ឯកឧត្តម ហ៊ុន ម៉ាណែត៖ សម្តេច ហ៊ុន សែន មិនដែលបញ្ជាឲ្យអាជ្ញាធរ និងក្រុមការងារធ្វើបាបប្រជាពលរដ្ឋនោះទេ
26-March-2016 | ដោយ មែន កំសត់
តាកែវ៖ ឯកឧត្តម ហ៊ុន ម៉ាណែតបានលើកឡើងថា«សកម្មភាពទាំងឡាយដែលថ្នាក់ដឹកនាំខេត្ត ស្រុក ឃុំ អាជ្ញាធរមូលដ្ឋានបានធ្វើបម្រើលោកតា លោកយាយ មិនខុសពីសមិទ្ធិផលរបស់សម្តេចតេជោប្រមុខរាជរដ្ឋាភិបាលដែលបានធ្វើកន្លងមកដើម្បីបម្រើប្រជាជននោះទេ»។
ឯកឧត្តមបញ្ជាក់ថា «រាជរដ្ឋាភិបាល ថ្នាក់ដឹកនាំទាំងអស់ខិតខំ ច្រើនណាស់ ជួយដល់ប្រជាជនពេលខ្លះយើងមិននិយាយច្រើនទេ គឺយើងអនុវត្តផ្ទាល់តែម្តង ដើម្បីដោះស្រាយការងារជាក់ស្តែងជូនប្រជាជន នេះគឺជាអ្វីដែលរាជរដ្ឋាភិបាល យកចិត្តទុកដាក់ណាស់ជាក់ស្តែងតាមរយៈក្រុមការងារនិងអជ្ញាធរមិនដែលពេលណាដែលសម្តេចបញ្ជាឱ្យធ្វើបាប ប្រជាពលរដ្ឋទេ មានតែឱ្យដោះស្រាយ ជូនប្រជាជន ដោយផ្ទាល់និងតាមយន្តការផ្សេងៗ»។
ឯកឧត្តម ហ៊ុន ម៉ាណែត តំណាងឲ្យ សម្តេចតេជោហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានលើកឡើងបែបនេះ នៅក្នុងពិធី សម្ពោធសាលា ធម្មសាភានិងសមិទ្ធផលនានានៅវត្តជ្រោយសំរោងស្ថិតនៅក្នុងសង្កាត់សំរោង ក្រុងដូនកែវ ខេត្តតាកែវ នៅថ្ងៃទី ២៥ ខែមីនា ឆ្នាំ២០១៦។
ឯកឧត្តមបន្តថា«ការអភិវឌ្ឍគឺមានន័យធ្វើឱ្យប្រជាជនមានបានតាំងពីឆ្នាំ១៧៧៩មកដល់ពេលបច្ចុបន្ន ជីវភាពប្រជាជនមានភាពធូរធា កូនចៅ ប្រជាពលរដ្ឋមាន ឱកាសរៀនសូត្រ មានការងារធ្វើ មានអនាគតច្បាស់លាស់ ថ្ងៃក្រោយអាចជួយគ្រួសារ ភូមិឃុំមានការរីកចម្រើន នេះហើយគឺជាអ្វីដែលនយោបាយ របស់រាជរដ្ឋាភិបាល ធ្វើឱ្យប្រជាជនមានបាន»។
ឯកឧត្តមឡាយ វណ្ណៈ អភិបាលខេត្តតាកែវនៅក្នុងពិធីសម្ពោធសាលាធម្មសាភានិងសមិទ្ធិផលនានានៅវត្តជ្រោយសំរោងស្ថិតនៅក្នុងសង្កាត់សំរោង ក្រុងដូនកែវខេត្ត តាកែវ នៅថ្ងៃទី ២៥ ខែមីនា ឆ្នាំ២០១៦ បានឲ្យដឹងថា ក្រោយឆ្នាំ១៩៧៩ក្រោមការដឹកនាំរបស់ប្រមុខរាជរដ្ឋាភិបាល ប្រទេសជាតិមានសុខសន្តិភាពមានការ អភិវឌ្ឍ ឥតឈប់ឈរគួរជាទីមោទនៈ។
ឯកឧត្តមបន្តថា សមិទ្ធិផលដែលយើងទទួលបាននិងត្រូវដាក់សម្ពោធនៅខណៈពេលនេះ គឺនៅមានសមិទ្ធិផលជាច្រើនទៀតដែលរាជរដ្ឋាភិបាលនិងសប្បុរសជនបានដាក់សម្ពោធនៅទូទាំងប្រទេស នេះសបញ្ជាក់ឱ្យឃើញថាប្រទេសយើងមានការរីកចម្រើនលឿនណាស់៕
ចំនួនអ្នកទស្សនា
- ថ្ងៃនេះ4771
- ម្សិលមិញ12921
- សប្តាហ៍នេះ4771
- ខែនេះ199371
- ឆ្នាំនេះ199371
- សរុប20641827