កំពង់ចាម៖ នា​ព្រឹក​ថ្ងៃទី​២៤ ខែមករា ឆ្នាំ​២០១៦ បាន​ប្រារ​ព្ធពី​ធី ជួប​សំណេះសំណាល​ជាមួយ ពុ​ទ្ឋ​បរិស័ទ​១១០ នាក់ នៅ​ភូមិ ទំពូង ឃុំ ល្វេ ស្រុក កោះសូទិន ខេត្ត កំពង់ចាម ។​

​ពិធី​នេះដែរ​មានការ​អញ្ជើញ ចូលរួម​ពី លោក សាយ ស្រ៊ាង មេឃុំ ល្វេ លោក ញ៉ា​ន​ ញ៉ិ​ប មេ ភូមិ​ទំពូង លោក​លោកស្រី​ជា​ប្រធាន​ក្រុម​រួម​និង​ប្រជាពលរដ្ឋ​ជា​ពុ​ទ្ឋ​បរិស័ទ​ចំនួន ១១០​នាក់​ដែល​ពិធី​នេះ​ប្រព្រឹត្តទៅ​ក្រោម​អធិបតីភាព​ ឯកឧត្តម​ អាន​ជាលី​ អនុរដ្ឋលេខាធិការ​ទីស្តីការគណៈរដ្ឋមន្ត្រី ។​

​ក្នុងឱកាស​នោះ ឯកឧត្តម អាន ជាលី បាន​មតិ​សំណេះសំណាល​ជាមួយ​បង ប្អូន ដែល​បាន​ចូលរួម ប្រកបដោយ​ភាព រីករាយ ស្និទ្ធស្នាល​កក់ក្តៅ និង រីករាយ ជាទីបំផុត​។ លើសពីនេះទៅទៀត ឯកឧត្តម ក៏បាន​បន្ត​ទៀ​ថា ៖ យើង​មាន​ម្ហូប​ដ៏​ឆ្ងាញ់ ដែល​ដាក់​ក្នុង​ចានស្រាក់​ដ៏​ស្រស់ស្អាត​នៅថ្ងៃនេះ​ដោយសារ​មាន​សន្តិភាព​ក្រោម​ការដឹកនាំ​​របស់​រាជរដ្ឋាភិបាល ដែលមាន សម្តេច អគ្គមហាសេនាបតី​តេ​ជោ ហ៊ុនសែន ជា​ប្រមុខ​ដឹកនាំ ។​

​បន្ទាប់ពី​មតិ​សំណេះសំណាល​ប្រកបដោយ​ភាព រីករាយ ស្និទ្ធស្នាល និង​កក់ក្តៅ​ជាទីបំផុត​នោះ ឯកឧត្តម និង​លោកជំទាវ ព្រមទាំង​ក្រុមការងារ បាន​ចែកជូន ម្ហូបអាហារ​មួយ​ចានស្រាក់ ភេ​ស​ជ្ជះ បង្អែម និង ថវិកា​មួយចំនួន ដល់ ពុ​ទ្ឋ​បរិស័ទ ទាំង​១១០​នាក់ ដែល​បាន​ចូលរួម​ផងដែរ ៕
​