សមិទ្ឋផលថ្មីលើដីចាស់នាំអោយសម្តេចតេជោជួបមិត្តភ័ក្តិចាស់ៗនិងរំលឹកអនុស្សាវរីយ៍
31-March-2016 | ដោយ មែន កំសត់
ត្បូងឃ្មុំ៖ «ថ្ងៃនេះខ្ញុំ និងភរិយាបានមកសម្ពោធដាក់ឱ្យប្រើប្រាស់នូវអាគារសិក្សានៃវិទ្យាល័យ ដែលជាទីតាំងសាលាដែលភរិយាខ្ញុំធ្លាប់រៀនមុនសង្គ្រាមឆ្នាំ១៩៧០។ ជាមួយគ្នានេះ ក៏សម្ពោធដាក់ឱ្យប្រើប្រាស់នូវស្ពានបេតុងឆ្លងព្រែកដែលនៅមិនឆ្ងាយ ពីវិទ្យាល័យផងដែរ។ពិតជារីករាយដែលបានជួបមិត្តភ័ក្តិចាស់ៗនិង រំលឹកអនុស្សាវរីយ៍ពេលខ្ញុំនិងភរិយាបានជួបគ្នាដំបូងកាលពីនៅក្រមុំ កម្លោះ។នេះជាសមិទ្ឋផលថ្មីលើដីចាស់ដែលនឹងផ្តល់ផលប្រយោជន៍ សំរាប់ប្រជាជន ពិសេសកុមារនិងយុវជន»។នេះជាសម្តីរបស់សម្តេចតេ ជោ ហ៊ុនសែន ក្រោយពីសម្តេច និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានអញ្ជើញសម្ពោធដាក់ឲ្យប្រើប្រាស់ “វិទ្យាល័យ ប៊ុន រ៉ានី ហ៊ុន សែន អម្ពវ័នជំនីក” មួយខ្នងនៅក្នុងឃុំជំនីក ស្រុកក្រូចឆ្មាខេត្តត្បូងឃ្មុំ កាលពីព្រឹកថ្ងៃទី ៣០ ខែ មីនា ។
មកដល់ពេលនេះ ខេត្តត្បូងឃ្មុំ ដែលជាខេត្តទើបបំបែកចេញពីខេត្តកំពង់ចាមនោះ សម្តេចតេជោ ហ៊ុន សែន និងសម្តេចកិត្តិព្រឹទ្ឋបណ្ឌិតបានផ្តល់អំណោយអគាសិក្សាចំនួន២៩៧ ខ្នង ស្មើ១.៤៣០ បន្ទប់ រួមទាំងផ្លូវ ស្ពានជាច្រើនកន្លែងផ្សេងទៀត។ សម្តេចតេជោ ហ៊ុន សែន បានមានប្រសាសន៍ថា ការបង្កើតវិទ្យាល័យនិងសមិទ្ឋផលផ្សេងៗនៅទីនេះគឺមិនមែនដោយសារតែ សម្តេចកិត្តិព្រឹទ្ឋបណ្ឌិត រៀនទីនេះ និងមានស្រុកកំណើតនៅទីនេះឬដោយសារសម្តេចទាំងទ្វេមានអនុស្សាវរី យ៌នៅទីនេះនោះទេ គឺសម្តេចតេជោ បានសងសង់អាគារសិក្សាស្ទើរគ្រប់ទីកន្លែងដែលជាតម្រូវការចាំបាច់នៃ ការអប់រំដល់កុលបុត្រ កុលធីតាខ្មែរគ្រប់ជំនាន់បានសិក្សារៀនសូត្រ កុំអោយពួកគេអភ័ព្វដូចសម្តេចពីមុន។
នៅទីនេះពីមុន គឺមានតែវិទ្យាល័យតែមួយគត់ តែរហូតមកដល់សព្វថ្ងៃនេះ មានស្ទើរគ្រប់កន្លែងហើយនេះជាការបង្ហាញពីការយកចិត្តទុកដាក់របស់ រាជរដ្ឋាភិបាលកម្ពុជា ចំពោះវិយ័អប់រំតាមទីជនបទ ក្នុងការបណ្តុះបណ្តាលធនធានមនុស្ស។ ទន្ទឹមនឹងនេះ សម្តេចតេជោបានគិតគូរតម្លើងប្រាក់ខែគ្រូបង្រៀនដល់២០០ដុល្លារ និងនៅឆ្នាំ២០១៨ នឹងឡើងដល់ ២៥០ ដុល្លារ ហើយនៅក្នុងឱកាសបុណ្យចូលឆ្នាំខ្មែរខាងមុខនេះគឺសម្តេចតេជោនឹង បន្ថែមជូន៥ម៉ឺនរៀល ក្នុងម្នាក់ៗដល់លោកគ្រូអ្នកគ្រូ និងមន្ត្រីរាជការយើងផងដែរ។
សម្តេចតេជោបានផ្តាំផ្ញើដល់ សិស្សានុសិស្សត្រូវតែខិតខំសិក្សារៀនសូត្រព្រោះបច្ចុប្បន្ននេះសាលារៀន គឺស្ថិតនៅជិតផ្ទះយើងហើយមិនដូចពីមុននោះទេ។ ហើយត្រូវតែចៀសអោយឆ្ងាយពីគ្រឿងញៀន និងល្បែងអបាយមុខផ្សេងៗ។
នៅក្នុងឱកាសនោះដែរ សម្តេចតេជោ ហ៊ុន សែន និងសម្តេចកិត្តិព្រឹទ្ឋបណ្ឌិត ក៏បានផ្តល់អំណោយ ជូនដល់លោកយាយ លោកតានិងប្រជាពលរដ្ឋដែលបានចូលរួមក្នុងពិធីនេះរួមទាំងផ្តល់ ម៉ាស៊ីនកុំព្យូទ័រ១០គ្រឿង,Printerចំនួន២គ្រឿង, ម៉ាស៊ីនកូពី១គ្រឿង និងម៉ាស៊ីនដេរចំនួន ៥០ គ្រឿង ដល់សិស្សានុសិស្ស នៃវិទ្យាល័យនេះ និងចុងបញ្ចប់បានអញ្ជើញកាត់ខ្សែបូរសម្ពោធដាក់អោយប្រើប្រាស់ “ វិទ្យាល័យប៊ុន រ៉ានី ហ៊ុន សែន អម្ពវ័នជំនីក” ចាប់ពីពេលនេះតទៅ៕
ចំនួនអ្នកទស្សនា
- ថ្ងៃនេះ5771
- ម្សិលមិញ12921
- សប្តាហ៍នេះ5771
- ខែនេះ200371
- ឆ្នាំនេះ200371
- សរុប20642827