គ្លីនិក ឃឹម រ៉ានី ត្រូវក្រសួងសុខាភិបាលចេញសេចក្តីប្រកាសបិទបន្ទាប់ពីចាក់ថ្នាំឲ្យមនុស្សស្លាប់
23-May-2016 | ដោយ មែន កំសត់
ភ្នំពេញ៖រដ្ឋមន្ត្រីក្រសួងសុខាភិបាល នៅថ្ងៃទី២៣ខែឧសភាឆ្នាំ២០១៦នេះបានសម្រេចចេញសេចក្តីប្រកាសបិទ គ្លីនិក ឃឹម រ៉ានី មិនឲ្យធ្វើសកម្មភាពអាជីវកម្មរបស់ខ្លួនតទៅទៀតក្រោយពីឃ្លីនីកមួយ នេះចាក់ថ្នាំខុសបច្ចេកទេសបណ្តាលឱ្យមនុស្សស្លាប់និងមិនគោរពតាម ការណែនាំរបស់ក្រសួងសុខាភិបាល។គ្លីនិក ឃឹម រ៉ានី មានទីតាំងនៅផ្ទះលេខខ១៤ ផ្លូវលេខ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ។
មន្ត្រីមួយរូបបានឲ្យដឹងថាក្រសួងសុខាភិបា លបានពន្យល់ថាការបិទគ្លីនិកឈ្មោះ ឃឹម រ៉ានី នេះដោយសារតែមន្ទីរសម្រាកព្យាបាលឃឹម រ៉ានីបង្កឱ្យមានបញ្ហាជាច្រើនលើកច្រើនសារដោយមិនគោរពទៅតាម កិច្ចសន្យារបស់ខ្លួនពេលដាក់ពាក្យស្នើសុំបើកមន្ទីរសម្រាកព្យាបាល និងមិនគោរពតាមការណែនាំរបស់ក្រសួង។
កន្លងទៅក្រសួង សុខាភិបាលក៍ធ្លាប់បានណែនាំរឹតបន្តឹងការត្រួតពិនិត្យស្តង់ដាគ្លីនិក មន្ទីរពេទ្យនិងឱសថស្ថាននានាក្រោមការគ្រប់គ្រងរបស់ខ្លួនឱ្យមាន ការប្រុងប្រយ័័ត្ននិងត្រូវមានគុណភាពផងដែរ។ក្រសួងសុខាភិបាលក៏ ធ្លាប់បានធ្វើយុទ្ធនាការបិទគ្លីនិកគ្មានច្បាប់ជាច្រើននៅទូទាំង ប្រទេស។ យុទ្ធនាការនោះ ត្រូវបានធ្វើឡើង បន្ទាប់ពីមានហេតុការណ៍ ឆ្លងមេរោគអេដស៍ ដល់មនុស្សរាប់រយកនាក់ នៅឃុំរកា ខេត្តបាត់ដំបង ដែលបណ្តាលមកគ្រូពេទ្យប្រចាំភូមិម្នាក់បានប្រើប្រាស់ម្ចុលចាក់ ថ្នាំរួម។ក្រោយមកគ្រូពេទ្យនោះក៏ត្រូវតុលាការកាត់ទោសឱ្យ ជាប់ពន្ធនាគារផងដែរ។
គួរបញ្ជាក់ថាកាលពីថ្ងៃទី២២ ខែឧសភា ឆ្នាំ២០១៦មានបុរសវ័យជិត៣០ឆ្នាំម្នាក់បានប្រកាច់ស្លាប់ភា្លម បន្ទាប់ពីរូបគេមានអាការៈមិនស្រួលខ្លួនចេះតែឈឺខ្នង ហើយត្រូវមិត្តភក្ដិបាននាំទៅចាក់ថ្នាំ ចំនួនពីរម្ជុល នៅក្នុងឃ្លីនិក ឃឹម រ៉ានី។ ជនរងគ្រោះមាន ឈ្មោះឡាំ តៅគង់ ភេទប្រុស អាយុ២៨ឆ្នាំមានទីលំនៅផ្ទះលេខ៥២សេផ្លូវលេខ២០៩សង្កាត់ច្រាំង ចំរេះទី១ ខណ្ឌឬស្សីកែវ ក្នុងបុរីវិមានភ្នំពេញមានមុខរបរជាបុគ្គលិកក្រុមហ៊ុនប្រេងឥន្ទនៈ សាវីម៉ិច មានប្រពន្ធឈ្មោះ សុខ រដ្ឋមនី អាយុ២៨ឆ្នាំ ។
សាច់ញាតិជនរងគ្រោះ បានឱ្យដឹងថា មុនកើតហេតុជនរងគ្រោះ និងមិត្តភក្ដិគេម្នាក់ទៀត ឈ្មោះរ៉ាបានបបួលគ្នាទៅហូបគុយទាវនៅម្ដុំទួលគោក។ ក្រោយហូបគុយទាវរួចជនរងគ្រោះបានត្អូញថាចេះតែឈឺខ្នងស្ទើរទ្រាំ មិនចង់បាន ហើយមិត្តភក្ដិក៏ជូនទៅពេទ្យ។ពេលជិះម៉ូតូឃើញឃ្លីនិក ឃឹម រ៉ានីក៏នាំជនរងគ្រោះចូលពិនិត្យពេទ្យពិនិត្យហើយក៏យកថ្នាំចាក់ឱ្យ ជនរងគ្រោះពីរម្ជុល។ចាក់បានតែបន្តិចស្រាប់តែឃើញជនរងគ្រោះ ប្រកាច់បែកពពុះមាត់។ ពេលនោះគ្រូពេទ្យឱ្យមិត្តភក្ដិអ្នកជូនទៅផ្ដិតមេដៃ នៅលើក្រដាសរួចហើយឱ្យប្រញាប់ដឹកទៅមន្ទីរពេទ្យកាល់ម៉ែតតែពេលទៅដល់ គ្រូពេទ្យនៅមន្ទីរពេទ្យកាល់ម៉ែតថា ជនរងគ្រោះបានស្លាប់បាត់ទៅហើយ៕
ចំនួនអ្នកទស្សនា
- ថ្ងៃនេះ1481
- ម្សិលមិញ4471
- សប្តាហ៍នេះ1481
- ខែនេះ227151
- ឆ្នាំនេះ227151
- សរុប20669607