សម្តេចវិបុលសេនាភក្តី សាយ ឈុំ ប្រធានព្រឹទ្ធសភាបើកកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា
05-February-2016 | ដោយ មែន កំសត់
ភ្នំពេញ៖ នាព្រឹកថ្ងៃទី០៤ ខែកុម្ភៈ ឆ្នាំ២០១៦ វេលាម៉ោង ០៨និង០០នាទី នៅវិមានព្រឹទ្ធសភា មានបើកកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ក្រោមអធិបតីភាព សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ដែលមានរបៀបវារៈ រួមមាន៖១. ពិនិត្យ និងសម្រេចសំណើរបស់គណៈកម្មការទី២ ព្រឹទ្ធសភា សុំដាក់សេចក្តីព្រាងច្បាប់ ស្តីពីគណនេយ្យ និងសវនកម្ម ទៅក្នុងរបៀបវារៈសម័យប្រជុំលើកទី៨ព្រឹទ្ធសភា នីតិកាលទី៣/-២. កំណត់របៀបវារៈ និងកាលបរិច្ឆេទ បន្តសម័យប្រជុំលើកទី៨ ព្រឹទ្ធសភា នីតិកាលទី៣។/-៣. ពិនិត្យ និងសម្រេច លើរបាយការណ៍ អនុវត្តចំណូល-ចំណាយថវិកាជាតិ របស់ព្រឹទ្ធសភាឆ្នាំ២០១៥/-៤. ពិនិត្យ និងសម្រេចអំពីគម្រោងប្រើប្រាស់កញ្ចប់ថវិកាឆ្នាំ២០១៦ របស់ព្រឹទ្ធសភា ។
បន្ទាប់ពីបានស្តាប់របាយការណ៍ របស់គណៈកម្មការ ដែលជាវិស័យពាក់ព័ន្ធ របាយការណ៍របស់ ឯកឧត្តមអគ្គលេខាធិការព្រឹទ្ធសភា និងស្តាប់មតិពិភាក្សារបស់អង្គប្រជុំរួចមក អង្គប្រជុំបានអនុម័តជាឯកច័ន្ឆ៖ កំណត់យកកាលបរិច្ឆេទបន្តសម័យប្រជុំលើកទី៨ ព្រឹទ្ធសភា នីតិកាលទី៣ នៅថ្ងៃទី០៥ ខែកុម្ភៈ ឆ្នាំ២០១៦ វេលាម៉ោង ០៨និង០០នាទីព្រឹក ដោយមានរបៀបវារៈ តែមួយគឺ៖ ពិនិត្យ ឲ្យយោបល់លើ សេចក្តីព្រាងច្បាប់ ស្តីពីគណនេយ្យ និងសវនកម្ម ។យល់ព្រមលើរបាយការណ៍ អនុវត្តចំណូលចំណាយ ថវិកាជាតិ របស់ព្រឹទ្ធសភា ឆ្នាំ២០១៥និងយល់ព្រមលើគម្រោងប្រើប្រាស់កញ្ចប់ថវិកាឆ្នាំ២០១៦ របស់ព្រឹទ្ធសភា៕
ចំនួនអ្នកទស្សនា
- ថ្ងៃនេះ111
- ម្សិលមិញ16391
- សប្តាហ៍នេះ46341
- ខែនេះ161491
- ឆ្នាំនេះ161491
- សរុប20603947