សម្ដេច សាយ ឈុំ ផ្ញើសារលិខិតរំលែកមរណទុក្ខយ៉ាងក្រៀមក្រំជាមួយឯកឧត្តម សៀង ណាំ និងលោកជំទាំវ
21-January-2016 | ដោយ មួយឡា
ភ្នំពេញ៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភាកម្ពុជា បានចូលរួមរំលែកមរណទុក្ខ ជាមួយ ឯកឧត្តម សៀង ណាំ សមាជិករដ្ឋសភា ជាតំណាងរាស្ដ្រមណ្ឌលសៀមរាប និងលោកជំទាវ ដែលកំពុងមានទុក្ខយ៉ាងក្រៀមក្រំ ដោយសារឧបាសក ឈុន ហាក់ ត្រូវជាឪពុក ឪពុកក្មេកបានទទួលមរណភាព។
នៅក្នុងលិខិតចូលរួមរំលែកមរណទុក្ខផ្ញើជូនឯកឧត្តម សៀង ណាំ និងលោកជំទាវ សម្តេចវិបុលសេនាភក្តី សាយ ឈុំ បានថ្លែងថា « ខ្ញុំ និងភរិយា សូមចូលរួមរំលែកនូវសេចក្តីទុក្ខដ៏ក្រៀមក្រំ ក្តុកក្តួលអាឡោះអាល័យជាទីបំផុតជាមួយ ឯកឧត្តមនិងលោកជំទាវ ព្រមទាំងក្រុមគ្រួសារ និងញាតិមិត្តទាំងអស់នៃសព ព្រមទាំងសូមបួងសួងដល់វត្ថុស័ក្កិសិទ្ធក្នុងលោក និងតេជៈបារមី នៃព្រះពុទ្ធព្រះធម៌ ព្រះសង្ឃ តាមបីបាច់រក្សាដួងវិញ្ញាណក្ខន្ធ ឧបាសក ឈុន ហាក់ បានសោយសុខក្នុង សុគតិភពជានិច្ចនិរន្តរ៍តរៀងទៅ»។
សូមបញ្ជាក់ថា ឧបាសក ឈុន ហាក់ ត្រូវជាឪពុកបង្កើតឯកឧត្តម សៀង ណាំ បានទទួលមរណភាពនៅថ្ងៃទី១៩ ខែមករា ឆ្នាំ២០១៦ ក្នុងជន្មាយុ ៩៥ឆ្នាំ ដោយសារជរាពាធ៕ ដោយ មែន កំសត់
ចំនួនអ្នកទស្សនា
- ថ្ងៃនេះ1861
- ម្សិលមិញ11441
- សប្តាហ៍នេះ31691
- ខែនេះ146841
- ឆ្នាំនេះ146841
- សរុប20589297