ស្ពានអាកាសតិចណូនឹងត្រូវដាក់ឲ្យប្រើប្រាស់ជាបណ្តោះអាសន្ន
20-November-2015 | ដោយ មួយឡា
ភ្នំពេញ៖ សាលារាជធានីភ្នំពេញបានចេញសេចក្ដីប្រកាសដាក់ឱ្យប្រើប្រាស់ជាបណ្ដោះអាសន្នស្ពាន អាកាសតិចណូនៅថ្ងៃស្អែក ទី២១ ខែវិច្ឆិកា ឆ្នាំ២០១៥។
សេចក្ដីប្រកាសនេះ ធ្វើឡើងបន្ទាប់ពីការដ្ឋានស្ថាបនាស្ពានអាកាសតិចណូបានបញ្ចប់ការសាងសង់ដំណាក់កាលចុងក្រោយដែលសម្រេច ១០០% ជាស្ថាពរ។
ជាមួយគ្នានេះដែរ តាមប្រសាសន៍អភិបាលរាជធានីភ្នំពេញ ឯកឧត្តម ប៉ា សុជាតិវង្ស បានថ្លែងថា៖ « ស្ពានអាកាសតិចណូនឹងដាក់ឲ្យប្រើបណ្ដោះអាសន្ននាថ្ងៃទី ២១ វិចិ្ឆកា ហើយនឹងសម្ពោធជាផ្លូវការនៅក្នុងខែធ្នូ ២០១៥ នាពេលខាងមុខនេះហើយ ។
ស្ពានអាកាសតិចណូដែលជាស្ពានទី៤នេះដែរ សាងសង់ដោយក្រុមហ៊ុនវិនិយោគទុនអាណិកជនកម្ពុជា ( OCIC ) ត្រួតពិនិត្យបច្ចេកទេសដោយមន្ទីរសាធារណការនិងដឹកជញ្ជូនរាជធានីភ្នំពេញ រយៈពេលសាងសង់១៦ខែ ដែលបានបញ្ចប់ការសាងសង់មុនពេលកំណត់ និងចំណាយថវិកាសាងសង់ប្រមាណជាង ១៤លានដុល្លារអាមេរិក បានមកពីគម្រោងវិនិយោគនានារបស់ក្រុមហ៊ុន OCIC។
បើតាមសាលារាជធានីបានបញ្ជាក់ថា ស្ពាននេះនឹងមិនមែនជាស្ពានចុងក្រោយទេ សាលារាធានី នឹងធ្វើការកែលម្អប្រព័ន្ធចរាចរណ៍ស្ពានអាកាសក្បាលថ្នល់ ចំនុចប្រសព្វស្តុបកាណាឌីយ៉ា ស្ពានអាកាសស្តុបទឹកថ្លា និងចំនុចប្រសព្វស្តុបផ្សារដើមគជាដើម៕
ប្រភព៖ businesscambodia
ចំនួនអ្នកទស្សនា
- ថ្ងៃនេះ14541
- ម្សិលមិញ15681
- សប្តាហ៍នេះ73381
- ខែនេះ95261
- ឆ្នាំនេះ95261
- សរុប20537717