សម្តេចតេជោ ហ៊ុន សែន បញ្ជាឲ្យចាប់ខ្លួនមន្ត្រីអសកម្មក្នុងការផ្តល់សេវាសាធារណៈ
05-April-2016 | ដោយ មែន កំសត់
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានលើកឡើងថា មន្ត្រីមួយចំនួន ដែលនាំឲ្យភាពអសកម្មនៅក្នុងការផ្តល់សេវាសាធារណៈអាចជាអ្នកដែលមាននិន្នាការបម្រើបក្សក្រៅរដ្ឋាភិបាល ហើយសម្តេចបានបញ្ជាឲ្យចាប់ខ្លួនមន្ត្រីអសកម្មនោះ ជៀសវាងការបង្កឲ្យខូចកេរ្តិ៍ឈ្មោះមន្ត្រីរាជរដ្ឋាភិបាលទាំងមូល។
សម្តេចតេជោ បានថ្លែងដូច្នេះក្នុងឱកាសអញ្ជើញសម្ពោធដាក់ឲ្យប្រើប្រាស់អគាររដ្ឋបាលថ្មី នៃសាលារាជធានីភ្នំពេញនាព្រឹកថ្ងៃទី០៥ ខែមេសា ឆ្នាំ២០១៦នេះ។
សម្តេចតេជោ ហ៊ុន សែន បានគូសបញ្ជាក់ថា «ក្នុងចំណោមមន្ត្រី ៣ទៅ៤ពាន់នាក់ មានមន្ត្រីខិលខូចតែ ៤ទៅ៥នាក់ប៉ុណ្ណោះ ហើយតាមដឹងមន្ត្រីនោះ គឺមកបក្សនយោបាយផ្សេង»។
បើទោះបីជាយ៉ាងណា សម្តេចតេជោ ហ៊ុន សែន បានជំរុញឲ្យមន្ត្រីថ្នាក់ក្រោមជាតិទាំងអស់ ត្រូវប្រឹងប្រែងផ្តល់សេវាសាធារណៈជូនប្រជាពលរដ្ឋឲ្យបានល្អប្រសើរ កុំបង្កឲ្យមានភាពថ្នាំងថ្នាក់ដល់ប្រជាពលរដ្ឋ៕
ចំនួនអ្នកទស្សនា
- ថ្ងៃនេះ1331
- ម្សិលមិញ5781
- សប្តាហ៍នេះ7121
- ខែនេះ201721
- ឆ្នាំនេះ201721
- សរុប20644177