ក្រសួងព័ត៌មានមានគម្រោងផ្តល់ប័ណ្ណសសើរដល់ប្រព័ន្ធផ្សព្វផ្សាយ ពិធីករ-ពិធីការិនី
17-May-2016 | ដោយ មែន កំសត់
ភ្នំពេញ៖ខណៈដែលកំណើននៃប្រជាជន កម្ពុជាសេពគ្រឿងស្រវឹងកាន់តែច្រើននោះមន្ត្រីជាន់ខ្ពស់នៃក្រសួង ព័ត៌មាន បានអោយដឹងថា ក្រសួងមានគម្រោងផ្តល់បណ្ណសសើរដល់ប្រព័ន្ធផ្សាយដល់ពិធីករ-ពិធីការិនីរូបណាដែលបាននិយាយពីការគ្រោះថ្នាក់ពីការគ្រោះថ្នាក់នៃការសេពសុរាជូនដល់ទស្សនិកជន។
មន្ត្រីក្រសួងក្រសួងព័ត៌មាន បានប្រកាសថា ក្រសួងព័ត៌មានមានគម្រោងចេញប័ណ្ណសើសើរដល់ប្រព័ន្ធផ្សព្វផ្សាយនិងពិធីករ-ពិធីការិនីរូបណាដែលបានចូលរួមផ្សព្វផ្សាយស្តីពីការគ្រោះថា្នក់នៃការសេពគ្រឿងស្រវឹងក្នុងប្រទេសកម្ពុជា។
នៅក្នុងកិច្ចប្រជុំជាមួយតំណាងប្រព័ន្ធផ្សព្វផ្សាយ ពិធីករ-ពិធី ការិនី និងអ្នកសារព័ត៌មាន នៅទីស្តីការក្រសួង នៅថ្ងៃទី១៦ ខែឧសភា នេះ លោក ជាច័ន្ទបរិបូណ៍ រដ្ឋលេខាធិការក្រសួងព័ត៌មានបានថ្លែងថា ទាំងប្រព័ន្ធផ្សព្វផ្សាយ ពិធិករ ពិធីការិនី និងអ្នកសារព័ត៌មានមានសារៈសំខាន់ណាស់ក្នុងការចូលរួមកាត់បន្ថយហានិភ័យ នៃការគ្រោះថ្នាក់ពីការសេពគ្រឿងស្រវឹងរបស់ប្រជាជនកម្ពុជា។
លោកបន្តថា ដោយមើលឃើញពីការគ្រោះថ្នាក់នេះ ចាប់ពីពេលនេះទៅ ក្រសួងនឹងមានវិធានការរៀបចំក្រុមបច្ចេកទេសដើម្បីត្រួតពិនិត្យ និងវាយតំលៃចំពោះប្រព័ន្ធផ្សព្វផ្សាយទាំងវិទ្យុ និងទូរទស្សន៍ ដែលបានចួលរួមអនុវត្តសេចក្តីប្រកាសរបស់ក្រសួងស្តីពីការកំណត់ម៉ោង ពាណិជ្ជកម្មស្រាបៀរ។
លោកបន្ថែមថា ការផ្សព្វផ្សាយពណិជ្ជកម្មផលិតផលគ្រឿងស្រវឹងនៅក្នុងប្រទេសកម្ពុជា បានជះទ្ធិពលមិនល្អដល់យុវជន សិស្ស និងនិស្សិតអាចនឹងឈានទៅប្រឡូកក្នុងការសេពគ្រឿងស្រវឹងយ៉ាងឆាប់រ ហ័យ។ ហើយលោក បានស្នើរដល់បណ្តាប្រពន្ធផ្សព្វផ្សាយទាំងអស់ត្រូវផ្សាយពីហានិភ័យនៃ ការសេពគ្រឿងស្រវឹងនេះអោយបានច្រើន។
លោកវិជ្ជបណ្ឌិត យិល ដារ៉ាវុធ តំណាងអង្គការសុខភាពពិភពលោក បានថ្លែងអោយដឹងថា គ្រឿងស្រវឹងគឺជាមូលហេតុចំបងដែលបណ្តាអោយមានអ្នកស្លាប់នៅលើពិភពលោក ប្រមាណជា ២.៥លាននាក់ក្នុង មួយឆ្នាំៗ និងបង្កអោយមានជម្ងឺប្រមាណ២០០មុខ រូមមានជំងឺមហារីកបំពង់អាហារ មហារីថ្លើម ជំងឺលើសសម្ពាធឈាម និងដាច់សរសៃឈាមជាដើម។
លោកបន្តថា ក្រៅពីនោះគ្រឿងស្រវឹងក៏ជាដើមហេតុនាំអោយមានអំពើហិង្សាក្នុង គ្រួសារ គ្រោះថ្នាក់ចរាចរណ៍ ហើយធ្វើអោយប្រទេសកម្ពុជាបាត់បង់ធនធានមនុស្សប្រមាណជា ២០០០នាក់ជារៀងរាល់ឆ្នាំ និងខាតបង់ថវិកាចំនួន៤៤លានដុល្លាសហរដ្ឋអាមេរិក៕
ចំនួនអ្នកទស្សនា
- ថ្ងៃនេះ3451
- ម្សិលមិញ4001
- សប្តាហ៍នេះ21041
- ខែនេះ215641
- ឆ្នាំនេះ215641
- សរុប20658097