សម្តេចតេជោ ហ៊ុន សែន និងលោកជំទាវ អញ្ជើញជាអធិបតីសម្ពោធដាក់អោយប្រើប្រាស់ “មណ្ឌលកីឡាហែលទឹកតេជោសែន”
03-December-2015 | ដោយ មួយឡា
កំពង់ចាម៖ នៅថ្ងៃទី ០២ ខែ ធ្នូ ឆ្នាំ ២០១៥ សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន អញ្ជើញជាអធិបតីសម្ពោធដាក់អោយប្រើប្រាស់ «មណ្ឌលកីឡាហែលទឹកតេជោសែន» នៅក្រុងកំពង់ចាម ខេត្តកំពង់ចាម។
នេះជាសមិទ្ធផលជាតិដែល សម្តេចតេជោ បានកសាងសម្រាប់ជាប្រយោជន៍ដល់ការហ្វឹកហាត់ជំនាញកីឡាហែលទឹកដល់កីឡាករដោយគ្មានរើសអើង ជាពិសេសគឺសម្រាប់យុវជនក្នុងទូទាំងខេត្តកំពង់ចាម និងទូទាំងប្រទេស ដែលមានបំណងហ្វឹកហាត់ជំនាញកីឡាហែលទឹក ដើម្បីសុខភាព និងដើម្បីចូលរួមប្រកួតប្រជែងទាំងក្នុងកម្រិតជាតិ និងអន្តរជាតិ ជាពិសេសនៅក្នុងកីឡាស៊ីហ្គេម SEA GAMES ឆ្នាំ ២០២៣ ខាងមុខ។
សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត តែងតែគិតគូរយកចិត្តទុកដាក់ជានិច្ចចំពោះសង្គមជាតិ អនាគតយុវជន និងវិស័យកីឡានៅក្នុងប្រទេសដោយមិនប្រកាន់និន្នាការនយោបាយ គឺខិតខំធ្វើយ៉ាងណា ដើម្បីប្រទេសជាតិទាំងមូលបានឆាប់រីកចម្រើនទៅមុខ៕
ប្រភព៖ ទំព័រ Samdech Hun Sen, Cambodian Prime Minister
ចំនួនអ្នកទស្សនា
- ថ្ងៃនេះ1801
- ម្សិលមិញ7651
- សប្តាហ៍នេះ1801
- ខែនេះ156011
- ឆ្នាំនេះ758191
- សរុប21200647