សម្ដេចតេជោ ហ៊ុន សែន បង្ហាញមោទនភាពចំពោះការកែទម្រង់គណៈរដ្ឋមន្ត្រីដោយជោគជ័យ
22-April-2016 | ដោយ មែន កំសត់
ភ្នំពេញ ៖ ថ្លែងនៅវិមានសន្តិភាព ទីស្ដីការនាយករដ្ឋមន្ត្រី នាព្រឹកថ្ងៃទី២២ខែមេសា ក្នុងឱកាស អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី ,សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបង្ហាញពីមោទនភាព នៃការកែទម្រង់គណៈរដ្ឋមន្ត្រីដោយជោគជ័យ ដោយសម្ដេចបានមានប្រសាសន៍ថា រដ្ឋមន្ត្រីទាំងឡាយដែលបានកែសម្រួលរួចហើយនោះ គឺដឹងអំពីភារកិច្ចរបស់ខ្លួនហើយ ហើយសម្ដេចក៏បានបង្ហាញនូវការរីករាយ ចំពោះបុណ្យចូលឆ្នាំថ្មី ប្រពៃណីជាតិខ្មែរ នារយៈពេលកន្លងមកថ្មីៗនេះថា ទោះបីអាកាសធាតុក្តៅបន្តិចក៏ដោយ ប៉ុន្តែ ប្រជាពលរដ្ឋរបស់យើងមានការសប្បាយរីករាយ ពោរពេញដោយសន្តិសុខល្អ ។
ក្រៅពីនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏បានប្រកាសអំពីរបៀបវារៈដែលត្រូវលើកយកមកពិភាក្សានៅថ្ងៃនេះ រួមមាន៖
១.សេចក្តីព្រាងច្បាប់ស្ដីពីយុត្តិធម៌អនីតិជន។
២.សេចក្តីព្រាងផែនការមេឆ្ពោះទៅការធ្វើជាម្ចាស់ផ្ទះ ការប្រកួតកីឡាអាស៊ីអាគ្នេយ៍(SEA Games) លើកទី៣២ឆ្នាំ២០២៣(២០១៦–២០២៣)។
៣.បញ្ហាផ្សេងៗ៖ សំណើសុំការយល់ព្រមពីគណៈរដ្ឋមន្ត្រីដើម្បីសុំសច្ចាប័នពីស្ថាប័ន នីតិប្បញ្ញត្តិលើ «កិច្ចព្រមព្រៀង រវាងរដ្ឋាភិបាលនៃព្រះរាជាណាចក្រកម្ពុជា និង រដ្ឋាភិបាលហុងគ្រី ស្ដីពីការជំរុញ និងការការពារទៅវិញ ទៅមក នៃវិនិយោគ»៕
ចំនួនអ្នកទស្សនា
- ថ្ងៃនេះ1361
- ម្សិលមិញ3961
- សប្តាហ៍នេះ11121
- ខែនេះ205721
- ឆ្នាំនេះ205721
- សរុប20648177