រហូតដល់ឆ្នាំ២០១៦នេះ គ្រាប់មីនប្រឆាំងមនុស្សជាង ១លានគ្រាប់ ត្រូវបានរុករកឃើញ និងកំទេចចោល
17-July-2016 | ដោយ មែន កំសត់
ភ្នំពេញ ៖ លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា ហៅកាត់ថាស៊ីម៉ាក់CMACបានលើកឡើងថា គ្រាប់មីនប្រឆាំងមនុស្ស ត្រូវបានប្រើប្រាស់នៅកម្ពុជា ពីគ្រប់ភាគីក្នុងសម័យសង្គ្រាម ហើយអាចប្រើប្រាស់តាំងពីឆ្នាំ១៩៦២ដល់ចុងឆ្នាំ១៩៩៨។ តាមការស្រាវជ្រាវបានឱ្យដឹងថា មានគ្រាប់មីនប្រឆាំងមនុស្សចំនួនប្រមាណ៤-៦លានគ្រាប់និងមានផ្ទៃដី ប្រមាណជាង៤៤០០គីឡូមែត្រក្រឡា។
លោក បន្តថា គិតមកដល់ឆ្នាំ២០១៦នេះមានគ្រាប់មីនប្រឆាំងមនុស្សជាង១លានគ្រាប់ ត្រូវបានរុករកឃើញនិងកំទេចចោល ហើយផ្ទៃដីមានគ្រាប់ចំនួនជិត១ពាន់គីឡូម៉ែត្រក្រឡាទៀត នៅសល់មិនទាន់បោសសំអាតនៅឡើយ។ លទ្ធផលកិច្ចប្រតិបតិ្តការនេះប្រមាណជិត ៨០% ជាសមិទិ្ធផលរបស់អង្គភាពស៊ីម៉ាក់។
លោកអគ្គនាយកក៏បន្តថា វិនាសកម្មនេះ អាចត្រូវការរយៈពេលច្រើនឆ្នាំទៀតទើបអាចបញ្ចប់វាបាន។ កម្ពុជាស្នើសុំសហគមន៍អន្តរជាតិ ពន្យារពេលការអនុវត្តន៍អនុសញ្ញាអន្តរជាតិនេះ ១០ឆ្នាំម្តងរួចមកហើយ គឺ២០១០ ដល់២០១៩ ហើយនឹងសុំពន្យារពេលមួយរយៈពេលទៀត៕
ចំនួនអ្នកទស្សនា
- ថ្ងៃនេះ331
- ម្សិលមិញ3721
- សប្តាហ៍នេះ4061
- ខែនេះ39651
- ឆ្នាំនេះ377631
- សរុប20820087