ឈើខុសច្បាប់ដែលសមត្ថកិច្ចចម្រុះរុករកឃើញសង្ស័យបាត់បង់អស់មួយចំនួនធំ
05-February-2016 | ដោយ មែន កំសត់
ខេត្តមណ្ឌលគិរី៖ពេលថ្មីៗនេះជំនាញរដ្ឋបាលព្រៃឈើមណ្ឌលគិរី សហការជាមួយសមត្ថកិចំរុះស្រាវជ្រាវរកឃើញឈើខុសច្បាប់ប្រមាណជាង៤00កំណាត់ហើយធ្វើការរឹបអូស ការរឹបអូស រហូតមកដល់ពេលបច្ចុប្បន្ននេះ ត្រូវបានគេដាក់ការសង្ស័យថា បាត់អស់មួយចំនួនធំទៅហើយ ។
សូមបញ្ជាក់ថា ឈើហ៊ុបមូលនិងឈើឡាំងជាបួនជ្រុងប្រភេទឈើលេខមួយមានចំនួនរាប់រយកំណាត់ដែលគេកាប់ អារ រំលំក្នុងដែនជំរកសត្វព្រៃភ្នំណាំលៀរនៅស្រុកពេជ្រាដាខេត្តមណ្ឌលគិរីនៅពេលថ្មីៗនេះជំនាញរដ្ឋបាលព្រៃឈើមណ្ឌលគិរីសហការជាមួយសមត្ថកិចំរុះស្រាវជ្រាវរកឃើញឈើខុសច្បាប់ប្រមាណជា៤០០កំណាត់ត្រូវរឹបអូស ។ សហគមន៍ការពារព្រៃឈើនៅឃុំប៊ូស្រាឱ្យដឹងថា ឈើខុសច្បាប់ដ៍ច្រើនសន្ធឹកសន្ធាប់ខាងលើនេះគឺជាឈើរបស់លោក សារិន គឹមអាត មេបញ្ជាការយោធាស្រុកពេជ្រាដានិងលោកខន សុខខឿ នអតីតប្រធានច្រករបៀងការពារព្រំដែនប៉ុស្តិ៍៦ក្រោមការឃុបឃិតជាមួយលោករ័ត្ន សុវណ្ណនាយកដែនជំរកសត្វព្រៃភ្នំណាំលៀរនិងលោកឌឹន ប៊ុនធឿននាយករងដែននេះផងដែរ។ទើបបានជាមេយោធារូបនេះកាប់បំផ្លា ញព្រៃឈើហាមឃាត់របស់រដ្ឋបានយ៉ាងរលូនបែបនេះ ។
ប្រជាសហគមន៍នៅក្នុងតំបន់នេះបានបន្តទៀតថា ស្របពេលដែលមានបទបញ្ជាដ៍ក្តៅគ គុករបស់សម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជាស្តីពីការទប់ស្កាត់បទល្មើសព្រៃឈើ ហើយពួកគាត់មានចម្ងល់ថាចុះបើព្រៃ ឈើហាមឃាត់ក្នុងដែនជំរកមានការកាប់បំផ្លាញយ៉ាងអនាធិបតេយ្យបែបនេះ។ ក្នុងនោះមានការបណ្តែតបណ្តោយពីលោករ័ត្ន សុវណ្ណនាយកដែន លោកឌឹន ប៊ុនធឿននាយករងដែន ព្រមទាំងលោកឈិត សុផលប្រធានមន្ទីរបរិស្ថានខេត្តមានតួនាទី ជាអ្នកគ្រប់គ្រងផ្ទាល់ផងនោះបណ្តោយឱ្យលោក សារិន គឹមអាត មេយោធាស្រុកពេជ្រាដាដាក់ពង្រាយមនុស្សឱ្យចូលកាប់ អារ រំលំឈើដឹកជញ្ជូនឆ្លងដែនយកទៅលក់នៅប្រទេសវៀតណាមដោយខុសច្បាប់ គគ្រឹកគគ្រេងពុំមានការរំខាននោះឡើយ ។ពួកគាត់បានលើកឡើងជាសំណួរថា តើមន្ត្រីអនុវត្តច្បាប់ទូទាំងខេត្តនេះបន្ទា ប់ពីស្រាវជ្រាវរកឃើញថាអ្នកជាប់ពាក់ព័ ន្ធពិតប្រាកដក្នុងរឿងបទល្មើសខាងលើហើយនោះ តើមន្ត្រីអនុវត្តច្បាប់នៅខេត្តនេះមានសមត្ថភាពចាត់វិធានការដល់អ្នកជាប់ពា ក់ព័ន្ធពិតប្រាកដែរឬទេ?។
សហគមន៍ការពារព្រៃឈើបានធ្វើការសំណូមពរដល់លោក ឃិន ម៉េងស្រេង មេយោធាខេត្តឱ្យជួយស្រាវជ្រាវពិនិត្យមើលកូនចៅរបស់លោកផង។លោក សារិន គឹមអាត មេយោធាស្រុកពេជ្រាដារងការចោទប្រកាន់ខាងលើនេះនៅពេលដែលអ្នកឆ្លើយឆ្លង ព័ត៌មានយើងសុំការបំភ្លឺជុំវិញករណីនេះលោកបានប្រាប់ថាកំពុងជាប់រវល់ប្រជុំ។ លោក ឃិន ម៉េងស្រេងមេយោធាខេត្តធ្លាប់បានបញ្ជាក់ ថាឈើនោះលោកបានចាប់និងធ្វើការប្រមូលប្រគល់ឱ្យជំនាញអស់ហើយ។លោក វង់ សុកសិរីនាយខ័ណ្ឌរដ្ឋបាលព្រៃឈើមណ្ឌល គិរីក្រុមការងាររបស់មន្ត្រីជំនាញរបស់លោកកំពុងបន្តចុះស្រាវជ្រាវរកប ទល្មើសដើម្បីធ្វើការរឹបអូសវត្ថុតាងនិងចាត់ការតាមផ្លូវច្បាប់។ លោកនាយខ័ណ្ឌបានបន្តទៀតថាជាក់ស្តែងយុទ្ធនាការចុះបង្ក្រាបបទល្មើសព្រៃឈើតា មបន្ទាត់ព្រំដែនក្នុងស្រុកពេជ្រាដានិងស្រុ កកែវសីមារកឃើញខុសច្បាប់បានចំនួន៦០០កំណាត់ជំនាញកំពុងធ្វើការប្រមូលមក រក្សាទុក និងកំពុងបន្តធ្វើការស្រាវជ្រាវរកបទល្មើសទីតាំងផ្សេងៗទៀត។លោក អេង ប៊ុនហ៊ាងអភិបាលខេត្តមណ្ឌលគិរីបានថ្លែង ប្រាប់អ្នកឆ្លើយឆ្លងព័ត៌មានយើងថាលោកកំពុងជាប់រវល់ប្រជុំនៅភ្នំពេញ តែលោកបានចាត់ចែងឱ្យមន្ត្រីរដ្ឋបាលព្រៃឈើខេត្តចាត់ការលើរឿងនេះហើយ។
សូមជំរាបថា ឈើឡាំងបួនជ្រុងជាច្រើនរ យកំណាត់នៅក្បែរអូរជាប់ព្រំដែនដែលជំនាញរកឃើញកាលពីពេលមុននោះ ហើយមន្ត្រីជំនាញថានិងរឹបអូសចាត់ការតាមច្បាប់នោះ តែនៅពេលនេះត្រូវបានគេរាយការណ៍ថាឈើនៅទីនោះត្រូវបានគេ ជញ្ជូនឆ្លងដែនទៅលក់ប្រទេសវៀតណាមបាត់អស់មួយចំនួនធំ។ ប្រជាសហគមន៍ស្នើឱ្យអាជ្ញាធរខេត្តនិងមន្ត្រីជំនាញពាក់ព័ន្ធដែលជាមន្ត្រីអនុវត្តច្បាប់ខេត្តមួយនេះមេត្តាជួយស្រាវជ្រាវរកអ្នកជាប់ពាក់ព័ន្ធនិងអ្នកប្រព្រឹត្តក្នុងករណីនេះមកផ្តន្ទាទោសតាមផ្លូវច្បាប់អោយខានតែបាន៕
ចំនួនអ្នកទស្សនា
- ថ្ងៃនេះ631
- ម្សិលមិញ16391
- សប្តាហ៍នេះ46861
- ខែនេះ162011
- ឆ្នាំនេះ162011
- សរុប20604467