ឯកឧត្តម បណ្ឌិត ហ៊ុន ម៉ាណែត សម្ពោធដាក់ឲ្យប្រើប្រាស់ជាផ្លូវការ អគារសិក្សា៤ខ្នង ក្នុងតំបន់អារ៉ែង
01-March-2016 | ដោយ មែន កំសត់
កោះកុង៖ នៅព្រឹកថ្ងៃ ទី២៩ ខែកុម្ភះ ឆ្នាំ២០១៦ ឯកឧត្តមបណ្ឌិត ហ៊ុន ម៉ាណែតតំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងជាស្ថាបនិកសមាគមចលនាយុវជនកម្ពុជា ក្រុម១៥៧ បានអញ្ចើញជាអធិបតីក្នុងពិធីសម្ពោធដាក់ឲ្យដំណើរការអគារសិក្សា ចំនួន ៤ខ្នង នៅសាលាបឋមសិក្សា ជំនាប់ សាលាបឋមសិក្សា ប្រឡាយ សាលាបឋមសិក្សា សំរោង សាលាបឋមសិក្សា ចំណារ ដែលស្ថិតក្នុងឃុំជំនាប់ និងឃុំប្រឡាយ ស្រុកថ្មបាំង ខេត្តកោះកុង អគារសិក្សា៤ខ្នង សម្រាប់ក្មេងៗ នៅក្នុងតំបន់អារ៉ែង ក្រោយពីបានសាងសង់ប្រើប្រាស់រយៈពេល៩ខែ ។
យោងតាមរបាយការណ៍ អភិបាលស្រុកថ្មបាំង បានឲ្យដឹងថា សាលាបឋមសិក្សា៤ខ្នង ដែលអំណោយមនុស្សធម៌របស់បងប្អូនសមាជិកចលនាយុវជន កម្ពុជាក្រុម១៥៧ ពិតជាបានរួមចំណែកយ៉ាងខ្លាំងជាមួយរាជរដ្ឋាភិបាល ក្នុងការបណ្តុះបណ្តាលវិស័យអប់រំសម្រាប់ក្មេងៗ ដែលនៅតំបន់ដាច់ស្រយាលមួយនេះ។
បន្ទាប់មក ឯកឧត្តម ប៊ុន លើត អភិបាលខេត្តកោះកុង ក៏បានថ្លែងកោតសរសើចំពោះចលនាយុវជនកម្ពុជា ក្រុម១៥៧ ចំពោះលទ្ធផលដែលទទួលបាននៅពេលនេះ ដែលទាំងអស់នេះ បានធ្វើឡើងដោយឆន្ទៈពិតៗនិងជាសមិទ្ធផលដ៏លើសលប់មិនអាចកាត់ថ្លៃបានរបស់រាជរដ្ឋាភិបាលកម្ពុជា។
នាឱកាសនោះដែរឯកឧត្តម ហ៊ុន ម៉ាណែត បានថ្លែងថា៖ សាលារៀនដែលបានសាងសង់នៅទីនេះ គឺដើម្បីកូនចៅ បងប្អូននៅតំបន់អារ៉ែងសិក្សារៀនសូត្រ ហើយសាលារៀននេះជាថ្នារបណ្តុះបណ្តាវិជ្ជាជីវៈ ធនធានមនុស្ស តាមរយៈនេះហើយ បានជាសម្តេចតេជោ បានខិតខំសាលារៀនគ្រប់ទីកន្លែង ក្នុងភូមិ ឃុំ ស្រុក ដើម្បីឲ្យសិស្សានុសិស្សបានសិក្សារៀនសូត្រ ឲ្យក្លាយខ្លួនជាធនធានមនុស្ស ដើម្បីមានឱកាសចូលរួមក្នុងការអភិវឌ្ឍប្រទេសជាតិ អភិវឌ្ឍន៍សហគម ក៏ដូចជាអភិវឌ្ឍន៍មូលដ្ឋានរបស់ខ្លួន។
ឯកឧត្តមបណ្ឌិត ក៏បានកោត សរសើចំពោះសមាជិកក្រុម១៥៧ ដែលបានខិតខំពុះពារក្នុងការសាងសង់សាលារៀននេះ ព្រោះតែបើគ្មានឆន្ទៈ និងការព្យាយាមនោះទេ គឺមិនអាចសម្រេចការសាងសង់នេះបានទេ ព្រោះការដឹកជញ្ជូនមានការលំបាក សព្វបែបយ៉ាង។
ឯកឧត្តក៏បញ្ជាក់ផងដែរថា៖ សាលាបឋមសិក្សា៤ខ្នងនេះ បានសាងសង់ប្រើប្រាស់រយៈពេល៩ខែ ចាប់តាំងពីឆ្នាំ២០១៥ ហើយប្រើប្រាស់ថវិកាអស់៥៥៩០៥ដុល្លារ បូករមទាំងថ្លៃដឹកជញ្ជូនចំនួន៨៩២០ដុល្លា និង៦២៦១០០០០រៀសូមបញ្ចាក់ផងដែរថា សាលាបឋមសិក្សាទាំង៤ខ្នងនេះ ៣ខ្នងគឺជាអំណោយរបស់សមាគមចលនាយុវជនកម្ពុជា ក១៥៧ និង១ខ្នងទៀតជាអំណោយរបស់បងប្អូនប្រជាពលរដ្ឋខ្មែរ រស់នៅរដ្ឋកាលីហ្វ័ញ៉ា សហរដ្ឋអាមេរិក៕
ចំនួនអ្នកទស្សនា
- ថ្ងៃនេះ9501
- ម្សិលមិញ9421
- សប្តាហ៍នេះ65161
- ខែនេះ180311
- ឆ្នាំនេះ180311
- សរុប20622767