នគរបាលអន្តោប្រវេសន៍ ប្រកាសទុកពេល ឲ្យជនបរទេសអន្តោសប្រវេសន៍បង្ហាញឯកសាររដ្ឋបាល
21-April-2016 | ដោយ មែន កំសត់
ភ្នំពេញ ៖ នគរបាលអន្តោប្រវេសន៍ ក្រសួងមហាផ្ទៃ ប្រកាសទុកពេលវេលាឲ្យជនបរទេសអន្តោសប្រវេសន៍ដែលកំពុងស្នាក់ជាយូរមកហើយ នៅក្នុងខណ្ឌចំនួន៨ក្នុងរាជធានីភ្នំពេញមកបង្ហាញឯកសាររដ្ឋបាល និងលិខិតស្នាមនានាទៀត ពិសេសប័ណ្ណជំរឿនជនបរទេសអន្តោប្រវេសន៍ឆ្នាំ២០០២ ប៣របស់ខ្លួន ហើយបើផុតរយៈពេល១០ថ្ងៃនេះទៅ បើជនបរទេសអន្តោប្រវេសន៍ណាមិនមកបង្ហាញឯកសារនិងលិខិតស្នាមណានោះទេ នគរបាល នឹងតាមចាត់វិធានការឃាត់ខ្លួនបណ្ដេញជនបរទេសនោះទៅប្រទេសដើមកំណើតវិញ។ នៅពិធីប្រកាសសមាសភាពមន្ត្រីចុះជំរឿនជនបរទេសអន្តោប្រវេសន៍នៅក្នុងខណ្ឌចំនួន៨នៅក្នុងរាជធានីភ្នំពេញ នាព្រឹកថ្ងៃទី២០ ខែមេសានេះ ឧត្តមសេនីយ៍ឯក ឃុន សំបូរ អគ្គនាយករងអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានថ្លែងថា៖ ការចុះចាត់វិធានការចុះជំរឿនស្ថិតិជនបរទេសអន្តោប្រវេសន៍ បានធ្វើឡើងដើម្បីបង្កើនវិធានការគ្រប់គ្រងជនបរទេសអន្តោប្រវេសន៍ស្នាក់នៅក្នុងកម្ពុជាឲ្យមានភាពត្រឹមត្រូវ គ្រប់គ្រងឲ្យជនបរទេសអន្តោប្រវេសន៍មកបង់ពន្ធអាករឲ្យបានត្រឹមត្រូវឡើងវិញ និងការចាត់វិធានការជនបរទេសមកស្នាក់នៅកម្ពុជាខុសច្បាប់៕
ចំនួនអ្នកទស្សនា
- ថ្ងៃនេះ1421
- ម្សិលមិញ3961
- សប្តាហ៍នេះ11181
- ខែនេះ205781
- ឆ្នាំនេះ205781
- សរុប20648237