ផ្ទុះរឿងដណ្តើមតំណែងប្រធានមន្ទីរព័ត៌មានខេត្តបាត់ដំបង
01-March-2016 | ដោយ មែន កំសត់
បាត់ដំបង ៖ ផ្ទុះរឿងដណ្ដើមតំណែងប្រធានមន្ទីរព័ត៌មានខេត្ត ខណៈប្រធានមន្ទីរចាស់ត្រៀមចូលនិវត្តន៍នៅដើមខែមីនា ។ បើ តាមប្រភពពីមន្ត្រមន្ទីរព័ត៌មានខេត្តបានឱ្យដឹង នៅព្រឹកថ្ងៃទី០១ មីនា នេះថា៖ សំណុំរឿងមិនប្រក្រតីនានា ដែលកំពុងឆេះងំនៅក្នុងមន្ទីរព័ត៌មានខេត្ត នាប៉ុន្មានឆ្នាំចុងក្រោយនេះ ជាពិសេសរឿងដណ្ដើមតំណែងប្រធានមន្ទីរថ្មី ទំនងអាចនឹងផ្ទុះផ្អើលពេញខេត្តបាត់បង នាពេលខាងមុខនេះ ។ បន្ទាប់ពីមន្ត្រីមន្ទីរព័ត៌មានមួយចំនួន ដែលមិនពេញចិត្តនឹងសមាសភាពប្រធានថ្មី ដែលរៀបចំទុករួចស្រេចដោយប្រធានចាស់ ឡើងទៅជួបលោកអភិបាលខេត្ត និងស្នើឱ្យលោកអភិបាលជួយរកដំណោះស្រាយ ។
ប្រភពដដែលថា ប្រធានមន្ទីរចាស់លោក គ្រី ចំរើន បានស្វះស្វែងរៀបចំសំណុំបែបបទរបៀបប្រកាន់បក្សពួកបញ្ជួនទៅក្រសួង ដើម្បីបញ្ចុះបញ្ចូលឱ្យក្រសួងជួយសម្រួលតែងតាំងអ្នកស្រី ប៉ុក ចាន់ធារី បច្ចុប្បន្នជាអនុប្រធានមន្ទីរព័ត៌មានឱ្យឡើងជាប្រធានមន្ទីរថ្មី ក្រោយពេលលោកគ្រី ចំរើន ចូលនិវត្តន៍នាដើមខែមីនានេះ ។
ប៉ុន្តែ មន្ត្រីក្រោមឱវាទស្ទើរ៨០% នៅក្នុងមន្ទីរនេះ មិនពេញចិត្តនឹងសមាសភាពប្រធានថ្មី ដែលរៀបចំដោយលោកប្រធានចាស់នេះទេ ដោយពួកគេចង់ឱ្យក្រសួងរៀបចំជ្រើសរើសតែងតាំងលោកសួស សុភ័ក្រ ដែលជាអនុប្រប្រធានមន្ទីរដែរ ជាប្រធានមន្ទីរថ្មីវិញ៕
ចំនួនអ្នកទស្សនា
- ថ្ងៃនេះ871
- ម្សិលមិញ10851
- សប្តាហ៍នេះ67391
- ខែនេះ182541
- ឆ្នាំនេះ182541
- សរុប20624997