គ្រួសារខ្សែរាជវង្សស៊ីសុវត្ថិ ស្នើសុំអន្តរាគមន៍ពីសម្តេចតេជោ ករណីតុលាការដោះស្រាយរឿងអយុត្តិធម៌
03-July-2016 | ដោយ មែន កំសត់
ភ្នំពេញ៖នៅថ្ងៃទី០២ខែកក្កដានេះ គ្រួសារខ្សែរាជវង្សានុវង្ស ស៊ីសុវត្ថិ ស្រែកទ្រហោយំ រកសម្តេចតេជោ ហ៊ុនសែន និង សម្តេចកិត្តិព្រឹទ្ធបណ្ឌិត ប៊ុនរ៉ានីជួយ រកយុត្តិធម៌ ជូនពួកគាត់ផង ខណះ នៅពេល ជនជាប់ចោទ ២នាក់ ដែលអ្នកស្រី ស៊ីសុវត្ថិ សោម៉ា ប្តឹងពីបទរៀបចំគំរោងមនុស្សឃាតត្រូវបាន តុលាការ សម្រេចដោះលែង អោយនៅក្រៅឃុំ កាលពីថ្ងៃម្សិលមិញនេះ ! ដោយសំអាងភស្តុតាង ដាក់បន្ទុក ពុំមានគ្រប់គ្រាន់។
អ្នកស្រីស៊ីសុវត្ថិ សោម៉ា បានព្រួយបារម្ភ ពីសុវត្ថិភាព របស់ពួកគាត់ យ៉ាងខ្លាំង នៅខណះ ជនជាប់ចោទទាំង២នាក់ មានសេរីភាព នៅក្រៅឃុំ ស្រុកខ្មែរ ដល់តែគេ បាញ់ងាប់ផូង ! អានិង បាន ធ្វើជាស្វែង រកឃាតករ ! ដល់តែទើបរៀបគំរោង និង ប៉ុនប៉ងសម្លាប់ គឺគ្មានទោសទេ! តើពិតមែនទេ? បើមានខ្សែវល្ល៍ដំរីខ្លាទៀត គឺ សំណំុរឿងក្តៅ គគុក ក្លាយជា ត្រជាក់ល្អូក ! អ្នកនាង ស៊ីសុវត្ថិសោម៉ា និង ស្វាមី កំពុងត្រៀម រត់ភៀសខ្លួន ទៅនៅក្រៅប្រទេស
ហើយ ខណះនាង មានបងប្អូន នៅខាងតុលាការដែរ បានលួចខ្សឹប ប្រាប់នាងថា : អោយរត់គេចខ្លួនទៅព្រោះ រឿងនេះ មិនធម្មតាទេ!
ថ្ងៃនេះ គេធ្វើមិនបាន ប្រាកដ ថ្ងៃក្រោយ ត្រូវក្ស័យ របស់គេ ដោយប្រការណាមួយមិនខាន ព្រោះគេ ក៏មានបងប្អូនជាមន្ត្រី ជាន់ខ្ពស់នៅក្រសួងមហាផ្ទៃដែរ ! ដូច្នេះសំណុំរឿង នេះគេ បានកែ ប្រែរួចអស់ទៅហើយ ដូច្នេះ គ្មានបន្ទុកណា អាចដាក់ទោស អ្នកទាំង២នាក់បានឡើយ ។
អ្នកនាង ស៊ីសុវត្ថិសោម៉ា ថ្ងៃនេះ បាននិយាយរៀបរាប់ ទាំងក្តីភិតភ័យ ជាខ្លាំង ដោយចង់សូមព្រះរាជអន្តរគមន៏រកយុត្តិធម៌ ពីហ្លួងសម្តេចម៉ែ និង ជាពិសេស សម្តេចតេជោ ហ៊ុនសែន និង សម្តេចកិត្តិព្រឹទ្ធបណ្ឌិត ប៊ុនរ៉ានី ដើម្បីសុខសុវត្ថិភាពផ្ទាល់ខ្លួន។
ពេលនេះអ្នកនាង បន្តទៀតថា : នាងឈឺចាប់ណាស់ ដែលខ្សែរាជវង្សរាល់ថ្ងៃ ស្ទើតែបាត់សម្លេងទៅហើយ និង ខណះនេះ នាងនិង ស្វាមី ទើបមានកូន ខ្ចីបាន១ សប្តាហ៏ទៀត មិនដឹងគិត រត់ទៅ ជ្រកនៅច្រកណាទេ! បើស្នាម ថ្នេរវះកាត់ កំពុងឈឺ ខ្លាំង!និង ពិបាកក្នុងការ ដើរណាស់! ឬ ក៏ចាំ គេមក បាញ់សម្លាប់ ដល់ផ្ទះ ហើយ បានមានយុត្តិធម៏ ជូនពួកគាត់?
ជាចុងក្រោយអ្នកនាងស៊ីសុវត្ថិ សោម៉ា បានលើកយកសំដី របស់ឯ.ឧ ផៃ ស៊ីផាន មកពិចារណាថា: (មានលុយ ទើបមានយុត្តិធម៌!) ពាក្យនេះ ជាពាក្យពិតប្រាកដមែន។
ចំនួនអ្នកទស្សនា
- ថ្ងៃនេះ2121
- ម្សិលមិញ4891
- សប្តាហ៍នេះ18031
- ខែនេះ22871
- ឆ្នាំនេះ807501
- សរុប21249957