សម្ដេចតេជោ ព្រមានគណបក្សនយោបាយ កុំឱ្យឆ្លៀតកេងចំណេញ លើបញ្ហាគ្រោះរាំងស្ងួត
28-April-2016 | ដោយ មែន កំសត់
ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានព្រមានដល់គណបក្សនយោបាយ នៅកម្ពុជា កុំឱ្យឆ្លៀតឱកាសយកបញ្ហាគ្រោះរាំងស្ងួតនៅកម្ពុជា នាពេលនេះ ដើម្បីកេងចំណេញនយោបាយឱ្យសោះ។
ការព្រមានជាថ្មីរបស់សម្តេចតេជោ ហ៊ុន សែន បានធ្វើឡើងនៅក្នុងពិធីចែកសញ្ញាបត្រ ដល់និស្សិតសាកលវិទ្យាល័យធនធានមនុស្ស នាព្រឹកថ្ងៃទី២៨ ខែមេសា ឆ្នាំ២០១៦នេះ។
សម្តេចតេជោ ហ៊ុន សែន បានលើកឡើងថា កន្លងមកនៅពេលដែលកម្ពុជាជួបបញ្ហាគ្រោះធម្មជាតិ ក្រុមអ្នកនយោបាយទាំងនោះ តែងនិយាយវាយប្រហារថា មកពីបញ្ហាកាប់ព្រៃឈើ។ ប៉ុន្តែសម្តេចថា បញ្ហានេះមិនមែនមានតែកម្ពុជាទេ ប្រទេសផ្សេងទៀត ជាពិសេសឥណ្ឌា ក៏មានបញ្ហារាំងស្ងួតដូចគ្នា រហូតដល់មានមនុស្សស្លាប់ថែមទៀត។
សម្តេចបានពន្យល់ថា បញ្ហាគ្រោះធម្មជាតិ គឺជាបញ្ហាពិភពលោក មិនមែនប្រទេសណាមួយនោះទេ។ ជាមួយគ្នានេះ សម្តេចបានស្នើឱ្យគណបក្សដែលឆ្លៀតវាយប្រហារទាំងនោះ ចូលរួមក្នុងការដោះស្រាយបញ្ហាខ្វះទឹក ជូនប្រជាពលរដ្ឋវិញ៕
ចំនួនអ្នកទស្សនា
- ថ្ងៃនេះ3751
- ម្សិលមិញ3961
- សប្តាហ៍នេះ13511
- ខែនេះ208111
- ឆ្នាំនេះ208111
- សរុប20650567