ឯកឧត្តម ខៀវ កាញារីទ្ធរដ្ឋមន្ត្រីក្រសួង ព័ត៌មាន ដឹកនាំកិច្ចប្រជុំក្រុមផ្សាយច្បាប់ចរាចរណ៍ និងភាពយន្តទូរទស្សន៍ជាតិកម្ពុជា
08-February-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី០៨ ខែកុម្ភៈ ឆ្នាំ២០១៦ ឯកឧត្តម ខៀវ កាញារីទ្ធរដ្ឋមន្ត្រីក្រសួងព័ត៌មាន បានអញ្ជើញដឹកនាំកិច្ចប្រជុំក្រុមផ្សាយច្បាប់ចរាចរណ៍ និងភាពយន្តទូរទស្សន៍ជាតិកម្ពុជា ដែលប្រព្រឹត្តទៅនៅសាលព្រះវិហារនៃក្រសួងព័ត៌មាន។
កិច្ចប្រជុំនោះក៏មានការចូលពីមន្ត្រីរាជការក្រសួងព័ត៌មានលោកលោកស្រីជាតំណាងទូរទស្សន៍គ្រប់ស្ថានីយ៍និងចាងហ្វាងផលិតកម្មភាពយន្តមួយចំនួនផងដែរ។
នាឱកាសនោះឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានមានមតិសំណេះសំណាលនិងបានធ្វើការស្នើសូមដល់បណ្ដាទូរទស្សន៍គ្រប់ស្ថានីយ៍ដែលមានវត្តមាននិងចាងហ្វាងផលិតកម្មភាពយន្តត្រូវបង្កើនការយកចិត្តផលិតជាវីដេអូអប់រំផ្សព្វផ្សាយ រឿងខ្លីៗស្ដីពីការអប់រំនិងការអនុវត្តនច្បាប់ចរាចរណ៍ សំដៅឲ្យមានការចាប់អារម្មណ៍ដល់ទស្សនិកជនឬក៏បើសិនជាអាចមានលទ្ធភាពយើងអាចផលិតជាខ្សែភាពយន្តក៏បាន ហើយឯកឧត្តមក៏បានថ្លែងអំណរគុណ ដល់បណ្ដាទូរទស្សន៍ខ្លះដែលបានយកចិត្តនិងផ្សព្វផ្សាយលើការងារគ្រប់រូបភាពដូចជា ចរាចរណ៍ គ្រឿងញៀន--។ល។បានល្អ ឯកឧត្តមក៏បានបន្តដែរថា យើងរស់នៅក្នុងសង្គមមួយគឺត្រូវធ្វើការជួយចែករំលែកនិងសហការគ្នាទើបសង្គមមានការអភិវឌ្ឍទោះបីជាមិនបានទាំងស្រុងក៏កាត់បន្ថយគ្រោះថ្នាក់បានមួយកំរិតដែរ ហើយឯកឧត្តមក៏សូមជូនពរដល់សមាជិកសមាជិកាដែលចំណាយពេលចូលរួមការប្រជុំថ្ងៃនេះប្រកបដោយភាពរីករាយនិងសូមជូនពរមានសេចក្ដីសុខសំណាងល្អ សុវត្ថិភាពក្នុងការធ្វើដំណើរ នាឱកាសចូលឆ្នាំចិនវៀតណាមនេះ៕
ចំនួនអ្នកទស្សនា
- ថ្ងៃនេះ931
- ម្សិលមិញ16391
- សប្តាហ៍នេះ47161
- ខែនេះ162311
- ឆ្នាំនេះ162311
- សរុប20604767