សម្តេច ហេង សំរិន ប្រធានរដ្ឋសភា អនុញ្ញាតឲ្យ ឯកឧត្តម ឯកអគ្គរដ្ឋទូតសហព័ន្ធរុស្ស៊ី ចូលជួបពិភាក្សាការងារ
18-February-2016 | ដោយ មែន កំសត់
ភ្នំពេញ៖សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជា ណាចក្រកម្ពុជា អនុញ្ញាតឲ្យ ឯកឧត្តម ឌីមីទ្រី ធ្វេតកូហ្វ (HE. Mr. DMITRY Tsvitkov ) ឯកអគ្គរដ្ឋទូតសហព័ន្ធរុស្ស៊ីប្រចាំនៅព្រះរាជាណាចក្រកម្ពុជា ចូលជួបពិភាក្សាការងារ នៅវិមានរដ្ឋសភា។ នៅព្រឹក ថ្ងៃ ទី១៨ ខែកុម្ភៈ ឆ្នាំ២០១៦នេះ វេលាម៉ោង០៩និង00នាទីនៅក្នុងជំនួបនេះសម្តេចប្រធាន បានវាយតម្លៃខ្ពស់ចំពោះបេសកកម្មការទូត របស់ឯកឧត្តម ឯកអគ្គរដ្ឋទូតរុស្សី ដែលបានធ្វើឲ្យទំនាក់ទំនង រវាងប្រទេសទាំងពីរ កាន់តែពង្រឹង ពង្រីកឥតឈប់ឈរ។
ជាមួយគ្នានេះ ឯកឧត្តមឯកអគ្គរដ្ឋទូតរុស្សី ក្នុងនាមតំណាងឲ្យ ប្រធានសភាឌុយម៉ារុស្សី បាន
អញ្ជើញសម្តេចអគ្គមហាពញាចក្រី ហេង សំរិន ប្រធានរដ្ឋសភា នៃ ព្រះរាជាណាចក្រកម្ពុជាទៅចូលរួមកិច្ចប្រជុំលើកដំបូងរបស់ប្រធានសភា នៃតំបន់អាស៊ី និងអ៊ឺរ៉ុប នៅទីក្រុងមូស្កូប្រទេសរុស្សី។
គំនិតផ្តួចផ្តើមនៃកិច្ចប្រជុំនេះ សំដៅដល់៖
- ការពង្រឹងកិច្ចសហប្រតិបត្តិការ ផ្នែកសេដ្ឋកិច្ចនិងសិទ្ធិមនុស្ស
- ការកសាងសន្តិសុខស្មើភាពគ្នា ដែលមិនអាចបំបែកបាន និងសន្តិសុខក្នុងតំបន់
- ការប្រមូលផ្តុំរួមគ្នាប្រឆាំង និងភាវរកម្ម
ជាការឆ្លើយតប សម្តេចប្រធានរដ្ឋសភា ក៏បានយល់ព្រម នឹងដឹកនាំគណៈប្រតិភូជាន់ខ្ពស់ រដ្ឋសភា ទៅចូលរួមក្នុងកិច្ចប្រជុំលើកដំបូងរបស់ប្រធានសភា នៃតំបន់អាស៊ី និងអ៊ឺរ៉ុប ដែលនឹងប្រព្រឹត្តទៅនៅថ្ងៃទី១៩-២០ ខែមេសា ឆ្នាំ២០១៦ នាទីក្រុងមូស្កូ ប្រទេសរុស្សីដោយភ្ជាប់ជាមួយដំណើរទស្សនៈកិច្ចជាផ្លូវការផងដែរ ៕
ចំនួនអ្នកទស្សនា
- ថ្ងៃនេះ791
- ម្សិលមិញ9421
- សប្តាហ៍នេះ56451
- ខែនេះ171601
- ឆ្នាំនេះ171601
- សរុប20614057