ឯកឧត្តមហ៊ុន ម៉ាណែតប្រកាសបញ្ចូល និងទទួលស្គាល់សមាជិកសមាគមជាង២០០០នាក់
15-February-2016 | ដោយ មែន កំសត់
ភ្នំពេញ៖ សមាគមអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត នៅព្រឹកថ្ងៃទី១៤ ខែកុម្ភៈ ឆ្នាំ២០១៦នេះ បានប្រកាសបញ្ចូល និងទទួលស្គាល់សមាជិកសមាគមជាង២០០០នាក់។
កម្មវិធីនេះធ្វើឡើងក្រោមអធិបតីភាព ឯកឧត្តមហ៊ុន ម៉ាណែត ប្រធានសមាគមអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងលោកពិត ចំណាន រដ្ឋលេខាធិការក្រសួងអប់រំយុវជន និងកីឡា។
ឯកឧត្តម ហ៊ុន ម៉ាណែត បានមានប្រសាសន៍ថា សមាគមអាហារូបករណ៍សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានបញ្ចូលសមាជិកថ្មីជាង២០០០នាក់ នៅសាខារាជធានីភ្នំពេញហើយមូលហេតុបង្កើតសមាគមន៍នេះឡើង គឺដើម្បីផ្តល់ឱកាសដល់យុវជន សិស្ស និស្សិត មានលទ្ធភាពក្នុងការកសាងអនាគត និងជាមោទភាពរបស់គ្រួសារ។
ឯកត្តម ហ៊ុន ម៉ាណែត ថ្លែងបញ្ជាក់ថា «ត្រូវតស៊ូរៀនសូត្រចាប់យកឱកាសដើម្បីកសាងសមត្ថភាពរបស់ខ្លួន និងកសាងកិត្តិយសជូនគ្រួសារ»។ដោយឈ្វេងយល់ពីការអភិវឌ្ឍន៍ធនធាន មនុស្ស និងដោយទឹកចិត្តពោរពេញដោយភាពមេត្តា ករុណាផងនោះ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានផ្តល់អាហារូបករណ៍ ដល់សិស្ស និស្សិតក្រីក្រនៅថ្នាក់ឧត្តមសិក្សាចាប់តាំងពីឆ្នាំ២០០០ មកម្ល៉េះ។ពីមួយឆ្នាំទៅមួយឆ្នាំ សិស្ស និស្សិតដែលទទួលបានអាហារូបករណ៍របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌីត កាន់តែមានចំនួនកើតឡើងជាលំដាប់ ហេតុនេះ សម្តេចតេជោ ហ៊ុន សែនបានសម្រេច បង្កើតគណៈកម្មធិការអាហារូបករណ៍សិស្ស និស្សិត សម្រួលដល់ការងារផ្តល់អាហារូបករណ៍ ដែលមានឈ្មោះថា គណៈកម្មាធិការសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលមានឯកឧត្តមហ៊ុន ម៉ាណែត ជាប្រធាន៕
ចំនួនអ្នកទស្សនា
- ថ្ងៃនេះ6521
- ម្សិលមិញ16391
- សប្តាហ៍នេះ52751
- ខែនេះ167901
- ឆ្នាំនេះ167901
- សរុប20610357