ខួបលើកទី ១២ ឆ្នាំស្អែកនេះហើយ ឃាតករនៅតែរកមិនទានឃើញ
21-January-2016 | ដោយ មួយឡា
ភ្នំពេញ៖ មកដល់ពេលនេះ សមត្ថកិច្ចនៅតែមិនអាចវែកមុខឃាតករបាញ់សម្លាប់អតីតមេសហជីពដ៏ល្បីល្បាញលោក ជា វិជ្ជា កាលពីថ្ងៃទី ២២ ខែមករា។ នៅថ្ងៃទី ២២ ខែមករា ឆ្នាំ២០១៦ ស្អែកនេះ គឺជាគម្រប់ខួប ១២ ឆ្នាំគត់នៃការស្លាប់លោក ជា វិជ្ជា។ ប្អូនប្រុសលោក ជា វិជ្ជា លោក ជា មុនី នៅតែបន្តដង្ហោយទាមទាររកយុត្តិធម៌ជូនបងខ្លួន។
ប្រធានសហជីពសេរីកម្មករនៃ ព្រះរាជាណាចក្រកម្ពុជា លោក ជា មុនី នឹងដឹកនាំតំណាងសហជីព កម្មករទូទាំងប្រទេសជាង ២ រយនាក់ គោរពវិញ្ញាណក្ខន្ធអតីតមេសហជីពលោក ជា វិជ្ជា នៅថ្ងៃទី ២២ ខែមករា ឆ្នាំ២០១៦ នេះ នៅរូបសំណាក់លោក ជា វិជ្ជា ខាងលិចវិមានឯករាជ្យ ដូចរៀងរាល់ឆ្នាំដែរ។ បើតាមលោក ជា មុនី តំណាងរាស្ត្រគណបក្សប្រឆាំងមួយចំនួនអាចនឹងមានវត្តមាននៅក្នុងពិធីនេះ តែលោកមិនប្រាកដថា ឯកឧត្តម កឹម សុខា ប្រធានស្តីទីគណបក្សសង្គ្រោះជាតិ នឹងចូលរួមក្នុងកម្មវិធីនេះ ដូចឆ្នាំមុនឡើយ។
ក្នុងគម្រប់ខួប ១២ឆ្នាំបងប្រុសរបស់ខ្លួននេះ លោក ជា មុនី បញ្ជាក់ថា លោកនៅតែថ្លែងទាមទារឲ្យរដ្ឋាភិបាលវែកមុខឃាតករ និងអ្នកនៅពីក្រោយខ្នងករណីបាញ់សម្លាប់លោក ជា វិជ្ជា និងមេសហជីពដទៃឲ្យបាន។ តែយ៉ាងណា សាលារាជធានីភ្នំពេញ មិនអនុញ្ញាតឲ្យអ្នកធ្វើពិធីជួបជុំគោរពវិញ្ញាណក្ខន្ធសពលោក ជា វិជ្ជា ថ្លែងសារនយោបាយ ឬវាយប្រហាររដ្ឋាភិបាលឡើយ ក្នុងពិធីគោរពវិញ្ញាណក្ខន្ធលោក ជា វិជ្ជា នៅថ្ងៃទី២២ ខែមករា ឆ្នាំ២០១៦នេះ។
កាលពីថ្ងៃទី ១០ ខែមិថុនា ឆ្នាំ ២០១៥ កន្លងមក សម្តេចនាយករដ្ឋមន្ត្រី ហ៊ុន សែន បានសម្រេចបង្កើតគណៈកម្មការអន្តរក្រសួងពិសេសថ្មីមួយដើម្បីធ្វើការ ស៊ើបអង្កេតករណីឃាតកម្ម លោក ជា វិជ្ជា និងមេដឹកនាំសហជីពពីរនាក់ទៀតដែលត្រូវបានគេសម្លាប់ គឺលោក ហ៊ី វុទ្ធី និងលោក រស់ សុវណ្ណារ៉េត។
ក្នុងសេចក្តីសម្រេចស្តីពី ការបង្កើតគណៈកម្មការអន្តរក្រសួងពិសេស ដែលមិនបានកំណត់ឈ្មោះមន្ត្រីជាន់ខ្ពស់នោះ សម្តេច ហ៊ុន សែន បានតែងតាំងមន្ត្រីជាន់ខ្ពស់ ៦ នាក់ រួមមាន តំណាងក្រសួងមហាផ្ទៃ ក្រសួងការងារ ក្រសួងយុតិ្តធម៌ ទីស្តីការគណៈរដ្ឋមន្ត្រី អគ្គស្នងការនគរបាលជាតិ មេបញ្ជាការកងរាជអាវុធហត្ថ និងតំណាងអាជ្ញាធរពាក់ព័ន្ធ។ គណៈកម្មការនេះមានតួនាទី និងកាតព្វកិច្ច សហការជាមួយអាជ្ញាធរ ពាក់ព័ន្ធដើម្បីប្រមូលព័ត៌មាន និងភស្តុតាងចុះស្រាវជ្រាវលម្អិតរកអង្គហេតុ និងអង្គច្បាប់។ ជាងនេះទៀត គណៈកម្មការត្រូវរៀបចំរបាយការណ៍បំភ្លឺ លើពាក្យបណ្តឹងនេះសម្រាប់អង្គការពលកម្មអន្ដរជាតិដទៃទៀត ហើយបំពេញកិច្ចការចាំបាច់ដែលរដ្ឋាភិបាលបានចាត់ឲ្យបំពេញ។
ប៉ុន្តែមកទល់ពេលនេះ គណៈកម្មការអន្តរក្រសួងពិសេសដែលបង្កើតឡើងដោយរដ្ឋាភិបាល ពុំទាន់ស៊ើបអង្កេតរកឃាតករពិត និងអ្នកនៅពីក្រោយក្នុងអំពើឃាតកម្មនេះនៅឡើយ។
លោក ជា មុនី ប្រធានសហជីពសេរីកម្មករដែលត្រូវជាប្អូនប្រុសលោក ជា វិជ្ជា ពុំមានជំនឿថា គណៈកម្មការនេះនឹងអាចរកឃើញឃាតករពិតនោះទេ ប្រសិនបើអង្គការក្រៅរដ្ឋាភិបាល និងក្រុមគ្រួសារជនរងគ្រោះមិនត្រូវបានអនុញ្ញាតឲ្យចូលរួមសហការ ដោយលោកលើកឡើងថា គណៈកម្មការនេះ បង្កើតឡើងដើម្បីតែបំភ័ន្តភ្នែកសាធារណជនតែប៉ុណ្ណោះ។
គួរបញ្ជាក់ថា អតីតមេដឹកនាំសហជីពកម្មករ លោក ជា វិជ្ជា ត្រូវបានឃាតករបាញ់សម្លាប់នៅតូបលក់កាសែតជាប់របងវត្តលង្កា រាជធានីភ្នំពេញ កាលពីឆ្នាំ ២០០៤ ៕
ក្នុងគម្រប់ខួប ១២ឆ្នាំបងប្រុសរបស់ខ្លួននេះ លោក ជា មុនី បញ្ជាក់ថា លោកនៅតែថ្លែងទាមទារឲ្យរដ្ឋាភិបាលវែកមុខឃាតករ និងអ្នកនៅពីក្រោយខ្នងករណីបាញ់សម្លាប់លោក ជា វិជ្ជា និងមេសហជីពដទៃឲ្យបាន។ តែយ៉ាងណា សាលារាជធានីភ្នំពេញ មិនអនុញ្ញាតឲ្យអ្នកធ្វើពិធីជួបជុំគោរពវិញ្ញាណក្ខន្ធសពលោក ជា វិជ្ជា ថ្លែងសារនយោបាយ ឬវាយប្រហាររដ្ឋាភិបាលឡើយ ក្នុងពិធីគោរពវិញ្ញាណក្ខន្ធលោក ជា វិជ្ជា នៅថ្ងៃទី២២ ខែមករា ឆ្នាំ២០១៦នេះ។
កាលពីថ្ងៃទី ១០ ខែមិថុនា ឆ្នាំ ២០១៥ កន្លងមក សម្តេចនាយករដ្ឋមន្ត្រី ហ៊ុន សែន បានសម្រេចបង្កើតគណៈកម្មការអន្តរក្រសួងពិសេសថ្មីមួយដើម្បីធ្វើការ ស៊ើបអង្កេតករណីឃាតកម្ម លោក ជា វិជ្ជា និងមេដឹកនាំសហជីពពីរនាក់ទៀតដែលត្រូវបានគេសម្លាប់ គឺលោក ហ៊ី វុទ្ធី និងលោក រស់ សុវណ្ណារ៉េត។
ក្នុងសេចក្តីសម្រេចស្តីពី ការបង្កើតគណៈកម្មការអន្តរក្រសួងពិសេស ដែលមិនបានកំណត់ឈ្មោះមន្ត្រីជាន់ខ្ពស់នោះ សម្តេច ហ៊ុន សែន បានតែងតាំងមន្ត្រីជាន់ខ្ពស់ ៦ នាក់ រួមមាន តំណាងក្រសួងមហាផ្ទៃ ក្រសួងការងារ ក្រសួងយុតិ្តធម៌ ទីស្តីការគណៈរដ្ឋមន្ត្រី អគ្គស្នងការនគរបាលជាតិ មេបញ្ជាការកងរាជអាវុធហត្ថ និងតំណាងអាជ្ញាធរពាក់ព័ន្ធ។ គណៈកម្មការនេះមានតួនាទី និងកាតព្វកិច្ច សហការជាមួយអាជ្ញាធរ ពាក់ព័ន្ធដើម្បីប្រមូលព័ត៌មាន និងភស្តុតាងចុះស្រាវជ្រាវលម្អិតរកអង្គហេតុ និងអង្គច្បាប់។ ជាងនេះទៀត គណៈកម្មការត្រូវរៀបចំរបាយការណ៍បំភ្លឺ លើពាក្យបណ្តឹងនេះសម្រាប់អង្គការពលកម្មអន្ដរជាតិដទៃទៀត ហើយបំពេញកិច្ចការចាំបាច់ដែលរដ្ឋាភិបាលបានចាត់ឲ្យបំពេញ។
ប៉ុន្តែមកទល់ពេលនេះ គណៈកម្មការអន្តរក្រសួងពិសេសដែលបង្កើតឡើងដោយរដ្ឋាភិបាល ពុំទាន់ស៊ើបអង្កេតរកឃាតករពិត និងអ្នកនៅពីក្រោយក្នុងអំពើឃាតកម្មនេះនៅឡើយ។
លោក ជា មុនី ប្រធានសហជីពសេរីកម្មករដែលត្រូវជាប្អូនប្រុសលោក ជា វិជ្ជា ពុំមានជំនឿថា គណៈកម្មការនេះនឹងអាចរកឃើញឃាតករពិតនោះទេ ប្រសិនបើអង្គការក្រៅរដ្ឋាភិបាល និងក្រុមគ្រួសារជនរងគ្រោះមិនត្រូវបានអនុញ្ញាតឲ្យចូលរួមសហការ ដោយលោកលើកឡើងថា គណៈកម្មការនេះ បង្កើតឡើងដើម្បីតែបំភ័ន្តភ្នែកសាធារណជនតែប៉ុណ្ណោះ។
គួរបញ្ជាក់ថា អតីតមេដឹកនាំសហជីពកម្មករ លោក ជា វិជ្ជា ត្រូវបានឃាតករបាញ់សម្លាប់នៅតូបលក់កាសែតជាប់របងវត្តលង្កា រាជធានីភ្នំពេញ កាលពីឆ្នាំ ២០០៤ ៕
ប្រភព៖ thmeythmey
ចំនួនអ្នកទស្សនា
- ថ្ងៃនេះ2171
- ម្សិលមិញ11441
- សប្តាហ៍នេះ32001
- ខែនេះ147151
- ឆ្នាំនេះ147151
- សរុប20589607