សម្តេចក្រឡាហោម ស ខេងចូលរួមពិធីអបអរសាទរទិវាជាតិ បង្ការ និងពន្លត់អគ្គិភ័យ
22-February-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី២២ ខែកុម្ភៈ ឆ្នាំ២០១៦នេះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីភាព ក្នុងពិធីអបអរសាទរទិវាជាតិ បង្ការ និងពន្លត់អគ្គិភ័យ នៅមជ្ឈមណ្ឌលពិព័រណ៍កោះពេជ្រ។
ពិធីនោះក៏មានការចូលរួមពី មន្ត្រីជាន់ខ្ពស់ក្រសួងមហាផ្ទៃ មានរដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង ស្នងការនគរបាលខេត្តរាជធានីនិងមន្ត្រីរាជការជាច្រើន នាក់ផងដែរ។
នាឱកាសនោះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានមានមតិសំណេះសំណាលទៅកាន់អង្គពិធីនិងបានកោតសរសើរដល់អង្គភាពពន្លត់អគ្គីភ័យដែលបានសហការជាមួយសមត្ថកិច្ចនិងអាជ្ញាធរធ្វើការបង្ការទប់ស្កាត់នូវបាតុភាពអគ្គីភ័យដែលកើតឡើង ជួយសង្គ្រោះអាយុជីវិត និងមិនមានការខូចខាតជាទ្រង់ទ្រាយធំ ហើយសម្ដេចក៏បានស្នើឲ្យគ្រប់អង្គភាពពន្លត់អគ្គីភ័យនិងអគ្គស្នងការត្រួវបន្តការយកចិត្តទុកដាក់និងបង្ការចូលរួមការសង្គ្រោះឲ្យបានទាន់ពេលនៅពេលបានទទួលព័ត៌មានពីបណ្ដាមូលដ្ឋាន សំដៅការកាត់បន្ថយការគ្រោះភ័យដែលជាយថាហេតុ កុំនៅពេលមានករណីឆេះកើតឡើងបំផ្លា្ញញទ្រព្យសម្បត្តិខ្ទេចខ្ទីទើបនាំគ្នាទៅដល់។ហើយបើមានចំណុចអសកម្មត្រុវរួមគ្នាដោះស្រាយ និងកែប្រែឥរិយាបថមន្ត្រី បន្ទាប់មកសម្ដេចក៏បានថ្លែងអំណរគុណយ៉ាងជ្រាលជ្រៅចំពោះសមាជិកសមាជិកាដែលចំណាយពេលមកចូលរួមប្រជុំនាថ្ងៃនេះ៕
ចំនួនអ្នកទស្សនា
- ថ្ងៃនេះ3201
- ម្សិលមិញ9421
- សប្តាហ៍នេះ58861
- ខែនេះ174011
- ឆ្នាំនេះ174011
- សរុប20616467