​ភ្នំពេញ​៖ នៅ​ថ្ងៃទី​១០ ខែឧសភា ឆ្នាំ​២០១៦​នេះ ក្រសួង​មុខងារសាធារណៈ បានចេញ​សេចក្តីជូនដំណឹង​មួយ​ជុំវិញ​ការគ្រប់គ្រង វត្តមាន​មន្ត្រីរាជការ និង​មន្ត្រី​ជាប់កិច្ចសន្យា នៅ​គ្រប់​ស្ថាប័ន​ទាំងអស់​។​

​សេចក្តីជូនដំណឹង​ដដែល បានបញ្ជាក់​ឲ្យ​ដឹងថា «​ក្រសួង​មុខងារសាធារណៈ សូម​ជូនដំណឹង​ដល់​ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិកា​គ្រប់គ្រង​ស្ថាប័ន​ទាំងអស់​ថា ដើម្បី​ចូលរួម​គ្រប់គ្រង​វត្តមាន​ការងារ​ពិតប្រាកដ របស់​មន្ត្រីរាជការ​ស៊ីវិល និង មន្ត្រី​ជាប់កិច្ចសន្យា នៅតាម​ស្ថាប័ន​ទាំងអស់ មេត្តា​ជំរុញ​ឲ្យ​ប្រធាន​អង្គភាព​គ្រប់គ្រង​ផ្ទាល់ អនុវត្ត​ប្រព័ន្ធគ្រប់គ្រង​វត្តមាន មន្ត្រី រាជការ និង​មន្ត្រី​ជាប់កិច្ចសន្យា នៅតាម​អង្គភាព នីមួយៗ​ឲ្យ​បាន​គ្រប់​ជ្រុងជ្រោយ​អនុលោម​តាម​លិខិតបទដ្ឋាន​គតិយុត្ត​ពាក់ព័ន្ធ​»៕

​