សម្តេចតេជោ៖ ប្រជាពលរដ្ឋ ត្រូវបើកបរដោយការប្រុងប្រយ័ត្នខ្ពស់ ក្នុងពេលបុណ្យចូលឆ្នាំថ្មី
07-April-2016 | ដោយ មែន កំសត់
កណ្តាល៖ នៅក្នុងឱកាសអញ្ជើញសម្ពោធដាក់ឲ្យប្រើប្រាស់មហាកុដិ «តេជោរ៉ានីរតនៈ»នៅវ ត្តប្រជុំនទី ហៅក្រពើហា នៅក្រុងតាខ្មៅនាព្រឹកថ្ងៃទី០៨ ខែមេសា ឆ្នាំ២០១៦នេះ សម្តេចតេជោ ហ៊ុន សែន បានថ្លែងថា៖ ពេលចូលឆ្នាំ ជាពេលសប្បាយរីករាយ មិនគួរបាត់បង់ជីវិត ឬទៅ នៅក្នុងមន្ទីរពេទ្យធ្វើឲ្យក្រុមគ្រួសារ ទាំងមូលកើតទុក្ខនោះទេ។
គ្រាពិធីបុណ្យចូលឆ្នាំថ្មីប្រពៃណីជាតិ នឹងឈានចូលមកដល់ នៅ ៦ថ្ងៃខាងមុខទៀតនេះ សម្តេចតេជោ ហ៊ុន សែន បានបន្តក្រើនរំលឹក និងអំពាវនាវទៅដល់ប្រជាពលរដ្ឋខ្មែរទាំង ត្រូវបានមានស្មារតីខ្ពស់ក្នុងការបើកបរ ដើម្បីបញ្ចៀសនូវគ្រោះថ្នាក់ផ្សេង ដែលនាំមកនូវភាពសោគសៅ និងខកខានកម្មវិធីជួបជុំសប្បាយជាមួយក្រុមគ្រួសារ និងសាច់ញាតិ។
សម្តេចបានអំពាវនាវយ៉ាងដូច្នេះ «យើងចូលឆ្នាំ គួរតែសប្បាយ មិនគួរពេលចូលឆ្នាំបាត់បង់ជីវិត ហើយធ្វើឲ្យក្រុមគ្រួសារទាំងមូលមិនបានចូលឆ្នាំ បែរជាធ្វើបុណ្យខ្មោចទេ។ យើងចូលឆ្នាំ គួរតែសប្បាយ មិនគួរទៅនៅក្នុងមន្ទីរពេទ្យ ដែលគេកំពុងជួយសង្គ្រោះ ដោយ សារគ្រោះថ្នាក់ចរាចរ ការធ្វេសប្រហែស ដោយមិនគោរពជីវិតខ្លួនឯង និងជីវិតអ្នកដទៃនោះទេ។ សូមអំពាវនាវចំពោះប្រជាពលរដ្ឋយើង មេត្តាគោរពច្បាប់ចរាចរណ៍ និងបើកបរដោយមានការយោគយល់គ្នា ហើយកុំពិសារគ្រឿងស្រវឹង នៅក្នុងពេលបើកបរមិនថាម៉ូតូ ឬឡាននោះទេ»។
ក្នុងឱកាសនោះសម្តេចបានអំពាវនាវដល់រថយន្តតាក់ស៊ី រថយន្តឈ្នួលសូម មេត្តាកុំតម្លើងថ្លៃឲ្យសោះ ទុកឱកាសឲ្យប្រជាពលរដ្ឋពិសេសកម្មករកម្មការនីរោងចក្របានទៅលែងផ្ទះបានសល់ថវិកាធ្វើបុណ្យទានផង និងស្នើសូមដល់សមត្ថកិច្ចអាជ្ញាធរ មេត្តាពិនិត្យហើយបង្កាទប់ស្កាត់មិនឲ្យមានលេងល្បែ្ងជះទឹក លាបម្សៅ បណ្ដាលឲ្យខូចប្រពៃណី ជាតិខ្មែរសណ្ដាប់ធ្នាប់ និងគួរតែលេងល្បែង ប្រជាប្រិយ បោះអង្គញ់ ទាញព្រ័ត្រ ចោលឈូង តែហាមល្បែងស៊ីសងគ្រប់ប្រភេទ បើមានអាជ្ញាធរត្រូវមានវិធានការបង្ក្រាបជាបន្ទាន់៕
ចំនួនអ្នកទស្សនា
- ថ្ងៃនេះ1891
- ម្សិលមិញ5781
- សប្តាហ៍នេះ7681
- ខែនេះ202281
- ឆ្នាំនេះ202281
- សរុប20644737