សម្ដេច ហ៊ុន សែន ព្រមានដកតំណែងប្រធាននមន្ទីរសាធារណៈការដឹកជញ្ជូន រាជធានីភ្នំពេញ
05-April-2016 | ដោយ មែន កំសត់
ភ្នំពេញ៖ ពីពិធីសម្ពោធដាក់ឲ្យ ប្រើប្រាស់អគាររដ្ឋបាលថ្មី របស់រដ្ឋបាលសាលា រាជធានីភ្នំពេញ នាព្រឹកថ្ងៃទី០៥ ខែមេសា នេះសម្ដេច ហ៊ុន សែន បានបញ្ជាក់ថា ជាថ្មីបញ្ហានៅក្នុង រាជធានីភ្នំពេញ មានបីចំណុច គឺបញ្ហាកកស្ទះចរាចរណ៍ បញ្ហាស្ទះលូ និងបញ្ហាសំរាម។ ប្រមុខរដ្ឋាភិបាលដែលទទួលស្គាល់ថា ការសាងសង់ផ្លូវថ្នល់នាពេលបច្ចុប្បន្ននេះកំពុងមានការរីកចម្រើននេះ បានដាក់ការងឿងឆ្ងល់ដែរថា ៖ មូលហេតុបានជាផ្លូវចេះតែសាងសង់ តែ ហេតុអ្វីពេលខូចផ្លូវអត់មានអ្នកជួសជុលវិញ។
ជាមួយគ្នានេះសម្ដេច ហ៊ុន សែន ក៏បានរិះគន់ចំៗលើប្រធាន និង អនុប្រធានសាធារណៈការដឹកជញ្ជូន រាជធានីភ្នំពេញ និងអភិបាលខ័ណ្ឌមួយចំនួន ថា៖ មិនដែលយកភ្នែកមើលលើបញ្ហាផ្លូវទេ «ទៅណាអស់ទៅ»។
សម្ដេចនាយករដ្ឋមន្ត្រី ហ៊ុន សែន បានបន្តរិះគន់ ចំៗ លោក សាំ ពិសិដ្ឋ ប្រធានមន្ទីរសាធារណៈការ ដឹកជញ្ជូន រាជធានីថា៖ តាំងពីរូបលោក សាំ ពិសិដ្ឋ ចូលកាន់តំណែងនេះមក បញ្ហាខូចផ្លូវថ្នល់កើតឡើងគ្រប់កន្លែងហើយ តែគ្មានការជួសជុលវិញឲ្យបានល្អឡើយ ដោយលោក បានប្រៀបធៀប លោក សាំ ពិសិដ្ឋ ដូចជា ធនញ្ជ័យ ថា ៖«តិចឲ្យទៅមើលផ្លូវ មើលមែន!តិចនាយករដ្ឋមន្ត្រីគាត់ប្រាប់ឲ្យអញមើលផ្លូវតើ ត្រង់ខូចប៉ុន្មានអញមិនដឹង»សូមលោកពិនិត្យមើលឡើងវិញ បើមិនចង់អស់តំណែង៕
ចំនួនអ្នកទស្សនា
- ថ្ងៃនេះ1291
- ម្សិលមិញ5781
- សប្តាហ៍នេះ7081
- ខែនេះ201681
- ឆ្នាំនេះ201681
- សរុប20644137