ខេត្តចំនួន៧នឹងប្រឈមការខ្វះទឹកនៅក្នុងខែមេសាខាងមុខ
29-February-2016 | ដោយ មែន កំសត់
ភ្នំពេញ៖ ឯកឧត្ដម ចាន់ យុត្ថា នាយកខុទ្ទការល័យធនធានទឹក និងឧតុនិយម បានឲ្យដឹងថា នៅខែមេសា ឆ្នាំ២០១៦ ខាងមុននេះ ខេត្តចំនួន៧របស់កម្ពុជានឹងប្រឈមខ្វះទឹកសម្រាប់ប្រើប្រាស់ ក្នុង ឃុំសង្កាត់ចំនួន៤៨ ដោយសារតែអាកាសធាតុក្ដៅហួតហែងខ្លាំង។
យោងតាមប្រភពពីក្រសួងធនធានទឹក និងឧតុនិយម បានបញ្ជាក់ថា ខេត្តដែលនឹង ប្រឈមខ្វះទឹកនោះ រួមមានចំនួន៧ខេត្ត គឺខេត្តកណ្ដាល មាន ២ស្រុក និង១០ឃុំ ក្រៅពីនេះមានខេត្តកោះកុង ឧត្តរមានជ័យ ក្រចេះ កំពង់ចាម កំពង់ធំ និងខេត្តមណ្ឌលគិរី ដោយក្រសួងពាក់ព័ន្ធកំពុងតែចាត់វិធានការជាក់ស្ដែងតាម ភូមិសាស្ត្រនីមួយៗ ដែលអាចធ្វើទៅបាន ដើម្បីធានាដល់ការប្រើប្រាស់។
ក្នុងនោះ ឯកឧត្ដម ចាន់ យុត្ថា បន្តថា៖ បញ្ហានេះមិនប៉ះពាល់ដល់ផលិតកម្មស្បៀងរបស់កម្ពុជាឡើយ ដោយសារតែឆ្នាំកន្លងទៅ កម្ពុជាបានផលិតស្រូវបានច្រើនអាចផ្គត់ផ្គង់បានតាមតម្រូវការ។ ចំពោះខែរាំងស្ងួតអាចអូសបន្លាយរហូតដល់ខែ៨ ឆ្នាំ២០១៦ ខាងមុខនេះ ទើបមានភ្លៀងធ្លាក់វិញ ហើយខេត្តនឹងរងគ្រោះខ្លាំងមានខេត្ត ខេត្តបន្ទាយមានជ័យ និងខេត្តកំពង់ចាម ដែលស្ថិតក្នុងឃុំរាយប៉ាយ ហើយ មន្ត្រីធនធានទឹកបានស្នើសុំឲ្យប្រជាពលរដ្ឋកុំធ្វើស្រែប្រាំងលើក ទី២ ដោយសារតែទឹកតិច។ នេះបើយោងតាមសារព័ត៌មានជាតិ AKP។៕
ចំនួនអ្នកទស្សនា
- ថ្ងៃនេះ7421
- ម្សិលមិញ9421
- សប្តាហ៍នេះ63081
- ខែនេះ178231
- ឆ្នាំនេះ178231
- សរុប20620687