ថ្នាក់ដឹកនាំ ធនាគារ BIDV ប្រចាំព្រះរាជាណាចក្រកម្ពុជា ជូនពរឆ្នាំថ្មី ដល់អគ្គស្នងការនគរបាលជាតិ
08-April-2016 | ដោយ មែន កំសត់
ភ្នំពេញ ៖ នាព្រឹកថ្ងៃទី0៨ ខែមេសា ឆ្នាំ២០១៦ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានអនុញ្ញាតឲ្យ លោក Nguyen Quang Huy នាយកការិយាល័យ តំណាងធនាគារពាណិជ្ជ វិនិយោគ និងអភិវឌ្ឍ វៀតណាម (BIDV) ប្រចាំព្រះរាជាណាចក្រកម្ពុជា រួមនិងប្រតិភូអមដំណើរ ចូលជួបសំដែងការគួរសម និងជូនពរឆ្នាំថ្មី ប្រពៃណីជាតិខ្មែរ ដល់ថ្នាក់ដឹកនាំអគ្គស្នងការដ្ឋាននគរបាលជាតិ និងកងកម្លាំងនគរបាលទូទាំងប្រទេស។
ក្នុងជំនួបនោះ លោក Nguyen Quang Huy នាយកការិយាល័យ តំណាងធនាគារពាណិជ្ជ វិនិយោគ និងអភិវឌ្ឍ វៀតណាម (BIDV) ប្រចាំព្រះរាជាណាចក្រកម្ពុជា បានថ្លែងអំណរគុណដល់សមត្ថកិច្ចនគរបាលកម្ពុជា ដែលកន្លងមកបានជួយថែក្សាការពារសុវត្ថិភាព សន្តិសុខ សណ្តាប់ធ្នាប់បានល្អ ហើយនៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំវក អត្ថស័ក ព.ស ២៥៦០ ដែលខិតជិតចូលមកដល់នៅពេលឆាប់ៗខាងមុខនេះ សូមគោរពជូនពរ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងថ្នាក់ដឹកនាំទាំងអស់ នៃអគ្គស្នងការដ្ឋាននគរបាលជាតិ ព្រមទាំងកងកម្លាំងនគរបាល ទូទាំងប្រទេស សូមទទួលបានសុខភាពល្អ កម្លាំងពលំមាំមួន ឈ្នះអស់មារសត្រូវ និងសម្រេចបានជោគជ័យគ្រប់ភារកិច្ច ដែលក្រសួងមហាផ្ទៃ និងរាជរដ្ឋាភិបាលកម្ពុជាប្រគល់ជូន។
ក្នុងជំនួបនោះដែរ ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានមានប្រសាសន៍ថា ធនាគារពាណិជ្ជ វិនិយោគ និងអភិវឌ្ឍ វៀតណាម (BIDV) គឺជាធនាគារដ៏ធំមួយ ក្នុងចំណោមធនាគារធំៗជាច្រើននៅកម្ពុជា ហើយធនាគារ (BIDV) មួយនេះ ក៏បានដើរតួយ៉ាងសំខាន់ក្នុងការអភិវឌ្ឍធ្វើឲ្យប្រទេសកម្ពុជាមានកំណើនសេដ្ឋកិច្ច៧ភាគរយ។
ឯកឧត្តម នាយឧត្តមសេនីយ៍ នេត សាវឿន បានមានប្រសាសន៍ទៀតថា សមត្ថកិច្ចនគរបាលកម្ពុជា នៅតែបន្តសហការគ្នាល្អជាមួយធនាគារ (BIDV) ក្នុងការរក្សាសុវត្ថិភាព សន្តិសុខ សណ្តាប់ធ្នាប់ រួមនឹងមន្ត្រីបុគ្គលិករបសើធនាគារផងដែរ។
ឯកឧត្តមអគ្គស្នងការនគរបាលជាតិ ក៏បានជូនពរដល់ លោក Nguyen Quang Huy នាយកការិយាល័យ តំណាងធនាគារពាណិជ្ជ វិនិយោគ និងអភិវឌ្ឍ វៀតណាម (BIDV) ប្រចាំព្រះរាជាណាចក្រកម្ពុជា រួមនឹងមន្ត្រីបុគ្គលិក នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំវក អត្ថស័ក ព.ស ២៥៦០ ដែលខិតជិតចូលមកដល់នៅពេលឆាប់ៗខាងមុខនេះ សូមឲ្យមានសុខភាពល្អ និងទទួលបានការគាំទ្រយ៉ាងច្រើនពីអតិថិជន ៕
ចំនួនអ្នកទស្សនា
- ថ្ងៃនេះ2461
- ម្សិលមិញ5781
- សប្តាហ៍នេះ8251
- ខែនេះ202851
- ឆ្នាំនេះ202851
- សរុប20645307