អាជ្ញាធរខេត្តបាត់ដំបងបើកដៃឲ្យឈ្មួញលេងល្បែងភ្នាល់ទឹកភ្លៀងក្រោមហេតុផលទូទាត់លុយដាក់ខែ
05-July-2016 | ដោយ មែន កំសត់
ខេត្តបាត់ដំបង : “គ្មានអ្វីធំ ឬសំខាន់ជាងលុយទេ” បើគេចាត់ចែងទូទាត់អស់ហើយ ចង់ប្រជាពលរដ្ឋស្រែកដល់គ្រហែងមេឃណាក៏គ្មានសមត្ថកិច្ចណាហ៊ាន បង្ក្រាបដែរ ព្រោះក្នុងមួយខែៗ ត្រូវចំណាយរាប់សិបម៉ឺនដុល្លារ ដល់អាជ្ញាធរសមត្ថកិច្ច និងមេៗបន។
នេះបើតាម ក្រុមអ្នកលេងល្បែងភ្នាល់ទឹកភ្លៀងនៅក្នុងអាណាចក្របាត់ដំបងដែល គ្រប់គ្រងដោយចៅហ្វាយខេត្តគំរូលោកចាន់សុផលនិយាយ។ប្រហែលចឹងមែនហើយ បានជាតាំងពីខែឧសភាមកដល់ពេលនេះ ដំណើរការល្បែងភ្នាល់ទឹកភ្លៀងខុសច្បាប់បានធ្វើសកម្មភាពចាក់ស៊ីសងយ៉ាង រលូន គ្មានខ្លាចសមត្ថកិច្ច អាជ្ញាធរគ្រប់ជាន់ថ្នាក់នគរបាលប៉េអឹម ក្នុងអាណាចក្រខេត្តបាត់ដំបងឡើយ។
ជាក់ស្តែង នៅចំណុចតំបន់ស្រែ១០០ ក្នុងភូមិ-សង្កាត់ចម្ការសំរោង ក្រុង-ខេត្តបាត់ដំបង ដែលជាកន្លែងភ្នាល់ទឹកភ្លៀង គេឭសំឡេងស្រែកជំទាល ដោយមិនសំចៃមាត់តាមវិទ្យុទាក់ទងនិងស្រែកជាសាធារណក្តែងៗ កងរំពេងសំណាក់ក្រុមពួកអ្នកញៀនល្បែងភ្នាល់ទឹកភ្លៀង។មេវង់ល្បែង ឈ្មោះ តាល់ និងឈ្មោះ ហេង មេក្លោងវង់ល្បែងទាំង២នេះជាថ្នាលបណ្តុះនៃភាពអសន្តិសុខ ដែលជាប្រភពអំពើទុច្ចរិតបង្កើតឲ្យមានបទល្មើសក្នុងសង្គម។
ករណីល្បែងភ្នាល់ទឹកភ្លៀងនេះគេធ្លាប់ឮលោកឧត្តមសេនីយ៍ត្រី ស ថេត ស្នងការនគរបាលខេត្តបាត់ដំបង អះអាងថា នឹងមានវិធានការបង្ក្រាប ចំពោះទីតាំងបនល្បែងភ្នាល់ទឹក ភ្លៀងទាំងនោះ ប៉ុន្តែសូន្យគឺសន្យាខយល់ដូចពួកក្រុមសកម្មជនគណបក្សបនយោបាយ ប្រឆាំងចឹងដែរ? ចំណែកលោក ច័ន្ទ សុផល អភិបាលនៃគណៈអភិបាលខេត្តបាត់ដំបង បានបង្ហាញពីឆន្ទៈថា លោកហាក់ដូចជាមិនសប្បាយចិត្តទាល់តែសោះរឿងល្បែងស៊ីសងនេះដោយ លោកមិនបានទៅពាក់ព័ន្ធនឹងរឿងកំប៉ិចកំប៉ុកនេះទេ ហើយលោកមាន ប្រសាសន៍ បន្ថែមថា "ល្បែងនេះកើតជាទម្លាប់យូរមកហើយ”។លោកនិយាយចឹងមែនតែក្នុងនាម ជាប្រធានគណបញ្ជាការឯកភាពខេត្តត្រួតប៉ូលិសប៉េអឹមយោធាខេត្តលោកចាន់ សុផលគ្មានចំណាត់ការស្អីជាមួយមេបនល្បែងទឹកភ្លៀងក្នុងអាណាចក្រលោក ឡើយ?។ដោយសាឃើញស្ងាត់ឈឹងចឹងបានធ្វើឲ្យ ប្រជាពលរដ្ឋបានគិតដោយទុទិដ្ឋិនិយមចំពោះអាជ្ញាធរពាក់ព័ន្ធថា ប្រាកដជាបានទទួលបានផលប្រយោជន៍នៃសំណែន ពីមេវង់ល្បែងទឹកភ្លៀងសែនជូនហើយបានជាពួកអស់លោកទាំងនេះមិនធ្វើការ បង្ក្រាបមេបនទាំងនោះ!៕
ប្រភព៖មាតុភូមិ
ចំនួនអ្នកទស្សនា
- ថ្ងៃនេះ1551
- ម្សិលមិញ4501
- សប្តាហ៍នេះ1551
- ខែនេះ11251
- ឆ្នាំនេះ254491
- សរុប20696947