សម្ដេចក្រឡាហោមព្រមានដាក់ពិន័យ ឬដកស័ក្ដិស្នងការខេត្តណា ដែលបែងចែកប្រាក់រង្វាន់ផាកពិន័យចរាចរណ៍មិនច្បាស់លាស់
16-May-2016 | ដោយ មែន កំសត់
ភ្នំពេញ ៖ សម្ដេចក្រឡាហោមស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃបានព្រមានខ្លាំងៗដល់បណ្ដាស្នងការ នគរបាលខេត្តទូទាំងរាជធានី-ខេត្ត ឲ្យយកចិត្តទុកដាក់ពង្រឹងលើការចែកប្រាក់រង្វាន់ដល់មន្ដ្រីនគរបាល ទាំងឡាយដែលបានផាកពិន័យលើអ្នកប្រព្រឹត្តខុសច្បាប់ចរាចរណ៍ បើពុំនោះសោតទេអាចនឹងត្រូវដាក់ពិន័យ ឬដកស័ក្ដិ។ ការព្រមាននេះ បានធ្វើឡើងក្នុងឱកាសដែលសម្ដេចបានអញ្ជើញជាអធិបតីក្នុងអង្គមិ ទ្ទិញខួបអនុស្សាវរីយ៍លើកទី៧១ នៃថ្ងៃកំណើតនគរបាលជាតិកម្ពុជា នាទីស្តីការក្រសួងមហាផ្ទៃ នៅព្រឹកថ្ងៃទី១៥ ខែឧសភា ឆ្នាំ២០១៦ នេះ។
ក្រៅពីការថ្លែងកោតសរសើរ ដល់ស្នាដៃនៃការបំពេញតួនាទី ភារកិច្ចរបស់ខ្លួនរាប់មិនអស់ ក្នុងស្មារតីទទួលខុសត្រូវខ្ពស់ ការពារឯករាជ្យអធិបតេយ្យភាពជាតិ បូរណភាពទឹកដីនិងសន្ដិសុខជូនប្រជាពលរដ្ឋនោះ សម្ដេចក្រឡាហោមស ខេង ក៏ប្រើសម្ដីម៉ាត់ៗ ច្បាស់ៗបញ្ជាក់ព្រមានដល់បណ្ដាស្នងការនគរបាលខេត្តទូទាំងរាជធានី- ខេត្ត និងអង្គភាពពាក់ព័ន្ធត្រូវធ្វើកិច្ចការងារបែងចែកប្រាក់រង្វាន់ដល់ មន្ដ្រីនគរបាលដែលបានធ្វើការងារផាកពិន័យចរាចរណ៍ឲ្យបានច្បាស់លាស់ ដើម្បីកុំឲ្យមានបញ្ហា។
សម្ដេចក៏បានបញ្ជាឲ្យ ក្រុមការងារនៃ អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃចុះស្រាវជ្រាវលើករណីបែងចែកថវិកាប្រាក់រង្វាន់ជូនដល់ កងកម្លាំង នគរបាលចរាចរណ៍ក្នុងរបបបីខែម្ដង កន្លងមកឡើងវិញ ហើយករណីរកឃើញថា បណ្ដាមន្ត្រីនគរបាល និងស្នងការនគរបាលខេត្តនោះ មានបានបែងចែកថវិកាត្រឹមត្រូវ សម្ដេចអាចនឹងស្នើឲ្យមានដំឡើងឋានន្តរស័ក្ដិ ប៉ុន្តែករណីរកឃើញថា បែងចែកមិនយុត្តិធម៌នោះក៏អាចនឹងដាក់ពិន័យ ឬស្នើបន្ថយឋានន្តរស័ក្ដិវិញដែរ។
សម្ដេចបាន មានប្រសាសន៍ថា “ខ្ញុំបញ្ជាឲ្យសវនកម្មទៅត្រួតពិនិត្យនៅកន្លែងមួយចំនួន ព្រោះវាងាយណាស់ អស់លោកស្នងការរាយការណ៍មកថាបើករួចរាល់អស់ហើយ ប៉ុន្តែការបើកនោះខ្ញុំមិនបានណែនាំអីចឹងទេ។ ខ្ញុំអត់បានណែនាំឲ្យបើករបៀបហ្នឹងទេ។ ខ្ញុំបានណែនាំថាឲ្យចូលក្នុងកុងធនាគាររួចហើយ ឲ្យម្នាក់ៗមានលេខកុងធនាគារ រួចទោះបើកដោយខ្លួនឯង ទៅធ្វើអត់កើត។ សវនកម្មទៅកន្លែងណាខ្ញុំអត់ប្រាប់ទេ ខ្ញុំចុចឲ្យធ្វើប៉ុន្មានខេត្ត ឲ្យខ្ញុំ សវនកម្មត្រៀមខ្លួនចុះ ហើយបើរកទៅឃើញត្រឹមត្រូវ ខ្ញុំឲ្យរង្វាន់ ត្រូវឡើងស័ក្តិ ឡើងស័ក្តិឲ្យ ហើយកន្លែងណាមធ្វើមិនត្រូវមិនត្រឹមតែមិនបានរង្វាន់ និងឡើងស័ក្តិទេ អាចនឹងត្រូវពិន័យ និងថយសិក្ត័ទៀត”៕
ចំនួនអ្នកទស្សនា
- ថ្ងៃនេះ3471
- ម្សិលមិញ4001
- សប្តាហ៍នេះ21061
- ខែនេះ215661
- ឆ្នាំនេះ215661
- សរុប20658117