ឯកឧត្តម ពិត ចំណាន អញ្ជើញជាអធិបតីភាពក្នុងវេទិកាជាតិលើកទី៥ និងទិវាអន្តរជាតិសម្រាប់អ្នកស្ម័គ្រចិត្ត
07-December-2015 | ដោយ មួយឡា
ភ្នំពេញ៖ នៅវិទ្យាស្ថានបច្ចេកវិទ្យាកម្ពុជា នាព្រឹកថ្ងៃទី០៥ ខែធ្នូ ឆ្នាំ២០១៥ មានរៀបចំវេទិកាជាតិលើកទី៥ និងទិវាអន្តរជាតិសម្រាប់អ្នកស្ម័គ្រចិត្ត ក្រោមប្រធានបទ "ស្ម័គ្រចិត្តដើម្បីសម្រេចគោលដៅសាកល" ស្ថិតនៅសង្កាត់ផ្សារដេប៉ូ ខណ្ឌទួលគោក រាជធានីភ្នំពេញ ។
វេទិកានេះ ធ្វើឡើងក្រោមអធិបតីភាព ឯកឧត្តម ពិត ចំណាន រដ្ឋលេខាធិការក្រសួងអប់រំ យុវជន និងកីឡា និងលោកជំទាវ Claire Van der Vaeren អ្នកសម្របសម្រួលអង្គការសហប្រជាជាតិ ប្រចាំនៅកម្ពុជា ដោយមានការអញ្ជើញចូលរួមពី លោកជំទាវលេខាធិការទី២ នៃស្ថានទូតអូស្ត្រាលីប្រចាំនៅកម្ពុជា ឯកឧត្តម លោកជំទាវថ្នាក់ដឹកនាំក្រសួង លោក លោកស្រីប្រធានអង្គភាព ព្រមទាំងតំណាងអង្គការជាតិ អន្តរជាតិ ជាច្រើនរូបទៀត។
ថ្លែងក្នុងឱកាសនេះ ឯកឧត្តមរដ្ឋលេខាធិការបានមានប្រសាសន៍ថា វេទិកាជាតិលើកទី៥ និងទិវាអន្តរជាតិសម្រាប់អ្នកស្ម័គ្រចិត្ត គឺជាការផ្តល់ឱកាសដ៏ល្អមួយសម្រាប់ផ្ដល់កិច្ចពិភាក្សាស្វែងយល់ និងរិះរកវិធីដើម្បីជម្រុញការងារស្ម័គ្រចិត្ត ដែលអ្នកទាំងនោះបានលះបង់នូវកម្លាំងកាយចិត្ត ពេលវេលា ធនធាន និងសមត្ថភាពរបស់ខ្លួនក្នុងការជួយដល់អ្នកដទៃ គ្រួសារ សហគមន៍ និងប្រទេសជាតិទាំងមូលឲ្យមានភាពរីកចម្រើនឡើង៕
ប្រភព៖ ទំព័រក្រសួងអប់រំ យុវជន និងកីឡា
ចំនួនអ្នកទស្សនា
- ថ្ងៃនេះ4011
- ម្សិលមិញ20231
- សប្តាហ៍នេះ83091
- ខែនេះ104971
- ឆ្នាំនេះ104971
- សរុប20547427