតឲ្យលោកបានជួបពិភាក្សានិងបានជម្រាបជូនឯកឧត្តមទេសរដ្ឋមន្ត្រី អំពីសកម្មភាពបច្ចុប្បន្ន និងយុទ្ធសាស្ត្រនានា ព្រមទាំងចំណាប់អារម្មណ៍របស់ខ្លួនក្នុងការសិក្សាបន្ថែមទៀតអំពីបរិយាកាសពាណិជ្ជកម្មនៅកម្ពុជា។
ឯកឧត្តមទេសរដ្ឋមន្ត្រី ក៏បានសម្តែងការកោតសរសើរនិងស្វាគមន៍ចំពោះក្រុមហ៊ុនដែលមានចំណាប់អារម្មណ៍ក្នុងការវិនិយោគនៅកម្ពុជាផងដែរ៕
ប្រភព៖ ទំព័រក្រសួងពាណិជ្ជកម្ម
ចំនួនអ្នកទស្សនា
- ថ្ងៃនេះ11951
- ម្សិលមិញ15681
- សប្តាហ៍នេះ70791
- ខែនេះ92671
- ឆ្នាំនេះ92671
- សរុប20535127