មន្ត្រីអគ្គិសនីចុះពិនិត្យកុងទ័រភ្លើងតាមសំណើរប្រជាពលរដ្ឋ នៅក្នុងខេត្តកំពង់ឆ្នាំង
28-May-2016 | ដោយ មែន កំសត់
កំពង់ឆ្នាំង៖មន្ត្រីអាជ្ញាធរអគ្គិសនីកម្ពុជា កាលពីរសៀលថ្ងៃទី២៥ ខែឧសភា ឆ្នាំ២០១៦ បានចុះពិនិត្យមើលកុងទ័ររបស់ប្រជាពលរដ្ឋចំនួន ៣គ្រួសារ ដែលរស់នៅក្នុងក្រុងកំពង់ឆ្នាំង បន្ទាប់ពីមានការស្នើរសុំ ដោយពួកគាត់មានការសង្ស័យថា កុងទ័រដែលកំពុងភ្ជាប់ចរន្តអគ្គិសនីប្រើប្រាស់បច្ចុប្បន្នដើរលឿន មិនត្រឹម ត្រូវតាមស្តង់ដា។ ប្រជាពលរដ្ឋទាំង៣គ្រួសារ ដែលបានស្នើរឲ្យមន្ត្រីអាជ្ញាធរអគ្គិសនីចុះមកពិនិត្យកុងទ័រភ្លើង នោះឈ្មោះ ឆាយ លាភា ឈ្មោះឈឹម សំអាង ដែលមានទីលំនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង និងឈ្មោះចាន់ហាន មានទីលំនៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង។
លោក លី ឃួង ប្រធានក្រុមបច្ចេកទេសរបស់អាជ្ញាធរអគ្គិសនីកម្ពុជា បានបញ្ជាក់ឲ្យដឹងថា ក្រោយពីបានធ្វើការត្រួតពិនិត្យទៅលើកុងទ័រទាំង៣នោះ ជាលទ្ធផលបង្ហាញថា កុងទ័រទាំង៣មិនមានបញ្ហារទេ គឺដើរត្រឹមត្រូវតាមស្តង់ដា។ មន្ត្រីអាជ្ញាធរអគ្គិសនីបានបញ្ជាក់ថា បើសិនប្រជាពលរដ្ឋណាមានការសង្ស័យទៅលើកុងភ្លើងរបស់ខ្លួនត្រូវដាក់ ពាក្យស្នើសុំទៅអាជ្ញាធរ និងមន្ទីរជុំនាញ ហើយមន្ត្រីអាជ្ញាធរអគ្គិសនី នឹងចុះមកពិនិត្យជូន។
លោកហាក់សិរ្យរណៈ ជាកូនប្រុសរបស់លោក ឈឹម សំអាង ដែលកន្លងទៅបាននិយាយថា កុងទ័ររបស់ខ្លួនដើរលឿនមិនត្រឹមត្រូវតាមស្តង់ដានោះ បានបង្ហាញនូវអារម្មណ៍សប្បាយចិត្ត និងថ្លែងអំណរគុណដល់អាជ្ញាធរអគ្គិសនីផងដែរ ដែលបានយកចិត្តទុកដាក់ចុះមកពិនិត្យកុងទ័រជូនប្រជាពលរដ្ឋ។ សូមបញ្ជាក់លោក ហាក់ សិរ្យរណ: កន្លងទៅបានសរសេរបង្ហោះនៅលើបណ្តាញសង្គមហ្វេសប៊ុក ដោយបានរិះគន់ទៅលើក្រុមហ៊ុនអគ្គិសនីថា ពិតមែនតែតម្លៃភ្លើងត្រូវបានបញ្ចុះពី១០៥០រៀល មកនៅត្រឹម៨០០រៀល ក៏ពិតមែនតែក្រុមហ៊ុនអគ្គិសនីបានត្រូវរ៉ូវជាមួយខាង EDC ក្រសួងរ៉ែ និងថាមពល អាជ្ញាធរដែនដី អភិបាលខេត្តកំពង់ឆ្នាំង កែបច្ចេកទេសកុងទ័រឲ្យដើរលឿនខុសធម្មតា រហូតស៊ីគីឡូមួយទ្វេជាពីរ ធ្វើឲ្យការប្រើប្រាស់របស់ប្រជាពលរដ្ឋមានការកើនឡើងទ្វេដង។
ប៉ុន្តែក្រោយពីមន្ត្រីបច្ចេកទេសរបស់អាជ្ញាធរអគ្គិសនីចុះមកពិនិត្យ ជាក់ស្តែង លទ្ធផលវាផ្ទុយគ្នាស្រឡះទៅនឹងការលើកឡើងរបស់លោកហាក់ សិរ្យរណៈ ទាំងស្រុង។ ករណីនេះខាងក្រុមហ៊ុនអគ្គិសនីកំពុងតែពិចារណាក្នុងការប្តឹងលោក ហាក់ សិរ្យរណៈ ទៅតុលាការផងដែរ៕
ចំនួនអ្នកទស្សនា
- ថ្ងៃនេះ1631
- ម្សិលមិញ2851
- សប្តាហ៍នេះ7741
- ខែនេះ233411
- ឆ្នាំនេះ233411
- សរុប20675867