សម្តេច ក្រឡាហោម ស ខេងប្រកាសតែងតាំង ផ្ទេរភារកិច្ច ដោយអភិបាលខេត្តបន្ទាយមានជ័យ
28-March-2016 | ដោយ មែន កំសត់
បន្ទាយមានជ័យ ៖ អភិបាលខេត្តថ្មីត្រូវបានប្រកាសតែងតាំង ផ្ទេរភារកិច្ច ដោយអភិបាលខេត្តចាស់ត្រូវឡើង ជារដ្ឋលេខាធិការក្រសួងធនធានទឹក និងឧតុនិយម ចំណែកអ្នកឡើងជំនួសដោយអភិបាលរងដែលពិធីនេះត្រូវបានប្រកាសនៅថ្ងៃទី ២៨ ខែមីនា ឆ្នាំ២០១៦ នៅសាលប្រជុំខេត្តបន្ទាយមានជ័យ ក្រោមអធិបតីភាព សម្តេច ក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។
ពិធីនេះមានវត្តមានចូលរួមពីឯកឧត្តម កែ គឹមយ៉ាន ឧបនាយករដ្ឋមន្ត្រីទទួលបន្ទុកអាជ្ញាធរជាតិបង្ក្រាបគ្រឿងញៀន និង ជាប្រធានក្រុមការងារខេត្ត បន្ទាយមានជ័យ ក្រុមប្រឹក្សាខេត្ត អភិបាលខេត្ត កងកម្លាំងប្រដាប់អាវុធ ទាំង៣ មន្ត្រីរាជការមន្ទីរជុំវិញខេត្ត ក្រុមប្រឹក្សាឃុំ ស្រុក និងមន្ត្រីដែលពាក់ព័ន្ធជាច្រើននាក់ផងដែរ។
ឯកឧត្តម គោស៊ុំ សារឿត បានធ្វើរបាយគារណ៍ ជម្រាបជូន គណៈអធិបតី អំពីរដ្ឋបាលនិងសកម្មភាពការងាររបស់ ខេត្តបន្ទាយមានជ័យ គឺជាខេត្តមួយដែលជាប់ព្រំដែន និងប្រទេសថៃហើយមានច្រកសេដ្ឋកិច្ចចំនួន៣កន្លែង មានទី១.ច្រកអន្តរជាតិប៉ោយប៉ែត ២.ច្រកតំបន់ព្រំដែនម៉ាឡៃស្រុកម៉ាឡៃ ៣.ច្រកតំបន់ព្រំ ដែនបឹងត្រកួនស្រុកថ្មពួក ហើយច្រកសេដ្ឋកិច្ចនេះសម្រាប់ដោះដូរទំនិញរវាងប្រជាពលរដ្ឋកម្ពុជា.ថៃ
បន្ទាប់មកមន្ត្រីនាយកដ្ឋានរដ្ឋបាលក្រសួងមហាផ្ទៃបានអានព្រះរាជក្រឹត្យនិងការប្រកាសតែងតាំង ឯកឧត្តម សួន បវរ អភិបាលរងខេត្តបន្ទាយមានជ័យ បានឡើងជាអភិបាលខេត្តបន្ទាយមានជ័យជំនួសឯកឧត្តម គោស៊ុំ សារឿត អតីតអភិបាលខេត្តបន្ទាយមានជ័យ ត្រូវបានតែងតាំងជារដ្ឋលេខាធិការក្រសួង ធនធានទឹក និងឧតុនិយម។ ចំណែកលោកស្រី ចាន់ ថេង អភិបាលក្រុងសិរីសោភ័ណ្ឌ ត្រូវបានតែងតាំងជាអភិបាលរងខេត្តបន្ទាយមានជ័យ។
។
ថ្លែងទៅកាន់ពិធី នាឱកាសនោះសម្តេច ក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានមានប្រសាសន៍ថា ខេត្តបន្ទាយមានជ័យគឺខេត្តមួយនាសម័យសមភូមិក្តៅរវាងទ័ពរដ្ឋាភិបាល និងទ័ពព្រៃ ក្រោយពេលបញ្ចប់សង្គ្រាមក្រោមការដឹកនាំនយោបាយឈ្នះៗរបស់រាជរដ្ឋាភិបាល កម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយរដ្ឋមន្ត្រី នៃព្រះរាជជាណាចក្រកម្ពុជា គឺប្រទេសកម្ពុជាមានការអភិវឌ្ឍន៍និងរីកចម្រើនស្ទើរតែគ្រប់វិស័យ។
សម្តេច ក្រឡាហោមបានមានប្រសាសន៍ផ្តាំផ្ញើដល់អភិបាលខេត្តបន្ទាយមានជ័យទើប ទទួលបានតួនាទីថ្មីក្រោយពេលទទួលភារកិច្ចហើយ មិនត្រូវធ្វើការងារបក្ខពួកនិយម និងគិតពីប្រយោជន៍ផ្ទាល់ខ្លួនត្រូវខិតខំយកចិត្តទុកដាក់ ជួយដល់ប្រជាពលរដ្ឋនិងសង្គមជាតិឲ្យមានការរីកចម្រើន៕
អត្ថបទ៖សីហា
ចំនួនអ្នកទស្សនា
- ថ្ងៃនេះ5181
- ម្សិលមិញ12921
- សប្តាហ៍នេះ5181
- ខែនេះ199781
- ឆ្នាំនេះ199781
- សរុប20642237