បុរីសម្បត្តិមានហេង៣ ប្រារព្ធពិធីក្រុងពាលី សម្ពោធការដ្ឋានសាងសង់ គម្រោងភូមិប្រណិតព្រែកឯង
19-November-2015 | ដោយ មួយឡា
ភ្នំពេញ៖ នៅព្រឹកថ្ងៃទី ១៥ ខែវិច្ឆិកា ឆ្នាំ២០១៥ កន្លងទៅនេះ បុរីសម្បត្តិ មានហេង៣ បានរៀបចំធ្វើពិធីក្រុងពាលី ដើម្បីបើកសម្ពោធការដ្ឋានសាងសង់គម្រោងភូមិប្រណិតព្រែកឯង ដែលមានទីតាំងនៅក្នុងភូមិពីរគឺ ភូមិមិត្តភាព និងភូមិទួលតាចាន់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ គម្រោងភូមិប្រណិតព្រែកឯងនេះ នឹងត្រូវបានសាងសង់លើផ្ទៃដីទំហំប្រហែល ៥ហិកតា និងមានផ្ទះចំនួន ២៥៧ខ្នង។
ក្នុងគម្រោងភូមិប្រណិតព្រែកឯងនេះមានប្រភេទផ្ទះចំនួន ៣ប្រភេទគឺ ផ្ទះល្វែង វីឡាកូនកាត់ និងវីឡាភ្លោះ។ លើសពីនេះទៅទៀត នៅក្នុងគម្រោងនេះ នឹងមានកន្លែងហាត់ប្រាណ ព្រមទាំងសួនច្បារផងដែរ។ គម្រោងនេះនឹងចាប់ផ្តើមបើកលក់នៅថ្ងៃទី ០១ ខែធ្នូ ឆ្នាំ២០១៥ នេះហើយ។
តាមប្រសាសន៍របស់លោក តុង វិហ្សា បានឲ្យពាណិជ្ជកម្មកម្ពុជាដឹងថា ទីក្រុងភ្នំពេញបានពង្រីកទៅដល់ស្រុកកៀនស្វាយ ហើយតំបន់នេះគឺជា ច្រកសេដ្ឋកិច្ចសំខាន់ ដែលតភ្ជាប់ទៅប្រទេសវៀតណាម។ តំបន់ដែលគម្រោងយើងតាំងនៅនេះគឺជា តំបន់មានសក្ដានុពលខ្លាំង នាពេលអនាគតឆាប់ៗនេះ។
ម្យ៉ាងវិញទៀត នៅតំបន់នេះជាទីតាំងល្អ មានខ្យល់អាកាសបរិសុទ្ធ ហើយព្រមទាំងស្ថិតនៅជិតទីប្រជុំជន ដែលមានសាលារៀន ផ្សារ និងវត្តអារាមនៅជិតនោះទៀតផង។
គួរបញ្ជាក់ផងដែរថា គម្រោងភូមិប្រណិតព្រែកឯងនេះ គឺជាគម្រោងទីពីរ របស់បុរីសម្បត្តិ មានហេង៣ ដែលគម្រោងទី ១ មានទីតាំងស្ថិតនៅសង្កាត់និរោធ ខណ្ឌច្បារអំពៅ រាជធានីភ្នំពេញ។ គម្រោងទី ២ របស់បុរីសម្បត្តិ មានហេង៣ ដែលមានឈ្មោះថា “ភូមិប្រណិតព្រែកឯង” នេះ គ្រោងនឹងបញ្ចប់នៅក្នុងរយៈពេល ពីរឆ្នាំទៀត។ បុរីសម្បតិ្ត មានហេង នាំមកនូវភាពកត្តញ្ញូ ភាពកត្តញ្ញូរំលត់នូវនិស្ស័យកម្ម៕
ប្រភព៖ គេហទំព័រពាណិជ្ជកម្មកម្ពុជា
ចំនួនអ្នកទស្សនា
- ថ្ងៃនេះ14321
- ម្សិលមិញ15681
- សប្តាហ៍នេះ73161
- ខែនេះ95041
- ឆ្នាំនេះ95041
- សរុប20537497