ខ្មែរឥស្លាម២០០នាក់ជួបជុំនៅវិហារបឹងកក់ប្រឆាំងនឹងការពុះដីវិហារធ្វើផ្លូវ
21-May-2016 | ដោយ មែន កំសត់
ភ្នំពេញ៖នៅរសៀលថ្ងៃទី២០ ខែឧសភានេះ ប្រជាពលរដ្ឋខ្មែរឥស្លាមប្រមាណជាង២០០នាក់ បានមកធ្វើកាប្រមូលផ្តុំគ្នានៅវិហារចាម នៅក្នុងតំបន់បឹងកក់ដើម្បីតវ៉ាប្រឆាំងនឹងការធ្វើផ្លូវពុះដីវិហារ អាល់សារកាល។ បន្ទាប់ពីធ្វើពិធីគោរពបួងសួងនៅក្នុងព្រះវិហារ រួច ពួកគាត់បាននាំគ្នាធ្វើរបងបិទត្រង់ចំណុចដែលគេគ្រោងពុះដីធ្វើ ផ្លូវកាត់ក្នុងព្រះវិហារ។ នៅក្នុងការប្រមូលផ្តុំតវ៉ានេះគឺមិនមានការប៉ះទង្គិចគ្នានោះទេ។ ហើយពួកគាត់បាននាំគ្នាផ្តិតមេដៃដើម្បីស្នើឲ្យលុបចោលគំរោងធ្វើផ្លូវ កាត់ក្នុងព្រះវិហារ។ នៅក្នុងការតវ៉ានេះ គឺឃើញមានវត្តមានលោកអះម៉ាត់ យះយ៉ា ចូលរួមផងដែរ។
លោកអះ ម៉ាត់ យះយ៉ា បានថ្លែងថាការកាត់ដីអ្វីក៏ដោយ មិនមែនលោកសុះ មុសិន លោកឧស្មាន់ ហាសាន់ ជាអ្នកសម្រេចទេ។ដីព្រះវិហារជាដីរួម ដីបងប្អូនទាំងអស់ ធ្វើអ្វីត្រូវសួរប្រជាពលរដ្ឋសិន។លោកបន្តថា អត់មានអ្នកណាហ៊ានសម្រេចកិច្ចការអ្វីទាំងអស់។
ពាក់ព័ន្ធ នឹងភាពចម្រូងចម្រាសនៃការសង់ផ្លូវកាត់ដីរបស់ព្រះវិហារនេះ តុលាការបានកោះហៅលោកអះម៉ាត់យ៉ះយ៉ា រដ្ឋលេខាធិការក្រសួងសង្គមកិច្ចឲ្យចូលមកតុលាការកាលពីរសៀលថ្ងៃទី១០ ខែឧសភាឆ្នាំ២០១៦ដើម្បីសាកសួរពីដំណើររឿងបរិហារកេរ្តិ៍ឧកញ៉ាឧស្មាន ហាស្សាន់ រដ្ឋលេខាធិការក្រសួងការងារនិងជាប្រធានមូលនិធិអភិវឌ្ឍន៍មូស្លីម ពាក់ព័ន្ធនឹងគម្រោងធ្វើផ្លូវនៅវិហារបឹងកក់ ។
កន្លងមកលោកអះ ម៉ាត់យ៉ះយ៉ាបានបញ្ជាក់ប្រាប់ប្រព័ន្ធផ្សព្វផ្សាយថាពាក្យបណ្តឹងនេះ គឺអាចទាក់ទងនឹងការថ្លែងរបស់លោកទៅកាន់សារព័ត៌មានមួយដែលថា៖ “ខ្ញុំបញ្ជាក់ថាការធ្វើប្លង់គឺអូស្មាន់ ហាស្សាន់ អ្នកធ្វើប្លង់(ផ្លូវឆ្លងកាត់វិហារ)ឲ្យគំនិតទៅសាលាក្រុង”។ លោកបន្ថែមការធ្វើផ្លូវត្រង់ក្បែរព្រះវិហារនឹងរំខានដល់ការ ថ្វាយបង្គំ។ "សាលាក្រុងគេចង់បានត្រង់"។ បើធ្វើត្រង់ដីហ្នឹងត្រូវពុះជាពីរ ហើយប្លង់វាជិតពេក រំខានការថ្វាយបង្គំ។ និយាយតាមត្រង់" គេ(លោក អូស្មាន ហាស្សាន់)ចង់យកដីផ្លូវគាត់ចង់ធ្វើខុនដូអីអញ្ចឹងណា"៕
ចំនួនអ្នកទស្សនា
- ថ្ងៃនេះ1431
- ម្សិលមិញ4731
- សប្តាហ៍នេះ23761
- ខែនេះ218361
- ឆ្នាំនេះ218361
- សរុប20660817