សម្តេចចៅហ្វាវាំង គង់ សំអុល ផ្តល់អំណោយមនុស្សធម៌ ដល់គ្រួសាររងគ្រោះអគ្គីភ័យ
26-April-2016 | ដោយ មែន កំសត់
កំពង់ឆ្នាំង ៖ ប្រជាពលរដ្ឋដែលរងគ្រោះ ដោយសារអគ្គីភយ័ ឆេះអស់ផ្ទះសម្បែង ១៥ខ្នងផ្ទះ ស្មើ ២៣គ្រួសារ បានទទួលអំណោយ ដោយផ្ទាល់ដៃ ពីសម្តេចចៅហ្វាវាំង គង់ សំអុល ឧបនាយករដុ្ឋមន្ត្រី និងជារដ្ឋមន្ត្រី ព្រះបរមរាជវាំង អមដំណើរដោយឯកឧត្តម គុយ សុផល និងសហការរី ។ ពីធីនេះធ្វើឡើង ដោយមានការចូលរួម ពីឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង លោកជំទាវ កែវ ចន្ទ័មុន្នី អ្នកតំណាងរាស្ត្រមណ្ឌលកំពង់ឆ្នាំង និងប្រតិភូអមដំណើរ កាលពីថ្ងៃទី២៥ ខែមេសា ឆ្នាំ២០១៦ ខណះដែលបងប្អូន ជួបប្រទះនូវ ការខ្វះខាត។
លោក ហៃ មនោរម្យ អភិបាល ក្រុងកំពង់ឆ្នាំង បានរាយការណ៍ថា អគ្គីភ័យមួយ បានកើតឡើង ក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង បណ្តាលអោយផ្ទះ ១៥ខ្នង ដែលមានប្រជាពលរដ្ឋ រស់នៅចំនួន ២៣គ្រួសារ បានឆេះខ្ទេចទាំងស្រុង។ ចំពោះមូលហេតុវិញ គឺមានប្រភព២ ទី១.គឺបណ្តាលមកពី ផ្ទះឆ្អើរត្រី និងទី២ បណ្តាលមកពី ផ្ទះមួយខ្នងគ្មានមនុស្សនៅ ហើយមានក្មេង ទៅលេងនៅក្រោមផ្ទះ ដុតសំរាមលេង ដែលពេលនេះ សមត្ថកិច្ចកំពុង ធ្វើការស្រាវជ្រាវ។ ក្នុងការជួយពន្លត់ អគ្គីភ័យនេះ ក្រៅពីរថយន្ត របស់ស្នងការដ្ឋាន នគរបាលខេត្ត ចំនួន ៣គ្រឿង នៅមានរថយន្ត របស់មន្ទីរសាធារណការចំនួន ២គ្រឿងទៀត បានដឹកជញ្ជួនទឹកសរុប ៨៥ជើង ក៏នៅមានប្រជាពលរដ្ឋ ជួយបាញ់ទឹក ពន្លត់ផងដែរ។ ចំពោះការខូចខាតវិញ គឺប្រមាណ ជាង ២២ម៉ឺនដុល្លា និងប្រាក់ខ្មែរ ជាង ២២លាន រៀល ។
សម្តេចចៅហ្វាវាំង គង់ សំអុល ឧបនាយករដុ្ឋមន្ត្រី និងជារដ្ឋមន្ត្រី ព្រះបរមរាជវាំង បានពាំនាំនូវ ព្រះរាជបណ្តាំ និងព្រះទ័យរំលែកទុក្ខ របស់ព្រះមហាក្សត្រីយ៍ និងព្រះមហាក្សត្រ នៃព្រះរាជណាចក្រកម្ពុជា ជូនដល់បងប្អូនប្រជាពលរដ្ឋ រងគ្រោះទាំង ២៣គ្រួសារ ដែលអគ្គីភ័យបាន ឆេះផ្ទះ អស់ ១៥ខ្នង កាលពីពេលកន្លងទៅ។ ក្នុងនាម សម្តេច ជាអ្នកតំណាងរាស្ត្រ មណ្ឌលកំពង់ឆ្នាំង ក៏សូមចូលរួមសោកស្តាយបំផុត ចំពោះការបាត់បង់ទ្រព្យសម្បត្តិ និងផ្ទះសំបែង របស់បងប្អូន ដោយសារ អគ្គីភ័យ កាលពីពេលកន្លងទៅ។ ទោះថា អំណោយ ដែលត្រូវចែកជូនបងប្អូន ក្នុងពេលនេះ វាមិនច្រើន សាកសម ទៅនិងការបាត់បង់ របស់បងប្អូន ដែលជួប គ្រោះអគ្គីភ័យ នេះក៏ពិតមែន តែវាបានជួយ សម្រាលទុក្ខលំបាក របស់ប្អូនបានមួយគ្រាដែរ ខណះដែលបងប្អូន កំពង់ជួបការលំបាក ។ សម្តេចក៏បានផ្តាំផ្ញើ ដល់បងប្អូន ប្រជាពលរដ្ឋ ទាំងអស់សួមបង្កើន ការប្រុងប្រយ័ត្ន ពីបញ្ហាអគ្គីភ័យនេះ ដោយត្រូវប្រយ័ត្ន ពីភ្លើងចង្ក្រាន ពីខ្យែភ្លើង និងពីការឆ្អើរត្រីជាដើម ។
អំណោយដែលសម្តេច នាំមកចែកជូនបងប្អូន ប្រជាពលរដ្ឋរងគ្រោះ ក្នុងថ្ងៃនេះក្នុង ១គ្រួសារ ទទួលបាន អង្ករ ៥០ គីឡូក្រាម មី ១កេស កន្ទេលជ័រ១, ទឹកស៊ីអ៊ីវ ១យួរ, ឃីត ១កញ្ចប់ ក្នុងនោះមានមុង១ ភួយ១ សារ៉ុង១ ក្រមា១ និងថវិកា ១៧ម៉ឺនរៀល ក្នុងនោះរបស់សម្តេច ១០ម៉ឺនរៀល និងរបស់ ឯកឧត្តម គុយ សុផល ទេសរដ្ឋមន្ត្រី ព្រះបរមរាជវាំង ៧ម៉ឺនរៀល ។ ក្រៅពីនោះក៏មាន សប្បុរសជននានា បានចូលរួម ឧបត្ថម្ភ ថវិការផ្ទាល់ដៃដល់ គ្រួសាររងគ្រោះ ដោយអគ្គីភ័យនេះផងដែរ ៕
ចំនួនអ្នកទស្សនា
- ថ្ងៃនេះ3181
- ម្សិលមិញ3961
- សប្តាហ៍នេះ12941
- ខែនេះ207541
- ឆ្នាំនេះ207541
- សរុប20649997