តើអ្នកចង់រៀនចប់ទើបធ្វើការ ឬធ្វើការបណ្ដើររៀនបណ្ដើរ?
07-December-2015 | ដោយ មួយឡា
នៅក្នុងផ្នត់គំនិតនិស្សិត មួយចំនួនមិនឲ្យតម្លៃលើការងារស្ម័គ្រចិត្តឡើយ ពីព្រោះពួកយល់ថា ធ្វើការងារស្ម័គ្រចិត្តមិនទទួលបានប្រាក់ខែ ខាតពេលវេលា ការសិក្សាធ្លាក់ចុះជាដើម។ ផ្នត់គំនិតនេះបានជិះឥទិ្ធពលអវិជ្ជមានទៅដល់និស្សិតទាំងនេះវិញ នៅពេលដែលពួកគេស្វែងរកការងារធ្វើ ពីព្រោះគេត្រូវការធនធានមនុស្សដែលមានបទពិសោនធ៍ការងារ។
សំណួរសួរថា រៀនចប់ ទើបធ្វើការ និងរៀនបណ្តើរ ធ្វើការបណ្តើរ មួយណាល្អជាង? សំណួរនេះនិស្សិតទាំងអស់ត្រូវតែពិចារណា វិភាគ ថ្លឹងថ្លែងឲ្យបានច្បាស់។ ទី១) រៀនចប់ថ្នាក់បរិញ្ញាបត្រ ទើបធ្វើការងារស្ម័គ្រចិត្ត ជាជម្រើលល្អសម្រាប់អ្នកដែរឬទេ។ ទី២) រៀននៅមហាវិទ្យាល័យបណ្តើរ ធ្វើការស្ម័គ្រចិត្តបណ្តើរ ជាជម្រើសល្អសម្រាប់អ្នកដែរឬទេ។
បើទោះជារង់ចាំរៀនចប់ ទើបធ្វើការ ឬរៀនបណ្តើរ ធ្វើការបណ្តើរសុទ្ធតែមានគុណសម្បត្តិ និងគុណវិបត្តិដូចគ្នា តែគ្រាន់តែមានមួយណាឱកាស និងមានប្រយោជន៍ជាងប៉ុណ្ណោះ។
រៀនចប់ ទើបធ្វើការ៖ និស្សិតមានពេលរៀនដោយខ្លួនឯងច្រើន រៀនពូកកែខាងទ្រឹស្តី ទទួលបានពិន្ទុខ្ពស់ មានឱកាសប្រឡងយកអាហារូបករណ៍ជាដើម។ ប៉ុន្តែ ពួកគេមិនមានបទពិសោធន៍ទាក់ទិននឹងមេរៀនទាំងនោះឡើយ។ ជាពិសេស ឱកាសការងារក៏មិនសូវមានដែរ ព្រោះពេលសម្ភាសន៍ការងារគេត្រូវការអ្នកមានបទពិសោធន៍យ៉ាងហោចណាស់ក៏ មួយឆ្នាំទៅពីរឆ្នាំដែរ។
រៀនបណ្តើរ ធ្វើការបណ្តើរ៖ និស្សិតមិនសូវមានពេលរៀនដោយខ្លួនឯង រៀនទ្រឹស្តីក៏មិនពូកែ ពិន្ទុក៏មិនសូវល្អ ហើយឱកាសប្រឡងយកអាហារូបករណ៍ក៏មិនមានច្រើនដែរ ព្រោះពិន្ទុនៅក្នុងសាលារពួកគេមានកម្រិតទាប នេះក៏ដោយសារតែពួកគេចំណាយពេលធ្វើការច្រើនជាការសិក្សា។ ប៉ុន្តែ ពួកគេមានបទពិសោធន៍ច្រើនក្នុងការងារ នេះក៏ជាឱកាសមួយដែរ នៅពេលដែលពួកគេសម្ភាសន៍ការងារ។ ម្យ៉ាងទៀត ពួកគេស្គាល់សង្គមបានច្រើន មានទំនាក់ទំនងជាមួយមនុស្សច្រើន មានទំនុកចិត្ត ក្លាហ៊ានជាងមុន ចេះបែងចែកការងារ និងការសិក្សាបានល្អ។ ល៕
តើអ្នកយល់ថារៀនចប់ ទើបធ្វើការ និងរៀនបណ្តើរ ធ្វើការបណ្តើរ មួយណាល្អជាង?
ប្រភព៖ thmeythmey
ចំនួនអ្នកទស្សនា
- ថ្ងៃនេះ3861
- ម្សិលមិញ20231
- សប្តាហ៍នេះ82941
- ខែនេះ104821
- ឆ្នាំនេះ104821
- សរុប20547277