ឯកឧត្តម ហ៊ុន ម៉ាណែត សម្រេចចិត្តមិនចូលរួមក្នុងពិធីព្យុហយាត្រា នៅទីក្រុងឡុងបិច ព្រោះមិនចង់ឃើញភាពល្អក់កករ រវាងខ្មែរនិងខ្មែរ
27-March-2016 | ដោយ មែន កំសត់
ភ្នំពេញ៖ បន្ទាប់ពីបានឃើញស្ថានភាពកំហឹង និងទស្សនៈផ្ទុយគ្នាលើផ្នែកនយោបាយចំពោះបងប្អូនខ្មែរនៅក្រៅប្រទេស នៅតែបន្តមិនថមថយ, នៅព្រឹកថ្ងៃអាទិត្យ ទី២៧ ខែមីនា ឆ្នាំ២០១៦នេះឯកឧត្តម ហ៊ុន ម៉ាណែត និងក្រុមការងារបានសម្រេចចិត្តមិនចូលរួមក្នុងពិធីព្យុហយាត្រា នៅទីក្រុងឡុងបិចនោះទេ ដោយមិនចង់ឃើញនូវភាពល្អក់កករ និងការបែកបាក់រវាងខ្មែរនិងខ្មែរ ជាពិសេសដើម្បីបញ្ចៀសអំពើហឹង្សាដែលអាចកើតមានឡើងរវាងអ្នកគាំទ្រ និងអ្នកមិនគាំទ្រក្នុងពេលព្យុហយាត្រា ដែលនាំអោយខាតប្រយោជន៍ជាតិសាសន៍យើងទាំងមូល, នេះបើយោងតាម Facebook របស់ឯកឧត្តម ហ៊ុន ម៉ាណែត បង្ហាញនៅប៉ុន្មាននាទីមុននេះនាព្រឹកថ្ងៃនេះ។
ឯកឧត្តមហ៊ុន ម៉ាណែត បានបន្តបញ្ជាក់ថា សូមបងប្អូនដែលគាំទ្រការចូលរួមក្នុងពិធីព្យុហយាត្រា សូមមេត្តាយោគយល់អំពីការសម្រេចចិត្តនេះ ហើយសូមបងប្អូនបន្តចូលរួមគាំទ្រ ព្យុហយាត្រានេះឲ្យបានច្រើនកុះករដើម្បីបង្ហាញនូវសាមគ្គីភាពរវាងខ្មែរនិងខ្មែរ ក្នុងនាមជាតិសាសន៍តែមួយ។ ឯកឧត្តម ហ៊ុន ម៉ាណែត បានបង្ហាញភាពជឿជាក់ថា នឹងបានជួបជាមួយបងប្អូនទាំងអស់នៅក្នុងកម្មវិធីផ្សេងៗទៀត ក្នុងឱកាសអបអរសាទរបុណ្យចូលឆ្នាំថ្មីប្រពៃណីជាតិខ្មែរយើងក្នុងលក្ខណៈជាមហាគ្រួសារខ្មែរតែមួយ ដូចដែលបានគ្រោងទុក៕
អត្ថបទ៖សីហា
ចំនួនអ្នកទស្សនា
- ថ្ងៃនេះ5371
- ម្សិលមិញ12921
- សប្តាហ៍នេះ5371
- ខែនេះ199971
- ឆ្នាំនេះ199971
- សរុប20642427