ឪពុក ម្ដាយឬស្សា ព្រោះតែដុល្លា បំបែកស្នេហ៍ស្មោះ កូនស្រីប្រុស ដែលខំសាងជាង៤ឆ្នាំ
10-March-2016 | ដោយ មែន កំសត់
បាត់ដំបង៖ យោងតាម ប្រភព ហ្វេសបុក របស់ឈ្មោះAh pich កាលពីថ្ងៃទី០៩ខែមីនាឆ្នាំ២០១៦បានរៀបរាប់ថា ៖ ព័ត៌មានបឋម ពីបុរសវ័យចំណាស់ម្នាក់ដែលមានវ័យ ៤៧ ឆ្នាំ មកពីប្រទេស ហូឡង់ បានដើរបោកក្មេងស្រីៗ អាយុក្រោម២០ឆ្នាំជាច្រើននាក់មកហើយនោះ សូម្បីតែប្រពន្ធគេក៏គាត់ឆាតមកសុំស្រឡាញ់ដែរ និងផ្ញើររូបអាសអាភៀសដោះអាវអោយគេមើលដែរ ហើយលោកក៏ជាសកម្មជនគណបក្សសង្គ្រោះជាតិឈរជើងនៅប្រទេសហូឡង់។
ឥឡូវនេះលោកមកបោកកូនស្រីរបស់អ្នកកសិករម្នាក់នៅភ្នំសំពៅ ខេត្តបាត់ដំបង ដោយប្រាប់ឪពុកម្តាយនាងថា ខ្លួនជាអ្នកធ្វើការនៅប្រទេស ហូឡង់ បានប្រាក់ខែក្នុងមួយខែ ៥០០០$។ មួយចំណុចទៀតលោក Seng Savin ជាអនិកជនរូបនេះ ដែលមានប្រវត្តិមិនច្បាស់លាស់ ពេលគេសាកសួរពីស្រុកកំណើតម្តាយឪពុកបង្កើតខ្លួនថានៅឯណា លោកឆ្លើយម្តងថានៅឯណេះ ម្តងថានៅឯនោះ អនេកជនរូបនេះ បានសន្យាថានឹងជួយព្យាបាលកូនប្រុសរបស់ម្តាយក្មេងស្រីនោះឲ្យជាពីជំងឺ ដោយកូនប្រុសរបស់គាត់បានសេពគ្រឿងញៀនខ្លាំងពេក ធ្វើឲ្យមានសតិវង្វេងមិនស្គាល់ម៉ែឪបងប្អូន ហើយថានឹងសន្យាធ្វើផ្ទះថ្មឲ្យម្តាយនាងមួយខ្នង ដោយសារចង់ឲ្យកូនប្រុសខ្លួនជាពីជំងឺ ម្តាយឪពុកនាងបានសម្រេចចិត្តឲ្យកូនស្រីពៅរបស់ខ្លួន ដែលជាកូនស្រីពៅមានតែមួយផងនោះ ឲ្យនាងភ្ជាប់ពាក្យជាមួយបុរសវ័យចំណាស់នោះ ដើម្បីជាថ្នូរនៃការជួយនេះ តែតាមការពិតនោះចិត្តរបស់កូនស្រីមិនពេញចិត្ត មិនស្រឡាញ់បុរសនោះឡើយ នាងសុខចិត្តក្បត់សង្សារជាទីស្រឡាញ់របស់ខ្លួនស្មើដោយជីវិត នាងសុខចិត្តដេកយំមិនអោយគេដឹង នាងញញឹមទាំងបង្ខំ ពេលនៅមុខម្តាយពុក បងប្អូន ញាតិជិតខាង នាងធ្វើជាអោបដៃជើងបុរសវ័យចំណាស់នោះពេលដើរលេងជុំគ្រួសារ ដើម្បីកុំអោយម្តាយពុកនាងខ្មាស់គេនិងពិបាកចិត្តថែមទៀត ម្តាយពុកនាងមិនដែលស្គាល់បុរសនោះទេ តែគ្រាន់តែបុរសវ័យចំណាស់នេះមកបាន៣ថ្ងៃ ហើយបុរសនោះបានពឹងអ្នកនៅឃុំតាគ្រាមឲ្យនាំខ្លួនមកផ្ទះក្មេងស្រីនោះ និងសុំមកលេងផ្ទះដើម្បីជួបកូនស្រីនិងជួបម្តាយពុកនាង រាយរ៉ាប់ពីប្រាក់ខែខ្លួន។ហើយនៅពេលនោះម្ចាស់ហកវេសបុកមានឈ្មោះ«ក្មេងឌឺព័ត៌មានខេត្តបាត់ដំបង»ដែលជាសាម៉ីរងគ្រោះនិងជាសង្សាររបស់ ម្ចាស់អាខោនAhPichបានរៀបរាប់ទាំងក្ដីសោកសៅថា៖
«បង Kpig យើងស្រឡាញ់គ្នារយះពេល៤ឆ្នាំហើយ តាំងពី២០១២ដល់២០១៦ អូនដឹងថាបងស្រឡាញ់អូនស្មោះ មិនដែលកុហកអូន តែពេលនេះអូនក្បត់បងក្បត់ពាក្យសន្យាជាមួយបង ដើម្បីគ្រួសារអូនសុខចិត្តលេបថ្មលេបគ្រោះភ្ជាប់ពាក្យជាមួយតាចាស់អាយុ៤៧ឆ្នាំ ដើម្បីផ្គាប់ចិត្តម្តាយអូន អូនមិនចង់ឲ្យម្តាយពុកអូនពិបាកចិត្តទេ គាត់ពិបាកចិត្តដោយសារបងប្រុសអូនរួចហើយ ព្រឹកនេះអូនភ្ជាប់ពាក្យជាមួយតាចាស់នោះហើយ អូនដឹងថាបងឈឺ ឈឺស្ទើរស្លាប់ អូនក៏ឈឺដែរ ចាំជាតិក្រោយយើងជួបគ្នា កុំឲ្យមានបញ្ហាដូចពេលនេះ បានគ្នាជាប្តីប្រពន្ធ គ្មានអ្នកមករារាងទៀត បង Kpig តែងតែផ្តល់អ្វីគ្រប់យ៉ាងដល់អូន អូនចងចាំជានិច្ច មិនភ្លេចឡើយ ទោះស្លាប់ទៅជាខ្មោចក៏មិនភ្លេចបងឡើយ មិត្តភក្កិអូនស្តីបន្ទោសអូន និងយំពិបាកចិត្តអាណិតបង អូនគ្មានជំរើសទេគឺជ្រើសរើសយកគេដើម្បីគ្រួសារ បោះបង់បងចោល»។
ហើយនាងក៏បានផ្ញើសារផ្ញើជូនឪពុកម្តាយអ្នកស្រឡាញ់ដុល្លាជាងកូនស្រីថា៖ ថ្ងៃស្អែកអូនត្រូវភ្ជាប់ពាក្យជាមួយបុរសចាស់ម្នាក់នេះអាយុ៤៧ឆ្នាំទាំងទឹកភ្នែក ដើម្បីគ្រួសារ អូនសុខចិត្តលះបង់សេចក្តីសុខខ្លួនឯងដើម្បីបំពេញចិត្តពុកម្តាយអូន។ ម្តាយឪពុករបស់អូនសម្លឹងឃើញតែដុល្លាររបស់អនិកជនម្នាក់នោះ ដែលចូលដណ្តឹងអូនឲ្យតម្លៃខ្លួនត្រឹមតែ ២៥០០$ ម៉ែពុកអូនដោយមិនបានគិតពីការខុសគ្នារវាងអាយុកូនស្រីរបស់ខ្លួនសោះ កូនស្រីអាយុត្រឹមតែ២០ឆ្នាំ ចំណែកអនិកជននោះមានអាយុ៤៧ហើយ។
អនិកជនទើបតែមកបាន៣ថ្ងៃម្តាយអូនយល់ព្រមជាមួយគេ ដោយមិនបានស្គាល់ប្រវត្តិច្បាស់លាស់ កុហកម្តាយនៅនេះ ម្តងម៉ែឪនៅឯនោះ ម្តាយឪពុកអូនក៏ដឹងថាបុរសអនិកជននេះមានស្រីច្រើន មានប្រពន្ធច្រើនក៏ពិតមែន តែគាត់ស្រឡាញ់ទឹកប្រាក់ជាជាងសេចក្តីសុខរបស់កូនស្រីខ្លួន ជំរុញឲ្យខ្លួនធ្លាក់ក្នុងរណ្តៅភ្លើងដ៏ក្តៅមួយនេះ បងដឹងថាអូនតែងតែដេកយំរាល់ថ្ងៃ យំលួចលាក់ នៅមុខគេអូនធ្វើជាញញឹម។
មិត្តភក្កិអូនតែងតែពិបាកចិត្តនិងយំជំនួសអូននិងផ្តល់យោបល់់ថាកុំឲ្យយកតានោះអី ពីព្រោះតានោះជាមនុស្សចាស់ បោកប្រាស់ស្រីៗច្រើនរូបមកហើយ តែដើម្បីបំពេញចិត្តគ្រួសារអូន អូនសុខចិត្តលះបង់ខ្លួនប្រាណបុរសចាស់នោះតែងតែយកលុយមកជះលើក្បាលរបស់ម្តាយឪពុកក្មេងស្រីមួយចំនួន ប្តូរយកព្រហ្មចារីយ៍ក្មេងស្រីអាយុប្រហែល២០ឆ្នាំជាច្រើនមកហើយ។
ជុំវិញករណីខាងលើនេះពុំមានការបកស្រាយឲ្យកាន់តែច្បាស់ពីសមត្ថកិច្ចនិងអាជ្ញាធរមូលដ្ឋានឡើយ ហើយប្រជាពលរដ្ឋនៅក្បែរភូមិបានរិះគន់និងមានការអាណិតអាសូរដល់គូស្នេហ៍សង្សារ និងបានតិះដៀលដល់ម្ដាយឪពុក យ៉ាងធ្ងន់ៗ ទៅលើ ការបង្ខិតបង្ខំកូនដើម្បីតែដុល្លាតៀតផង៕
ចំនួនអ្នកទស្សនា
- ថ្ងៃនេះ7461
- ម្សិលមិញ10851
- សប្តាហ៍នេះ73981
- ខែនេះ189131
- ឆ្នាំនេះ189131
- សរុប20631587