រដ្ឋមន្ត្រីចំនួន ៨ក្រសួងត្រូវផ្លាស់ប្តូរ នឹងធ្វើឡើងនៅថ្ងៃទី០៤ ខែមេសា
17-March-2016 | ដោយ មែន កំសត់
ភ្នំពេញ៖ សម្តេតេជោ ហ៊ុន សែន នាយករដ្ឋមន្ត្រី នៃកម្ពុជា បានបង្ហើបថា រដ្ឋមន្ត្រីចំនួន ៨ក្រសួងត្រូវផ្លាស់ប្តូរ ដែលក្នុងនោះមានអ្នកប្តូរចេញនិងអ្នកប្តូរពីក្រសួងចាស់ទៅក្រសួង ថ្មី ហើយការកែសម្រួលគណៈរដ្ឋមន្ត្រីនេះ នឹងធ្វើឡើងនៅថ្ងៃទី០៤ ខែមេសាខាងមុខនេះ គឺដើម្បីប្រសិទ្ធភាពការងារ។
សម្តេចតេជោ ហ៊ុន សែន បានបញ្ជាក់ថា ការកែសម្រួលគណៈរដ្ឋមន្ត្រីនៅពេលនេះ គឺមិនមែនមានរដ្ឋមន្ត្រីអាក្រក់ទាំងអស់ទេប៉ុន្តែមានរដ្ឋមន្ត្រី ស្ទក់ស្រពន់មួយចំនួនដែលត្រូវផ្លាស់ប្តូរសម្រួល ដើម្បីឲ្យការងារប្រទេសជាតិកាន់តែមានប្រសិទ្ឋភាពខ្ពស់។
ការប្រកាសរបស់សម្តេចតេជោ បានធ្វើឡើងនៅព្រឹកថ្ងៃទី១៧ ខែមីនា ឆ្នាំ២០១៦នេះ ក្នុងឱកាសសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញដល់ និងធ្វើជាអធិបតីភាព ក្នុងពិធីចែកសញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដល់និស្សិតសាកលវិទ្យាល័យ ន័រតុន នៅមជ្ឈមណ្ឌលពិព័រណ៍ និងសន្និបាតកោះពេជ្រ។
ក្នុងឱកាសនេះ សម្តេចតេជោ ហ៊ុន សែន អភិបាលខេត្តចំនួន៤នឹងត្រូវផ្លាស់ប្តូរ ព្រោះដល់អាយុចូលនិវត្តន៍។ខេត្តដែលផ្លាស់ប្តូរអភិបាលនេះរួមមាន ខេត្តកំពង់ស្ពឺ កំពត បន្ទាយមានជ័យ និងស្វាយរៀង។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបាន ធ្វើសំណើជាផ្លូវការមួយបញ្ជូនទៅកាន់សម្តេចអគ្គមហាពញាចក្រីហេង សំរិន ប្រធានរដ្ឋសភាដើម្បីស្នើសុំរុះរើគណៈរដ្ឋមន្ត្រីដោយក្នុងនោះមាន ការផ្លាស់ប្តូររដ្ឋមន្ត្រីនៅតាមក្រសួង មួយចំនួនផងដែរ។សំណើរបស់សម្តេចតេជោបានដាក់ជូនសម្តេចប្រធានរដ្ឋ សភា នៅថ្ងៃទី១៦ ខែមីនា។ នេះបើ យោងតាមមន្ត្រីជាន់ខ្ពស់រាជរដ្ឋា ភិបាលបានប្រាប់ កាលពីរសៀលថ្ងៃទី១៦ខែមីនាឆ្នាំ២០១៦។
ទោះជាសម្តេចបាន ព្រលយពាក្យថា៨ក្រសួង តែគេនៅមិនទាន់ដឹងថា រដ្ឋមន្ត្រីក្រសួងណាខ្លះដែលត្រូវផ្លាស់ប្តូរ និង មន្ត្រីណាខ្លះដែត្រូវក្លាយជារដ្ឋមន្ត្រីនោះនៅឡើយទេ។
ឯកឧត្តមឡេង ប៉េងឡុង អគ្គ-លេខាធិការនិងជាអ្នកនាំពាក្យរដ្ឋសភា បានឱ្យដឹងថា៖លិខិតរបស់ សម្តេចតេជោ ហ៊ុន សែន នាយករដ្ឋ មន្ត្រីបានចូលមកដល់រដ្ឋសភាហើយ នៅថ្ងៃទី១៦ ខែមីនា គឺស្នើសុំការកែសម្រួលនិងបំពេញបន្ថែម ហើយចំពោះក្រសួងណាដែលត្រូវកែសម្រួលនោះ លោកមិនអាចប្រាប់បានទេ គឺគ្រាន់តែកែសម្រួលនិងបំពេញបន្ថែមគណៈរដ្ឋមន្ត្រី។ ឯកឧត្តមបានបញ្ជាក់ថា ចំពោះអ្នកណាៗ ក្រសួងណានោះ គឺមិនអាចប្រាប់ បានទេ។
ចំណែកឯកឧត្តម ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបាន មានប្រសាសន៍ថា លោកមិនដឹងថា មន្ត្រីណាខ្លះត្រូវផ្លាស់ប្តូរទេ ពីព្រោះនេះគឺជាការងារផ្ទាល់របស់សម្តេចតេជោ ហ៊ុន សែន ហើយសម្តេចមានភារកិច្ចក្នុងការរៀបចំគណៈរដ្ឋមន្ត្រី ដើម្បីសុំសភាគាំទ្រ ដូច្នេះការងារនេះគ្មាន អ្នកណាដឹងក្រៅពីសម្តេចតេជោ ហ៊ុន សែន នាយករដ្ឋមន្ត្រីនោះទេ។
តែយ៉ាងណា តាមប្រភពពីសារព័ត៌មានក្រៅផ្លូវការបានឲ្យដឹងដែរថា៖ រដ្ឋមន្រ្តី៨ក្រសួងត្រូវប្ដូរ និង កែគណៈ រដ្ឋមន្រ្តី រួមមាន៖ រដ្ឋមន្រ្តី សាធារណការ និងដឹកជញ្ជូន (ត្រាំ អ៊ីវ តឹក) ក្រសួងការបរទេស( ហោ ណាំហុង) ចូលនិវត្តន៍(ជំនួសដោយ ស៊ុន ចាន់ថុល)ឯក្រសួងពាណិជ្ជកម្មមិនទាន់ដឹងសមាសភាព រដ្ឋមន្រ្តី ក្រសួងកសិកម្ម (អ៊ុក រ៉ាប៊ុន)ជំនួសដោយ( សាយ សំអាល់ ) រដ្ឋមន្រ្តីបរិស្ថាននថ្មីមិនទាន់ដឹង ក្រសួងព័ត៌មានក៏ត្រូវប្ដូរ បំបែកក្រសួងសេដ្ឋកិច្ច ជា២ (សេដ្ឋកិច្ចនិង ក្រសួងហិរញ្ញវត្ថុ ) បំបែក ក្រសួងអប់រំ ជា២(ក្រសួងអប់រំ និងក្រសួងយុវជននិងកីឡា) ចំពោះព័ត៌មានច្បាស់នឹងបកស្រាយនៅពេលក្រោយ ៕
អត្ថបទដោយ៖CHHORN SEIHA
ចំនួនអ្នកទស្សនា
- ថ្ងៃនេះ891
- ម្សិលមិញ12921
- សប្តាហ៍នេះ891
- ខែនេះ195491
- ឆ្នាំនេះ195491
- សរុប20637947