សម្តេចតេជោ ហ៊ុន សែនអញ្ជើញជាអធិបតី ក្នុងពិធីបិទសន្និបាតបូកសរុបការងារឆ្នាំ២០១៥នៅទីស្ដីការក្រសួងមហាផ្ទៃ
25-February-2016 | ដោយ មែន កំសត់
ភ្នំពេញ៖ នៅទីស្ដីការក្រសួងមហាផ្ទៃនារសៀល ថ្ងៃទី២៥ កុម្ភៈ ២០១៦ នេះ នៅក្រសួងមហាផ្ទៃរសៀល ថ្ងៃទី២៥ កុម្ភៈ ២០១៦ នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារឆ្នាំ២០១៥ និងលើកទិសដៅការងាឆ្នាំ២០១៦ របស់ក្រសួងមហាផ្ទៃ ។
ឆ្នាំ២០១៥ គឺជាឆ្នាំទី២ នៃការអនុវត្តយុទ្ធសាស្ត្រចតុកោណដំណាក់កាលទី៣ របស់រាជរដ្ឋាភិបាលកម្ពុជា សំរាប់នីតិកាលទី៥ នៃរដ្ឋសភា។ មិនថាតែក្រសួងមហាផ្ទៃតែមូួយប៉ុណ្ណោះទេ គឺគ្រប់ក្រសួងត្រូវបន្ត លើកកម្ពស់ការទទួលខុសត្រូវក្នុងការចូលរួមអនុវត្តគោលនយោបាយរបស់រាជរដ្ឋាភិបាល ដើម្បីថែរក្សា ពង្រឹងសន្តិភាព ស្ថិរភាពនយោបាយនិងសង្គម ការរក្សាការពារខឿនឯករាជ្យ អធិបតេយ្យភាពជាតិ បូរណភាពទឹកដី ការចូលរួមលើកកម្ពស់លទ្ធិប្រជាធិបតេយ្យ ការលើកស្ទួយសិទ្ធិសេរីភាពរបស់ប្រជាពលរដ្ឋ ដើរទន្ទឹមនិងការពង្រឹងនីតិរដ្ឋ ដើម្បីទ្រទ្រង់ដល់ការអភិវឌ្ឍសេដ្ឋកិច្ចសង្គមប្រកបដោយបរិយាប័ន្ន និងមានចីរភាព។
រាជរដ្ឋាភិបាលបានខិតខំជំរុញយ៉ាងសកម្មនូវការអនុវត្តន៍កម្មវិធីកំណែទម្រង់នានាដែលស្ថិតនៅក្រោមការទទួលខុសត្រូវរបស់ខ្លួន ជាពិសេសកំណែទម្រង់វិមជ្ឈការ និងវិសហមជ្ឍការ ដោយផ្ដោតសំខាន់លើការពង្រឹងសមត្ថភាពស្ថាប័នរដ្ឋបាលថ្នាក់ក្រោមជាតិ សម្រាប់ជាមូលដ្ឋាននៃការផ្ទេរមុខងារ ធនធាន ការលើកកម្ពស់គណនេយ្យភាពនៃការផ្ដល់សេវាសាធារណៈ និងបន្តធ្វើការកែទម្រង់នគរបាលជាតិ កែទម្រង់ការគ្រប់គ្រងពន្ធនាគារ ការងារអត្តសញ្ញាប័ណ្ណ និងដឹកនាំសម្របសម្រួល គាំទ្រដល់រដ្ឋបាលថ្នាក់ក្រោមជាតិ ដើម្បីដោះស្រាយបញ្ហាប្រឈនិងការលំបាកនានារបស់ប្រជាពលរដ្ឋ ។
សម្តេចតេជោ ហ៊ុន សែន បានបញ្ជាក់ប្រាប់ថា សេវាសាធារណៈចាំបាច់សម្រាប់ប្រជាពលរដេ្ឋដោយច្បាប់ ដែលមនុស្សម្នាក់ៗតម្រូវអោយមានអត្តសញ្ញាណប័ណ្ណ និងមានលិខិផ្សេងៗ ដូចជា សៀវភៅគ្រួសារ សំបុត្រកំណើតដែលជាតម្រូវការប្រើប្រាស់ពលរដ្ឋ ហើយការធ្វើលិខិតទាំងអស់នេះកន្លងមកពិតជាមានការពិបាកខ្លាំងណាស់។ អភិបាលខេត្តនីមួយៗត្រូវពិនិត្យមើលរឿងនេះ កុំចាំបាច់ថ្នាក់ជាតិចុះទៅធ្វើ។ មន្ត្រីទាំងអស់ត្រូវតែប្រមូលផ្តុំគ្នា សម្រេចឲ្យបាននូវការផ្តល់សេវាជូនប្រជាពលរដ្ឋ ដោយគោរពទៅតាមពាក្យ ៣មាត់ ធ្វើឲ្យបាន ធ្វើឱ្យលឿន និងធ្វើឱ្យតម្លាភាព។ តម្លាភាពត្រង់នេះគឺ មិនត្រូវឱ្យយក លុយលើសពីតម្លៃ ដែលច្បាប់បានកំណត់នោះឡើយ។
សម្តេចតេជោ ហ៊ុន សែន បានស្តីបន្ទោសធ្ងន់ៗ ដល់ក្រសួងសាធារណការ និងដឹកជញ្ជូន រួមទាំងក្រសួងកសិកម្ម រុក្ខាប្រមាញ់ និងនេសាទ ផងដែរ ដែលមានភាពស្ពឹកស្រពន់យឺតយ៉ាវក្នុងការដោះស្រាយបញ្ហានានារបស់ក្រសួង ដែលត្រូវ យកចិត្តទុកដាក់ការងាររបស់ខ្លួនអោយបានល្អ ។
ចំពោះបញ្ហាចោរកម្មវិញ កន្លងទៅបានកត់សំគាល់ឃើញថា ចោរកម្មមានការកើនឡើងជាបន្តបន្ទាប់ ហើយមុខសញ្ញាចោរគឺកើតឡើងមុខដដែលៗ សូមអោយ គ្រប់កំលាំងពាក់ព័ន្ឋ ទាំងអស់ត្រូវចូលរួមចាត់វិធានការនេះ ជាពិសេសក្រសួងយុត្តិធម៌ ត្រូវពិចារណាក្នុងទំហំនៃការនៃការលើកលែងទោស។ សម្តេចតេជោនឹងចំណាយម៉ោងពេលច្រើនដើម្បីអាននិងពិនិត្យទៅលើសំណុំរឿងចោរទាំងអស់នោះ នៅពេលក្រសួងយុត្តិធម៌ដាក់សំណើរមក ដើម្បីចៀសវាងលែងមុខចោរដែលៗហើយចេញមកធ្វើសកម្មភាពបាញ់ប្លន់សាហាវនៅក្នុងប្រទេសជាតិយើង៊។
ពិធីនេះបានបិទបញ្ចប់ ប្រកបដោយអនុសាសន៍ល្អៗ ពីសម្តេចតេជោ ហ៊ុន សែន ក្នុងវិធានការចូលរួមដោះស្រាយ ទុក្ខកង្វល់ និងបញ្ហាផ្សរងៗរបស់ប្រជាពលរដ្ឋ ។ នាចុងបញ្ចប់សម្តេចបាន ធ្វើពិធីបំពាក់ឋាន្តរសក្តិ ដល់មន្ត្រីមួចំនួននៃក្រសួងមហាផ្ទៃ ប្រកបដោយបរិយាកាសរីករាយបំផុត៕
ចំនួនអ្នកទស្សនា
- ថ្ងៃនេះ4491
- ម្សិលមិញ9421
- សប្តាហ៍នេះ60151
- ខែនេះ175301
- ឆ្នាំនេះ175301
- សរុប20617757