សម្តេចតេជោ ហ៊ុន សែន ប្រកាសលុបចោលការយកលុយធ្វើដំណើរលើផ្លូវវេងស្រេង
28-December-2015 | ដោយ មួយឡា
ភ្នំពេញ៖ ក្នុងឱកាសពិធីចែកសញ្ញាបត្រដល់ និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្រ្តសេដ្ឋកិច្ច នៅព្រឹកថ្ងៃទី ២៨ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា បានប្រកាសឈប់យកលុយថ្លៃ ធ្វើដំណើរលើផ្លូវវេងស្រេង។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសផ្តល់កាដូឆ្នាំថ្មី នៅលើ Facebook របស់សម្តេច ជូនបងប្អូនប្រជាពលរដ្ឋដែលរស់នៅតាមផ្លូវវេងស្រេងដោយបានបញ្ជាឲ្យបញ្ឈប់ការយកលុយពីរថយន្តគ្រួសារដែលរស់នៅតាមផ្លូវមួយនេះហើយសម្ដេចបញ្ជាឲ្យអភិបាលរាជធានីភ្នំពេញ ចុះធ្វើ Sticker ជូនបងប្អូនដោយឥតគិតថ្លៃ។
សម្តេចតេជោ ហ៊ុន សែន បានបញ្ជាក់នៅលើ Facebook យ៉ាងដូច្នេះថា «បងប្អូនដែលរស់នៅតាមបណ្តោយផ្លូវវែងស្រេងជាទីស្រឡាញ់! ខ្ញុំទើបបានដឹងរឿងដែលរថយន្តគ្រួសាររស់នៅតាមបណ្តោយផ្លូវវែងស្រេងត្រូវក្រុមហ៊ុនយកប្រាក់ ១១០០រៀលក្នុងរថយន្ត១គ្រឿង ឬ ត្រូវបិទ sticker ក្នុងតម្លៃ១៣២០០០រៀលក្នុងរថយន្ត១គ្រឿង នេះបើតាមការបញ្ជាក់របស់បងប្អូនដែលបានផ្ញើព័ត៌មានពិតមកកាន់បណ្តាញទំនាក់ទំនងសង្គមហ្វេសប៊ុគ (Facebook) របស់ខ្ញុំ។
ចំណែកអាជ្ញាធរបញ្ជាក់ថា ៤០,០០០ រៀល១គ្រឿង ។ សំរាប់ខ្ញុំ ទោះតម្លៃមួយណាក៏ដោយបងប្អូនដែលមិនត្រូវបង់ថ្លៃផ្លូវឬបង់ថ្លៃធ្វើ sticker នោះទេ។ ខ្ញុំបានបញ្ជាឲ្យអភិបាលរាជធានីចុះធ្វើ Sticker ជូនបងប្អូនដោយមិនចាំបាច់បង់ប្រាក់សំរាប់រថយន្តគ្រួសារ ដែលរស់នៅតាមបណ្តោយផ្លូវនិងស្ថិតក្នុងតំបន់ដែលក្រុមហ៊ុនធ្វើវិនិយោគ។ បងប្អូនត្រូវបំពេញកាតព្វកិច្ចបង់ពន្ធផ្លូវជូនរដ្ឋតាមការកំណត់នៃច្បាប់ តែមិនត្រូវបង់ថ្លៃផ្លូវមុខផ្ទះបងប្អូននោះទេ
សាលារាជធានីភ្នំពេញត្រូវចាត់កម្លាំងចុះធ្វើ Sticker ជូនបងប្អូនជាបន្ទាន់។
សុំអរគុណបងប្អូនដែលបានផ្តល់ព័ត៌មានពិតដល់ខ្ញុំ អរគុណចំពោះក្រុមហ៊ុនដែលបានឆ្លើយតបភ្លាមៗចំពោះការចាត់ការរបស់ខ្ញំ ហើយខ្ញុំសូមកោតសសើរ ឯកឧត្តម ប៉ា សុជាតិវង្ស អភិបាលរាជធានីភ្នំពេញដែលបានចាត់ការភ្លាមៗតាមបញ្ជារបស់ខ្ញុំ ដើម្បីដោះស្រាយកង្វល់របស់ប្រជាជន។
សូមបញ្ជាក់ថា ខ្ញុំទទួលនឹងជួយដោះស្រាយរឿងពិតប្រាកដដែលជាទុក្ខកង្វល់របស់ប្រជាជន ខ្ញុំនិងភរិយាសូមជូនពរបងប្អូនជនរួមជាតិក្នុងឱកាសចូលឆ្នាំថ្មី ២០១៦ដែលនឹងមកដល់នាពេលខាងមុខនេះ សូមជួបប្រទះតែសេចក្តីសុខនិងសំណាងល្អគ្រប់គ្នា។
ខាងក្រោមនេះជាសាររបស់ប្រជាពលរដ្ឋ ថ្លែងប្រាប់ពីបញ្ហាមួយនេះផ្ទាល់ជូនសម្តេចតេជោតាមរយៈ Facebook ៖
សំណូមពរប្រជាពលរដ្ឋ៖ (ខ្ញុំបាទជាប្រជាពលរដ្ឋរស់នៅតាមបណ្តោយផ្លូវវេងស្រេងសុំសម្តេចជួយដោះស្រាយផង ក្រុមហ៊ុនសាងសង់ផ្លូវបានកំណត់យកថ្លៃឆ្លងកាត់សម្រាប់ឡានគ្រួសារតម្លៃ ១១០០រៀលដែលពីមុនមិនមានការយកទេ ។ ក្រុមហ៊ុនអោយធ្វើ sticker បិទដើម្បីចេញចូលមិនបាច់បង់ប្រាក់ ប៉ុន្តែតម្លៃនោះគឺ ១៣,២០០០រៀលក្នុងមួយឆ្នាំគឺថ្លៃជាងបង់ពន្ធផ្លូវទៅទៀត។ សូមសម្តេចជួយដោះស្រាយផង។ដោយក្តីគោរពដ៏ខ្ពង់ខ្ពស់បំផុត ៕ ដោយមែន កំសត់
ចំនួនអ្នកទស្សនា
- ថ្ងៃនេះ2061
- ម្សិលមិញ14181
- សប្តាហ៍នេះ2061
- ខែនេះ117211
- ឆ្នាំនេះ117211
- សរុប20559667