អគ្គស្នងការនគរបាលជាតិ ប្រកាសឲ្យបណ្តាម្ចាស់ សំណង់ត្រូវពិនិត្យសម្រាប់ការងារត្រៀមបង្ការពន្លត់អគ្គិភ័យ
25-April-2016 | ដោយ មែន កំសត់
ភ្នំពេញ៖ ឯកឧត្តម នាយឧត្តមសេនីយ សួស អង្គារ៍ អគ្គស្នងការរងនគរបាលជាតិ បានប្រកាសឲ្យបណ្តាម្ចាស់ សំណង់អាគារ រោងចក្រធំៗ និងផ្ទះស្នាក់នៅធំៗទាំងអស់ ត្រូវគិតគូរពិនិត្យឡើងវិញដាក់បំពង់ទឹកស្តង់ដារ សម្រាប់ការងារត្រៀមបង្ការពន្លត់អគ្គិភ័យ នៅពេលគ្រោះថ្នាក់នោះកើតឡើងដោយចៃដន្យនៅថ្ងៃខាងមុខ។
នៅក្នុងកិច្ចប្រជុំផ្សព្វផ្សាយទិសដៅសន្និបាត ឆ្នាំ២០១៦ របស់អគ្គស្នងការដ្ឋាននគរបាលជាតិ នាព្រឹកថ្ងៃទី២៥ ខែមេសា ឆ្នាំ២០១៦នេះ នៅអគ្គស្នងការដ្ឋាននគរបាលជាតិ ឯកឧត្តម នាយឧត្តមសេនីយ សួស អង្គារ៍ បានថ្លែង បញ្ជាក់ថា៖ ការប្រកាសឲ្យបណ្តាម្ចាស់សំណង់អាគារ ម្ចាស់សហគ្រាស រោងចក្រ ដាក់ពង្រាយរៀបចំប្រព័ន្ធ បច្ចេកទេសបំពង់ទឹកពន្លត់អគ្គិភ័យនោះ បានធ្វើឡើងបន្ទាប់ពីក្នុងរយៈពេលប៉ុន្មានខែចុងក្រោយនេះ ក្រុមការងារ ជំនាញបានចុះពិនិត្យឃើញថា បច្ចុប្បន្នមានសំណង់អាគារចាស់ និងសំណង់អាគារដែលទើបសាងសង់ថ្មីជាច្រើន សាងសង់ឡើងដោយមិនបានគិតគូរ និងបំពាក់បំពង់ពន្លត់អគ្គិភ័យនោះឡើយ៕
ចំនួនអ្នកទស្សនា
- ថ្ងៃនេះ2051
- ម្សិលមិញ3961
- សប្តាហ៍នេះ11811
- ខែនេះ206411
- ឆ្នាំនេះ206411
- សរុប20648867