ឱម យ៉ិនទៀង ប្រកាសស្វែងអ្នកមកជំនួស តំណែងកូនប្រុសលោកទាំង២ ដែលទើបនឹងតែងតាំង បើសិនប្រឡងឈ្នះ
29-April-2016 | ដោយ មែន កំសត់
ភ្នំពេញ៖ ឆ្លើយតបនឹងការរិះគន់ទាំងឡាយ របស់មជ្ឈដ្ឋានជាច្រើន តាមបណ្តាញសារព័ត៌មាន និងតាមបណ្តាញ Facebook ស្តីពីការ តែងតាំងកូនប្រុសទាំង២នាក់ របស់លោកជាឧបការី នៅក្នុងអង្គភាព ប្រឆាំងអំពើពុករលួយនោះ នៅថ្ងៃនេះ ឯកឧត្តមទេសរដ្ឋមន្ត្រី ឱម យ៉ិនទៀង បានចេញមកប្រកាសស្វែងអ្នកដែលមានសមត្ថភាព ជាងកូនប្រុសទាំង២នាក់ របស់លោក។
ឯកឧត្តម ឱម យ៉ិនទៀង បានបញ្ជាក់ថា ប្រើសិនអ្នកណាក៏ដោយ អាចប្រឡងឈ្នះកូនប្រុសលោកទាំង២នាក់ នោះតំណែងនឹងប្រគល់ជូន អ្នកនោះភ្លាម។
ឯកឧត្តមទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ បានថ្លែងប្រាប់ក្រុមសារព័ត៌មាននៅថ្ងៃទី២៩ ខែមេសា ឆ្នាំ២០១៦ នេះថា កូនប្រុសទាំង២នាក់ របស់លោកមានជំនាញ៣យ៉ាង រួមមាន ភាសាអង់គ្លេស បាញ់ស្នេប (Sniper) និងការស៊ើបអង្កេត។
សូមបញ្ជាក់ថា នៅថ្ងៃទី២៣ ខែមេសា ឆ្នាំ២០១៦កន្លងទៅ ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់បង្គាប់តែងតាំង និងផ្តល់ឋានៈឧបការី នៃអង្គភាពប្រឆាំងអំពើពុករលួយ (ACU) ចំនួន១៨រូប ឲ្យមានឋានៈស្មើអគ្គនាយក អនុរដ្ឋលេខាធិការ រដ្ឋលេខាធិការ និងរដ្ឋមន្ត្រីផងដែរ។ ក្នុងនោះមានមន្ត្រី២នាក់ ជាកូនប្រុសបង្កើតរបស់លោក ឱម យ៉ិនទៀង រួមមាន ឈ្មោះ យ៉ិនទៀង ពុទ្ធារិទ្ធ ឋានៈស្មើរដ្ឋលេខាធិការ និងឈ្មោះ យ៉ិនទៀត ពុទ្ធារ៉ា ឋានៈស្មើអនុរដ្ឋលេខាធិការ៕
ចំនួនអ្នកទស្សនា
- ថ្ងៃនេះ3571
- ម្សិលមិញ3961
- សប្តាហ៍នេះ13331
- ខែនេះ207931
- ឆ្នាំនេះ207931
- សរុប20650387